كيف تقهرين اخوش للبنات فقط !!!!!


سلاموووو
اعيد واكرر للبنات فقط
اذا شفت اصبي اهني بطبق عليه التعليمات كلها سمعتون


عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع

هالخطوات والله يقويكم......

*** عند التلفزيون ***

لا صارت فيه مباراه والاخ متحمس اقطعي هالحماس وشلون؟!

(وقت المباره بعد مايحتاج اقول لكم شلون محد يحاجيهم كلش)جربيت يصيروون

شوفي اذا صار مبقق عويناته ولا مهتم الى احد ولا يطالع لا يمين وشمال يعني لو تجيبين صاروخ تفجرينه قدامه مالتفت لش اعرفي انه منسجم ,

اهني بس تقومين بشغلش.. وتسوين نفسش بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

اذا قال: تباعدي. قولي مو فاضية لك بنظف اني ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: تباعدي لااصكج على وجهك الحين قولي معصي بيجونه ضيوف(خوش جذبه ها) . . العبي عليه حتى لو مو جاينكم احد , والا سوي روحش قاعدة وتذكرتي ان الكيك بالفرن احترق طفري طفرة لين توصلين للواير وافصليه عن الكهرباء برجولش ولا تلتفتين وراش (يازعم مستعجلة للكيكه)..


*** عند النوم ***

لا صار يشخر.. نكدي عليه نومته وشلون؟! دخلي عليه جهال جيرانكم وصكي الباب عليهم وخليهم يلعبون بغرفته ويناقزون على راسه .. وكلكم تدرون الاطفال احباب الله خخخخخخخ

والله تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نطلع ها ..


*** اذا المزاج صفر ***

اذا شفتيه ماله خلق ومو طايق احد موليه ومقفله وياه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مالي خلق اذلفي عني , انتي لا تسكتين قوليله واذا ماذلفت وش بيصير يعني

عاد هو بيقوم ويراويش شغل الله انتي في هالوقت جودي اول درجتين توصلش لغرفتش وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي طفلة يوم من الايام وش فيها اهم شيء تحقيق الغايه اللي هي (( تفجير الامبير )) خخخخخخخ

*** وقت الضرب ***

لا جاء يوم وبراسش حرش وتبين تتضاربون انتي والاخ الغالي لازم تجهزين نفسش من كل ناحيه:

1/ اللبس: لازم تلبسين واسع خخخخخخخخخ علشان يسهل الركض


2/ الشعر لازم تلمينه تسوين حفله براسش ذاك اليوم تحطين انواع الشباصات وانتبهي ولا خصله تنزل منش ابدا,

وياليت يكون ذاك اليوم حاطه براسش حناء علشان مايتجرأ ويلمس شعرش

3/ مفتاح الغرفه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولش هذا اللي براسي طراااااااااااخ وعلى وجهش طبعا ,

لا تستسلمين عطيه بوكككككككس على عيونه الثنتين علشان مايشوف الدرب وحطي رجولش لا تنسين
.
وعلى طووووووووول لغرفتك اللي مجهزة مفتاحها من قبل واقفلي عليش .. ويادار مادخلك شر بس نصيحه اقعدي يومين لايشوفش ولا تشوفينه لانه يبي ينتقم لكرامته وبراويش النجوم في القايله ..

ها شرايكم يا بنات بهالخطط الجهنمية هههههههه
بس هاااااااااااااا مو تسونها صدق ترى تروح عليكم
وبعدين تسبوني سب لاني شوشتكم
مافينا شدتهم احنا هههههههههه



طبعا اني مستحيييييل ثم مستحيييل اسوي في اخواني جدي...ناويه على دباحي خخخخخ





تحياتي الحارة