من اجمل انواع الشعر ؟؟
كتب ربي شقـى عمـري تعبـت اردد الونـات
تعبت وضاعت امالي ورقى حزني الـى عينـي
تعبت الوافي المخلص تعبت استقبـل الصدمـات
تعبت ومالقيـت اللـي مثـل ماغليـه يغلينـي
يابنت الناس ورب الناس حباً صارلـك بالـذات
يابنت الناس احسك نبـض قلبـي والشرايينـي
تعبت احبهـا بجنـون تعبـت احبهـا بسكـات
تعبت الشوق يضحكني تعبـت الشـوق يبكينـي
تعبت احاول النسيـان تعبـت اتأمـل الفرحـات
تعبت ومن كثر شوقي اشوف الحـب يطوينـي
يابنت الناس كم مـره تحملتـك مـن الغلطـات
وكم مـره يابنـت النـاس بالغلطـات جيتينـي
تعبت ابحث عن الماضي تعبت وحاضري بي فات
تعبت ابحث عن الراحه تعبت وتعبـت اسنينـي
تعبت وماجنيـت الاالعـذاب المـر واللوعـات
تعبـت وحسرتـي طالـت الا يـاالله تنجيـنـي
يابنت الناس نار الظلـم لايمكـن تجـي جنـات
يطـول الوقـت اويقصروشوفـي ماتشوفينـي
تعبـت وللتعـب فينـي جـروحٍ كلهـا طعنـات
تعبت اتأمـل البسمـه عساهـا يـوم تنسينـي
تعبت وضاع بي عمري تعبت وتاهت الخطـوات
تعبت اطرد سراب الصيف تعبت بكـل مافينـي
يابنت الناس ترى حبك هو المقصد وهو الغايات
احبـك حـب لـو وزع يكـفـي هالملاييـنـي
تعبـت اقولهـا مـره تعبـت اقولهـا مــرات
تعبت انادي الواقـع وتعـب صوتـي ينادينـي
تعبت وزادت اتعابي مـن الروحـات والجيـات
تعبت ولاتعـب حبـي لـو ان المـوت ينهينـي
يابنت الناس انا ماني من اللي قصدهم رغبـات
يابنـت النـاس حطيتـك ابهالدنيـا عناوينـي
تعبت وبان في وجهي عذاب الحب والحسـرات
تعبت وضاقت الدنيـا صحيـح الحـب معمينـي
تعبت وغيرها ماريـد حـرامٍ غيرهـا هيهـات
تعبت الله يسامـح مـن نـوى قتلـي بسكينـي
يابنت الناس ماسمع فيك كلامٍ من هـل النمـات
يابنت الناس انا احبـك ابيـك انتـي تحبينـي
تعبت ومادريت انـي تعبـت الا مـن العبـرات
تعبت الخاسـر الرابـح خسرتـي اوربحتينـي
تعبت وفدوتك روحي ولو قالـوا توفـى ومـات
تعبت ولو بغيت انسى خـلاص ماعـاد يمدينـي
يابنت الناس احبك واعشقك في كـل هالحـالات
تعالـي يابعدعمـري تعالـي خـوذي ايديـنـي
كتب ربي شقى عمـري ولـو رددت هالونـات
انـا لعيونهـا بامـوت فيهـا يابعـد عيـنـي
منـقول
|