الخافق اللي سرت به بنت مزيونه
ياكبر حضه يرافقها في سفرتها
بنت ٍ اصيله ودلوعه ومصيونه
ماهي من اللي تجيب العيد خوتها
ان جت تسافر ماراحت تطلب إمعونه
ماهي بمثلي تحاول جمع قطتها
إفلوسها واجد ولا هي بمديونه
البنك مليان وفـالشنطة بطاقتها
معها بودي قارد ٍ إيروعك بعيونه
دايم معاها مكلف في حمايتها
دب ٍ معضل كبير وماكبر متونه
حاميها وحامي معاها كل حارتها
يابري حالي من المجمول وطعونه
الجادل اللي عليّ زادت قساوتها
اعشق هواها وحالف إني اصونه
والقلب والله تعلق في محبتها
إن ضاقت إتصير جنيّه وملسونه
وان كان رضيت تعم الكون طيبتها
ماستغرب ! ان تابعت بشار وفلونه!
بالعكس عادي وهذا من برائتها
حبوب راسي من المزيون مطحونه
وانا لي شهور عاجز طحن حبتها
فالصبح تفطر لها تونه وصمونه
وان كثرت مصة الحلوه حلاوتها !
وفالليل تاكل لها خبزه وزيتونه
كله على شان ماتخسر رشاقتها
بالوصف تملك جمال العالم وكونه
حتى البنيّ ميّتات ٍ في حلاوتها
الصدر يذبح وشكله شكل بالونه
والخد منقى ولون التوت شفتها
والجسم مليان والخطوات موزونه
والطول لايق على المهره ومشيتها
والخصر ناحل ولاكنه يغذونه
كذا من الله , ولاهو من عبايتها
ومن كثر ماهي عن الترفات مزيونه
تذوب فيها الملابس من نعومتها
حبيبتي بنت ٍ اصيله ومصيونه
للشاعر\فهد بن صنهات الديحاني..
اتمنى انها تعجبكم..