من كتاباتي أمانة الله يمكم
-------------------------------------------------
يابنية ليش تغارين
ومن عندي هواي تزعلين
قلبي انا مايشيل اثنين
وحدج بس يانور العين
بنص قليبي انتي تسكنين
اي والله وللروح تملكين
.........................
يابنية صار النا هواي
نعرف بعضنا من سنين
انت الهوا وانتي الماي
ياحبيبة لا لا تغارين
.......................
الغيرة حقك ياحبيبه
ودواها زين تعرفين
حب مكحل بنص العين
ودموع فراقك منسكبه
من تغارين وتزعلين
....................
خل نفرح مو جانه العيد
نلبس تاريخ النا جديد
ونعيـــــّد كل الطيبين
تراب الوطن والحلوين
...................
همومي صارت تذبحني
تخنق انفاسي وتقتلني
بحر احزاني مغرقني
خلي ايدك بايدي ونروح
نسافر وي حمام الدوح
ونشافي بحبنا الجروح
ونترك كل هاي الاحزان
وكافي من دلع النسوان
احبج انا مو بطران
ادري بيج زين تعرفين
بقليبي المايشيل اثنين
يابنيه لا لا تغارين