تحترق في داخلي كل الحـروف
لابغيت أنطـق يعاندنـي الكـلام

نظرة عيوني تترجم كل خـوف
يسكن الوجدان من عشرين عام

أعذروني لو عجز قلبي يـروف
قلبي اللي زلزلـة كثـر المـلام

حزني اللي ماتجمّعـه الكفـوف
انتثر فيني.. على الدنيا السـلام

لو بغيت أضحك تعاندني الظروف
لو سطع نوري يفاجئني الظـلام

كنها الأفراح في قلبـي ضيـوف
بعد ثالث يوم ترحل فـي سـلام

أعذروني لو غدا حزني ألـوف
أعذروني لو غدا حزني وسـام ]