اختي شهوده .. عزيزتي قبل التفسير والكلام بالحلم لازم اوضح لك امر مهم جدا .. صدقيني النوم بالنهار يمثل اكبر المخاطر والعراقيل للانسان خصوصا فيما يخص بالنصيب والرزق .. وانا انصحك ان اذا كنتي متعودة على هالطبع تحاولي تغييره خصوصا لانك من برج العذراء واللي معروفين بحب التخطيط للحياة والمستقبل والاهتمام الزائد بالمواقيت والروتين وحبهم لترتيب الحياة على حسب وجهة نظرهم .. ولهالسبب ايضا معظم احلام النهار ماهي الا من اعمال الشياطين حتى يضيعو وقت الانسان ومايقدر على الاستيقاظ .. لكن راح اكون وفي معك وناخذ الحلم خطوة خطوة :
كنت أنا وخواتي بمجمع المهلب ودخلنا محل كنا نشتري ونقايس وقاعدين نسولف معاللي بالمحل
(الواضح هنا ان انت وخواتك في حال متيسر من الرزق ولربما اكو بينكم مصلحة او جمعية او ورث او مشتركين بحاجة وحدة حتى ولو كانت حب الوالدين والقياس هو اعادة النظر فيما بينكم بالتفاوض وعادة راعي المحل اذا كان غير معروف يكون الضمير والعدل او صاحب الامر في المسالة)
قاعدين نتمشى شفت شخص أعرفه ولي علاقهوياه وهالشخص متهاوشه وياه ومتزاعله وياه كان واقف مع ربعه وكان حده متنرفز ومعصبوشافني وطنشني
(هاي مصيبة .. لان اذا كان الحلم بالليل يعني هو مشغول بك ويفكر واذا كان ربعه غير معروفين يعني هو يحاول يحصل الفرصة اللي ممكن ان يغير فيها الوضع .. لكن اذا كان بالنهار يعني الزعل بينكم راح يزيد وماكو حل)
أنا وخواتي سمعنا الناس يقولون المجمع قاعد ينفجروقعدنا نشوف المجمع وكل اشوي يتفجر وتفرقنا أنا وخواتي كل وحده شافت لها مخرجيطلعها من المجمع وطلعت أنا وكنت قاعده أركض بالشارع لين ماوصلت البيت وصادفت خواتيبالبيت وصلوا بالسلامه وكان أختي من أبوي ومرت أخوي واقفين برا قاعدين يقولون صج صجالمجمع انفجر ولا إشاعه قلت لها اي صج انفجر ودخلت بيتنا وتذكرت الشخص اللي متهاوشهوياه قلت بدق أتطمن عليه وأشوف اذا صار له شي ولالا وكل ما أدق يطلع لي إنه الجهازفيه شيء لا يدق ولا شيء قلت أكيد صار له شيء هناك وكنت حاسه إنه صار له شيء ..
(اختي .. كلام الناس هو الوسواس احيانا واحيانا يصير افكار الشخص ش كثر متضاربة وغير متزنة والانفجار هو تعبير لمدى خوفك من امر انتي تفضلي يكون سر لهالسبب افترقتي عن باقي اخواتك .. والركض اذا كنت متعودة تمشين بخطوة سريعة اذن انتي تحاولي توصلين لنهاية امر متحيرة منه واذا كان في الحقيقة مشيك بطئ اذن انتي راح تكوني بمشكلة وتتعرضي للسؤال والاستجواب .. واتصور اختك ومرة اخوك يهتمو بامرك ولو كان من وراك يعني مشغول بالهم معك .. وعدم قدرتك على الاتصال بالشخص يعني ابتعاده عنك وعن بالك او اهماله لك يخليك عصبية ومشوشة)
ارجو يكون التفسير في محله .. وارجو ان تفهمي ان التفسير على اساس انه بالليل مو بالنهار .. واقبلي مني عذري للتاخير