الإمام علي عليه السلام.
من لم يقهر حسده كان جسده قبراً لنفسه .
بسم الله الرحمن الرحيم
اللهم صل على محمد وال محمد
موشح
.....
.....
آه روحي البعد زاد إهمــــومها ... تريد تتعنه إلعـــــــــــلي لتلومها
...
تريد تشكي إهمومها إلدااحي الباب ...وتنحي عالعتبه وتشـــم التراب
.
جروحها تزف دمه وشافت عذاب ...آه حسرات وألم مــــــــرسومها
......
صـــــدعت الايام ياگلب اليشيل ... والهظم والضيم والحمــــل الثجيل
.
بعصــرت المعلول شيخلص الليل...إشلون أيام إنگضت بغمـــــومها
......
آه دورات الفلك مــــا تنوصف ... دموع عينك لوبحـــــر والله تجف
.
آه بالتفجير حــــــــاير والقصف ... إشلون يابو الغيره هاي إعلومها
.........
وين ابو الحملات موخلصت الروح ...هذا بالتابوت ذاك إيون جروح
.
والأيتام مشرد وزايد النوح ...وبحتلال الوطــــــــــن زرگ إسمومها
......
سيدي الدهرالولانه ما رحــــــم ... شاب حتى الطفل وتحـــــمل هظم
.
گلي وين نروح ياراعي الهمم ...ذبحوا الاســــــــــــلام هاي أسلومها
....
صارإرهاب الإســــــلام ولا كفوا ... بالغدر والخــــــطف والله اتفننوا
.
وحوش تكسر كل بشر ماورعوا... ما وصــــــــــل حجاجهم بدمومها
.......
چم گلب يصرخ إبجاهك ياغريب ...ويومك اللي صار اصبح موعجيب
.
ظهر طفل اللي إبطن إمه يشيب .... إتشوف قسوة هالبشر برسومها
....
شلون يامولاي مو راح الصــــبر ...من الحقد والجـــــور وانذال الغدر
.
سيدي نريد الشفاعه بالحشـــــــــر ... روحي إلك مشتاقه منهو يلومها
.....
تمت
نسالكم الدعاء
علي ابراهيم