والسهم..ينقل عبارة..
لا..نعود..
والحمامات..اشتهت موت السفارة.. وذبحت اجدام الجنود..

ارسم ابابك..نهر يجري عكس..
وارسم بعينك دمع يجري عكس
واضحك ابوجه الشفايف للامس
وانتظر ..منهم ردود؟؟

الوطن..بيت الارمل..لازم اتجيب اليتامة..وياك لورايد دخول
والسلام اعيون ترجية بنية..
والبنية..موبكر..
ماتت شريفة..
واحترك ستر الجكارة.. وي صوت الانفجار..
واشتروك..بسوك خسران على دمهم..
حتى تصفن لوردت تعبر نهار..
استلم..
دفتر رحيلك..واستقر بارض العبادة..
هو موتك..وانتة اعرف بالنزال
لاتوديلي سرج ..ماعندي خيل..
ولاتوديلي كمر.ماعندي ليل..
عندي سفرة لاخر الدنيا هلاك..
.....
وراح انطيك الرمش اخذه معاك.
واشرب بكل عين ماي..
العالم اتردد وراك؟؟
لن يموت اليوم والباجر حضارة..
بصوت لينين انتهت كل العبارة..
وجاك روسو..من فرنسا
يهدد اجداد...البقاء..
وياعلي كلهم..عبيدك..
رغم ماتحتاج..واحد..
وانت واحد...
افتح الكلمة تجد..سكتت حروف

بصوت منشار الامامة..
والحمامة..داست ابرقة السيوف..
لن ترى غير الظروف.
في عراقي..
قلبك يخضر جنون.
وعينك..تعصر دماء..
والحضن يبرد اذا جاسة حبيب..
بس يطيب الجرح.لو ن شدوا مدارة.
وهية..ساعة..
وانتة اختار الوقت .حتى تموت.؟؟
يلا منتظرين جيتك..
احنة واصحاب القبور..
****
العاشق
علي ابراهيم