محاوره بين حبيبيـــن ..........
أعـــــــتبر نفســـــــك
هـــــــــــــــو :_

أعتبر نفسك جريح ******* من حبيبك لو جفاك
وأعتبر نفسك متاني ******* بموعد ومحد أجاك
وأعتبر أنت الوفيته ******* وهو مره ما وفــاك
وأعتبر كلشي اليريده ****** بس يطلبه تگله هاك
هذا انه يالحبيـــــــب ****** وأنت ذاك أنت هذاك
@@@@@@@@@@@@
أعتبر صبر الصبرته ****** وصل لحدود النــــجم
وأعتبر أرسمت حبنه ****** جوه گلبك طلســـــــــم
وأعتبر حيلك الراهي ****** من التجافي ينهــــــــدم
وأعتبر تهتم بحبــــك ****** وبيك أبـــــــــدن ما يهم
وأعتبر كثرن جروحك ***** وبسهم هجــــــره رماك
هذا أنــه يالحبيـــــــب ***** وأنت هذاك أنت هذاك
@@@@@@@@@@@@

هـــــــــــي :_
أعتبر نفسي عله ياهي ***** وأنت ما تعتبر نفســـــك ؟؟
من عسل شفتي رويتك ***** وياما چنت أغفه علحسك
گمره چنت أطلع بليلك ***** وأنت ظلمه حتى شمسك
عذبتني وسهرتنـــــــي ***** وما گلت يحبيبي بســـك
منو الحبك مثل حبي ***** وگلبي ما مـــــره نساك
هذا أنــــه يالحبيــــب ***** وأنت ذاك أنت هذاك
@@@@@@@@@@@@
هـــــــــــو :_
صدگ أول حبنه چانت ***** أحله أيام العمــــــــــر
أزعل عالهوه البارد ***** لو يمســـــــك من يمـر
عليه چنت تغار أدري ***** وعندك ألغيره جـــــمر
لكن تغيرت تالــــــــي ***** وصرت يا محبوبي مر
چتفت عمري بصدودك ***** وصار حنظــل كل حلاك
هذا أنــه يالحبيــــــــب ***** وأنت هذاك أنت هــــــذاك
@@@@@@@@@@@@@
هــــــــــي :_
تدري ليش صبحت حنظل ***** لأن حسيتك تخـــــــون
بعيني شفتك ويه غيري ***** همس ومغازل عيــون
صدگ عنده الحسن آيه ***** ورقته اتثـــير الجنـــون
لكن إلي أنقفل گلبه ***** مايهمـــــــه شما يكــون
يا حبيبي الحب مشاعر ***** وآني ما ادري شــجاك
هذا أنـــه يالحبيـــــــب ***** وأنت ذاك أنت هــذاك
@@@@@@@@@@@@@@
هـــــــــــو :_
أثم بعض الظن حبيبي ****** هذا البراسك يـــــــدور
ما أبدلك بالحـــــواري ****** ألي يشـــــع منها البدور
انه مثل الأرض يمــك ****** وبحضن حبــــــك أدور
هذا ابن أختي يعيني ****** الچان يمي بلا غـــــرور
شوفته مو صعبه عندي ****** وأنت دوم أركض وراك
هذا أنــــه يالحبيـــــــب ****** وأنت ذاك أنت هـــــذاك
@@@@@@@@@@@@@@
هــــــــــي :_
أعتذر أن كنت مخطأ ****** ماحســــــبته لك قريب
لكن ألغيره حبيـــــبي ****** شبت بجســـــمي لهيب
مثل ما أنت ملكتـــــني ****** هم إلي عنـــــدك نصيب
أنت أعز من روحي ليه ****** وأنت بس أنت الحبيـــب
خلنه نروي غصن حبنه ****** وأنســه كلشي زعــــلاك
هذا أنــــــه يالحبيــــب ****** وتبقه هذاك أنت هــــذاك