السلام عليكم ورحمة الله وبركاته

تختلف طبايعنا كل واحد عن الثااني

يعني

في من يقدر يطلع اللي بداخله من ألم أو ضيج بطريقة ما فيعتقد ان البكااء ضعف لانه هو ما يلجأ له
وعنده وسيلته المختلفة

لكن في أنساان يجد في البكااء راحة وبالعكس شعوور بالقوة بعد ما يفرغ الشحنات اللي فيه

أنا بضرب لكم مثاال

انا عندي ثنتين من خوااتي وحدة كله تبجي من هني لين الصبح والثانية الدمعة بالموت تطلع منها

الفرق اللي ألمسة أنه اللي دايم تبجي القاها تقدر تعدي كل العقبات ونفسيتها ما فيه شي يضغط عليها ليش أنها داايم تفرغ الشحنات اللي فيها بالبجي فداايم تلاقيها تضحك ومفرفشة ومو بشايلة هم

لكن الثاانية
توصل لمراحل تطلع فيها من طورها من كثرة الأمور اللي تضغط عليها وتبقى في باالها لأنها ما فرغت الشحنات اللي فيها ...

وطبعا مثل ما تفضل أخوي رقيق الإحساس

أكبر مثال بكائنا على أهل البيت اللي يشعرنا بالقوة

وبالعكس نحب هاللحظات لانها تفرغ اللي فينا

وما عمرها كانت ضعف أو انكساار

البكااء أنا اشوفه شي ضروري لكل من يريد ان تسير حياته بلا ضغووط

مشكورة أختي ويعطيج العافية

أخوكم الفقير إلى الله / ظل بلا .........