هذا الشعر منقول من شاعر كبير
اعجبني فنقلته لكم

معقوله انست ايامي وياج
معقوله انمحه حبي وحياتي

وصدك هانت يروحي العشيره وياج
يل جنتي بظلام الليل شمعاتي


رحتي بلا ذنب وبلا دمع عين
وعلى الخدين نزلن والله دمعاتي


ترجيتج رجاءاً لا تبعدين
وتره بفراكج والله تزيد صرخاتي


ايسوري حبيبي بعد لا دكولين
بطليهن ولج مو كلهه مالاتي

ما بين الدمع والاه والنوح
حجه قلبي وفضحني وطلعت اهاتي


اريد احجي بلاجت خايف ومرعوب
وعلى شفافي الحجي وتروح كلماتي


وما بين الصدك والجذب كلبي احتار
وطفت نار العشك من كثر رغباتي


بجه حتى الصخر من شافني بهل حال
ونشف حتى الدمع من سيل دمعاتي


ومل حتى الصبر من كثر صبري وياج
وعيوني نشفن من ضيم عبراتي


اقبل لو تصير هموم فوك هموم

واشد الجرح والله واصبح جتوفج


واذا تبجين ردتي انطيج عيني فداج
ولو عيوني انعمت كملتي معروفج


اني الخفتي مني وصرت لاجلج بيت
وبعد ما عمري سافر هم ظهر خوفج


تره انتِ خدعتي وجذبتي علشوك
بس دولاب دنيا وباجر تلوفج


واذكرج لاتكولي اليوم حبيت
لان عطر العشك ما لامس جفوفج

باجر من شمسنه تصبح من الليل
راح انظر عليج واذكر حروفج

انتظر الردود