الموضوع: ان كيدهن عظيم
عرض مشاركة واحدة
قديم 07-04-2008, 06:46 PM   رقم المشاركة : [1 (permalink)]
مالك عذر
عضو مميز

 الصورة الرمزية مالك عذر
 
 
رقم العضوية 93214
تاريخ التسجيل Feb 2008
المشاركات 1,390
بمعدل 6.62 مشاركة في اليوم
الهواية  اكتشاف كل ماهو مفيد وجديد
الجنس
الحالة مالك عذر غير متصل
المزاج اليوم
علم الدولة علم الدولة Saudi Arabia
عدد النقاط 51
بدأت الانترنت عام 2000 او قبل

مالك عذر will become famous soon enough

Cool ان كيدهن عظيم

كان يا ما كان في قديم الزمان


كان فيه أمراة عجوز قاعدة بروحها

وفجأة طلع لها ابليس ………
العجوز خافت وسمت بالرحمن

…قالها ابليس :أنتي يا عجوز هل تعتبرين نفسك داهيه

العجوز: نعم أنا داهيه ……….. والنساء عموما كيدهن عظيم
أبليس: أنا أتحداك……..وبنشوف مين كيده أعظم …..المرأة ولا أبليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز بالرهان.

O.k :أبليس

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس…….
اذا تبي فلوس لا تتدخل ولا
تتكلم وافق الشاب لأنه طفش من البطاله ويبي فلوس

راحت العجوز ومعاها الشاب لمحل قماش وقالت له أتنتظرني عند باب المحل

…دخلت المحل وخذت قماش غالي وراحت تفاصل تاجر القماش

العجوز: رخص يا بن الحلال …

التاجر :اذا أنتي ما عندك فلوس أخذي شيء أرخص

العجوز : ما أقدر ….لازم ولا بيصير شي ء ما صار

التاجر :ليش …..لها لدرجه …..شسالفه

العجوز:شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قال لي أن عارضتي الزواج أطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته باسمه العجوز تبكي

التاجر: خلاص هونيها وتهون والله كسرتي خاطري ….خلاص أنا أعطيك القماش

ببلاش….وعسى الله يأجرني

العجوز طلعت مستأنسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه يا بنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز: مشكوووووورة ما تقصرين إن شاء الله أردها لك (تعمدت تنسى القماش ) وطلعت.

الزوجة:حرام نست قطعة القماش …أكيد بترجع بعد شوي وتأخذها

بروح أحطها بالدولاب..

تاجر القماش رد لبيته وتغذى ذاك الغدا السنع ونام شوي .

قام العصر وفتح الدولاب بيغير ملابسه عشان يروح محله ……مفاجأة قطعة القماش

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض

العجوز: وش فيك يا بنيتي ليش تبكين

الزوجه : زوجي طردني …وما أعطاني فرصه أتكلم .

العجوز: خلاص أنا بأوديك بيتي وأنا بروح أحل المشكلة
راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )
ذهبت الشرطة وقبضت على الشاب والزوجه ….وقطوهم بالسجن.

العجوز: ها ها وش رايك يا أبليس دورك اللحين حل المشكله

أبليس : لا لا ما أقدر أحلها السالفة تشربكت مرررررررة

العجوز: أنا راح أحلها وكأن شيء لم يكن ..
وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة

وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد

مكانك.

الزوجة:مشكووورة ….لكن أنتي

العجوز: مالك شغل مثل ما طلعتك بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن .

عصب الوالي وهزأ الشرطه وما عطاهم فرصه يتكلمون ويقول: غلطانين

وتبون تتكلمون.
شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : وش رايك يا أبليس أنا فككت السالفه سهله

أبليس : أنتي ربحتي ….
يما………يما أن كيدهن عظيم
انحاش منها وهو خايف

من مواضيع مالك عذر في المنتدى

0 طريقه للتخلص من الهالات السوداء
0 العبي با المعجون مع طفلك
0 لماذا؟؟؟؟؟؟؟
0 الفطير المشلتت
0 الرسم الصيني على الحرير ,,,,,,,,حياكم
0 *******اختبار الذكاء والصبر ******
0 عصفوره صغيره تخيط وتطرز.........بالصور
0 طريقة لتخصيص صوتيات لكل شخص بالمسنجر- شرح بالصور
0 ظاهرة غريبة تحدث كل احد الساعة 11صباحا!!!!!!!!!!!!!!!!!!!!!!!
0 يقولون الصينين ينامون بكل مكان ؟
0 أختبار حقيقي لمعرفة شخصيتك%%
0 اصنعي سله من صحن بلاستيك*****
0 حزايه الخياطه المسكينه
0 تمارين رياضيه خفيفه بالصور
0 انتبه من المطاعم

مالك عذر غير متصل   رد مع اقتباس