منتديات صقر البحرين - عرض مشاركة واحدة

مريومة قطر · #1 (**permalink**) 06-05-2008, 09:26 PM

الحيــاة دروس وعبر

الواعي يستفيد منها

والغبي يدور حوالين نفسه

يحاول ينبش بالامور

يحاول يثبت انه صح

وقدام الكل واضح انه على غلط

نتعلم من هالحياة بمرها الصبر

وبحلوها نتعلم الراحة

ويازين الراحة لما يكون البال صافي

ترتب حياتك

تعرف اللي لك واللي عليك

بهالزمن حاول ما تحب الا نفسك

لأن ما فيه احد يحبك كثرها

حاول تكون وافي لها مخلص لها

لا تجرحها .. لا تخليها تسوي شيء تندم عليه

عايشت قصة عاشها احد الغالين علي

وحكاها لي بنبرة الدموع والالم على اللي فات

فا صغت لكم هالكلمات اتمنى تحوز على رضاكم

مــا يتـــوالــف الحــر الا بعــد ما يـذوق الغبينة

ويتـــعلم مــن دروس الحيــاة مــــره ومـرتيـــن

شفتــك ويعلــم اللــه انـــك احييتــي الدفينـــة

طمــــام المرحــوم اللـــي على خبــرك تذكرين

عزيتــك ونثــرت لممشــاك ورد ويــاسمينــــه

كــنت اشوفـــك مــلاك والغيــر من حواء طين

اعمــى و مــا تنفــع الحســرة عليـك والونينة

مابــي النظـــر وانتــي لــي الشــوف والعيـن

شفتـــك تضحكــين من بعــد ما قالــوا حزينـة

وعينــك بعينـــي تطيـــح ولا كنــك تشوفيـن

تضحكـــين مع اللـــي بعتيني بأرخص الثمينة

تضحكـــين مع اللـــي ما ينقص عني تدريـــن

بنظـــرك مزيــون اللــه لا يجعـلك للناس زينــة

تـــرى فــرق المستــوى بين الشيـن والزيـن

نســيتــي اللـــي اهـداك زهر عمره وسنينـه

نســيتــي اللـــي خيـــرك بالحب بين اثنيـــن

يا يمـــوت ويجعـــل انفاســـه بيديــك رهينه

يا يعــاف عمــره ويرحــل وظنــي تذكريــن

اختــرت الجفـــا مـن بعــد خيانتـك اللعينـــه

اختــرت المسيــرة بــس برحــل لبعدك ميــن

تهقيــني بمــوت وقلبــي بيتقطع من حنينه

واصيـــر قصـة عاشـق تنقـال في كل حين

لا واللـــه تهبيـــن خابـرك بقلبـي تعرفينـه

مـايليــن للي يفكــر يهــز كيــانه ما يليــن

اجل وشلون لا صرتي بكل وقاحه تخونينه

بتذوق من كاسي و بترجّعْ لماضيي الدين

شوفيني طويت جرحك وصـــار اللي تبينه

لقيت من يرد لدافي بسمــــتي الضعـــفين

تعلمـــت منك كيف اتجرع مرارة الغبينــة

وانتي تعلمي كيف تردين لزمــاني الدين