قصيده لشخص يوصي صديقه على حبيبته قبل لا يموت ...
وصاتي لك من بعدي تموت فيها على شاني ..
ابيها تعيش وتحيا بك واظل بالذاكره مفقود...
وصاتي لك تنسيها ملامح وجهي وتنساني ...
وتعزف لها قصيده حب عكس اللي عزفته بعود...
تراها مغرمه بالحيل ويشهد لي عدد الردود ..
وصاتي لك تسايرها تر فيها من احزاني ..
طلبتك لايضيق بالك طلبتك والطلب مردود...
وصاتي لك تناديها عمري حياتي وازماني انا عودتها دايم ادلعها وانا موجود ...
وصاتي لك تعاملها بطيبه قلب واحساني..
تراها تذرف الدمعه ودمعتها بدون حدود..
وصاتي لك تحفظها سور وايات وقراني وتخبرها عن الميت رحل لايمكن انه يعود..
وصاتي لك ترسمها على قبري واكافني ..
ابيها لوحه تبقى على طول الزمن محدود..
وصاتي لك تمازحها على اسناني سعيتك يا ضحكه الكون طلبتك لاتكون جلمود...
وصاتي لك تقهويها من دلالي وفنجاني تراها تعشق السمرا ويكفيها دخون العود ...
وصاتي لك تركبها على خيلي وعلى حصاني وربي فارسه من قلب شهادة ماهي شهادة شهود...
وصاتي لك تسفرها بلاد الشام ولبناني ...
ترى يحلالها تقطف ورده من بلاد الورود ...
وصاتي لك ترقصها على الحان الرحباني ترى فيها من عرق الخاله وفيها من جنون السود ...
وصاتي لك تحببها فابو نوره من بعد هاني وتنسيها ندم غلطه انا فيها ترى مقصود...
وصاتي لك تكرها في تاريخي وعنواني ابيها تلعن اللحظه وتلعن كل فرح موعود ...
وصاتي لك تكلمها عن المجني وعن الجاني وتخليني انا الظالم وانا من حرق الخدود ...
وصاتي لك تشبهني بندم احمر قاني وانا هالقاتل السفاح مجرم من عصر نمرود ...
وصاتي لك تحلفها تتوب تحبي ثاني ترا يكفيها ماعانت ويكفي حيلها مهدود ...
وصاتي لك تنسيها قصيده قالها لساني ..
انا اخبرك رجل موقف وانت قدها وقدود..
صديقي مالقيت غيرك يعرف وشلون تنساني امانه ضمها بقلبك...
ترى صاحبك رحل مايعود.....................





انشاء الله تعجبكم عورت قلبي ...

مشكوره ياعمري ويعطيك الله العافيه