((( يا عين لا تبكين )))

[FRAME="7 70"]يا عين لا تبكين من غاب يا عين
الصبح يرجع صاحبي من غيابه

وافرح برجعة كامل الوصف والزين
اللي سلب قلبي وزود عذابه

غيبة حبيب الروح لو بس يومين
تزيد لوعة قلبي اللي غدابه

خلي نكبني مثل نكبة فلسطين
في كل يوم يزيد فيه المجابه

ما هوب حق يحط بالقلب جرحين
جرحٍ قديم وجرح توه سطابه

يتم وصله شهر ويغيب شهرين
مليت من حب بدون إستجابه

ياخلي أنته وين اليوم وأنا وين
تعبت واتعبت القلم بالكتابه

اسهر لوحدي واكثر الناس غافين
والسهر للمهموم مابه غرابه

هاذي حياة أهل الهوى والمحبين
كل الليالي من سهرهم تشابه

حياتهم من دون سلم وقوانين
براق صيف يرتعش في سحابه

(((( منقول ))))
و أتمني تعجبكم
و لكم خالص تحياتي [/FRAME]