هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
 |
|
|
 |
 |
|
|||||||
| المنتدى العام للمواضيع العامة و ليس لها قسم مختص بالمنتدى ... هنا مكانها |
 |
|
|
LinkBack | أدوات الموضوع | إبحث في الموضوع | انواع عرض الموضوع |
24-05-2006, 10:57 PM
|
رقم المشاركة : [1 (permalink)] | |||||||||||||||||||||||
|
عضو مشارك
|
مشاكل المواطن العربي
شاب واقف على حافة الجسر الدي بالبحر ورابط حجر برقبتة يبي ينتحر . سمع صرخه من شايب كان مار بالصدفة فتوقف ورجع خطوة للخلف . فقال الشايب : بعد ماامسكه من يده ليش ياولدي تبي تنتحر أن قتل النفس حرام ماكو شيء بالدنيا يستاهل تقتل نفسك علشانه والله بالأخرة يحطك بالنار. الولد : خني يا حجي افتك من الدنيا مليت منها ومن مشاكلها . الشايب : ياولدي ناقصنك فلوس او مديون ما ساعدوك بيت الزكاة أعين وأعاون والديون شيء عادي بالديرة اغلب الناس عايشين بديون وما راح يترقعون الى يوم القيامة فإذا الشركات مشتكية عليك طنشها ما راح يسوون شيء لنه الديرة كلها مديونة واذا كل واحد بيشتكون عليه ماراح تشوف واحد في الشارع واذا اقساط عليك خلهم يطقون راسهم في الحيط وشنهو بسو بس بزيدون الفوائد واذا تبي تشتري شي لازم واحد يكفلك كنك اجنبي في بلدك وهني المشكله ماحد راح يكفلك حتى الأخ ما يكفل أخوه . الولد : لاياحجي مأني مديون . الشايب : ما دام انت مو مديون اكيد قاعد تنظر بيت حكومة وزهقت ترى ما عليك من كلامهم البيت تأخده بعد خمسة عشر او عشرين سنه ولايحوشك يعطونك بيت تنخفس فيه الأرض ، ما سمعت الرجل الي كان نايم مع زوجته في الغرفه وطق المطر والا هم في السكة والقهر يقولون مانعطيكم قروض للترميم الا بعد خمسه وعشرون سنه ، أحد ضامن العمر شوف اشلون ثقتهم الزايدة بالشركات اللي تبني البيوت ، أو حظك يعطيك بيت في منطقة جوها ملوث بالغاز فلا تهتم ما دام انت مواطن لازم تستحمل وما تنتحر من اجل هذي الأسباب التافهة . الولد : ياحجي انا عندي بيت في منطقة نموذجية وكل شيء فيها متوفر ختى الأقطاوة اللي كانوا مأذينا قلوا الأن الزبالة يأخذونها في مواعيدها . الشايب : اعنقد ادن السبب انت مسافر سياحه وضحك عليك ابليس ورجعت الديرة بهديه لزوجتك وخايف تنكشف فلأحسن تموت نفسك ولا الفشلة . الولد : ياحجي انا صار لي حمس سنوات ما سافرت ولا اقدر اسافر لان ما عندي فلوس ويوم جمعتها بدلت جوازي وضاع الجواز قبل لا استلمه عدهم والى الحين انا انتضر يشوفونة حته حطيت اعلان بالجريدة اقول يمكن طايح منهم في الطريق و اللي يلقاه له مكافأة والسفر ياحجي ما عاد مهم مثل قبل لأن الديرة فيها كل شيء بس الفرق الجو حار . الشايب : زين اكيد السبب انك متخرج من الجامعة ولحين تدور وظيفة ومو لاقي ما عندك واسطة ولا تقدر تشتغل بالتجارة لأن السوق نايم ولايبون يصحونه أو موقادرين . الولد : أول مرة في حياتي اشوف شايب يهدر شنو ماتتعب والله انا تعبت خلاص اذا مابنتحر من السبب بنتحر هدرتك ،لاياحجي موهذا السبب . الشايب : ذبحتني شنهو السبب اللي يخليك تنتحر اذا ماعندك مشاكل من اللي قلتها . الولد : لا ياحجي السبب عائلي . الشايب : قول جذته من الصبح نشفت ريقي . ياولدي المشاكل موجودة في كل العوائل بين الزوج وزوجته لانه يقولون الشجار ملح الزواج ، وزعل يحصل بين الأخوان والاعمام والخيلان ويتصالحون مع الوقت . ما سمعت عن الولد اللي حط ابوه بدار العجزة علشان الفلوس والاملاك . ما سمعت عن اللي بلغ عن امه واتهمها بالجنون علشان يرضي زوجتة ياكثر هذه المشاكل . الولد : ياحجي انا مشكلتي غير . الشايب : قول ياولدي تعبت وياك وصدقني ابي اساعدك . الولد : اسمع تزوجت واحدة مطلقة وعندها بنت وبصفتي زوج امها تعتبر مثل بنتي وانا ابوها ، بعد فترة ابوي تزوج بنت زوجتي اللي اعتبرها بنتي فصرت عمه وهوابوي وزوجتي صارت عمته وحماته وبعد سنة جبت ولد صار ابوي جد ولدي زوجته اللي هي بنتي صارت خالة ولدي يعتبرها اخوها وولدت زوجة ابوي اللي تعتبربنتي بنت زوجتي امها وابوي يصير جد ولدي وهو ولد عمته .الشايب : بس بس بس اسكت ضعت بالطوشة يا الله خلنا نرجع انا وياك ننتحر . هذي بعض مشاكل المواطن العربي . مع تحياتي القلبية |
|||||||||||||||||||||||
|
|
|
25-05-2006, 11:45 AM
|
رقم المشاركة : [2 (permalink)] | |||||||||||||||||||||||
|
عضو
|
هههههههههههههههههههههههههههههههههه
الشيخ هذي مشاكل مواطن ؟؟؟؟؟؟؟؟؟؟؟؟؟ بس المهم ليش كل هذا التشائم ياخي تفائل بالخير تجده بعدين ترى أنا بروحي مافهمت السالفة الأخيرة مشكلة الولد أنا ضعت في الطوشة سالفة كنها خيط حداق رقم 3 وتشربك عاد فجج ؟؟؟؟؟ ويقولون بعد كل بلاد وفيها مقبرة يعني كل بلاد لها مشاكلها وكل بيت له مشاكله سلام .gif "Falcan (8)") |
|||||||||||||||||||||||
|
|
|
|
25-05-2006, 03:49 PM
|
رقم المشاركة : [3 (permalink)] | |||||||||||||||||||||||
|
عضو مشارك
|
هلا ومرحبا
اخي العزيز الوطن ومشكور على تنويرك صفحتي بقلمك الجميل وانا غير متشائم انا دايمن متفائل بس هذي بعض الهوموم في البلدان العربيه |
|||||||||||||||||||||||
|
|
|
|
25-05-2006, 09:39 PM
|
رقم المشاركة : [4 (permalink)] | |||||||||||||||||||||||
|
عضو
|
الله يبارك فيك حاضرين لك يالطيب انا مبسوط وايد من مشاركاتك بصراحة المنتدى كله مشوق
|
|||||||||||||||||||||||
|
|
|
|
26-05-2006, 03:43 AM
|
رقم المشاركة : [5 (permalink)] | |||||||||||||||||||||||
|
عضو مشارك
|
يارب تكون دوم مبسوط
واتمنا من الله دوم الفرح والسرور الى الجميع وتسعدني مرورك مرة ثانيه فأهلا وسهلا أخ عزيز وغالي يامن افرحتني بمرورك الجميل تقبل احترامي وتقديري يالغالي |
|||||||||||||||||||||||
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حصــــــــريا الان حمـــل حلقات كونان من 1 إلى 404 مترجمة بالعربي | aliifazli | أفلام الرسوم المتحركة الأنيمي | 48 | 27-01-2008 12:47 PM |
| " خـالـد النفيســي في سطــور " | أشجان | الفن و السيـنما | 9 | 19-11-2006 03:33 PM |
| في أخر 3 دقائق ..القادسية يحول تأخره الي فوز ثمين امام بختاكور .. والسد يسحق العربي ب | الزعيم | الرياضة والسيارات | 2 | 02-11-2006 11:49 AM |
| محول الصوتيات العربي 5.9 إصدارة جديدة بتاريخ 17/1/1427هـ | .X. | الكمبيوتر والانترنت والبرامج | 8 | 10-09-2006 03:51 PM |
| الآلة الحاسبة المطورة) و(قارئ التوقيت) لمستخدمي نظام (ويندوز إكس بي) العربي | حسين البصري | الكمبيوتر والانترنت والبرامج | 9 | 02-08-2006 12:49 PM |
العرض العادي
