تعالو شوفو حقيقة الوسمي... ليش الواحد ينكر اصله

بصرااحه هذي اول مشاركه لي فالمنتدى وانا من اشد المعجبين فالفنان الوسمي
وتبا الصدق ياخويه ترى الناس ما عندهم سالفه يوم بيرمسون عن هالاشيا
الريال ما يعيبه شي لا اصله ولا ماضيه ولا غيره
وهو قدر يثبت وجوده فالساحه الفنيه وهذا معناه انه جدير بهالشي ويستحقه
واذا كان عماني شرات ما يقولون.. والنعم فيه .. ليش العمانيين مالهم رب
واللي كاتب هالكلام واحد بتذبحه الغيره والحسد ولا ما بيعبر بهالطريقه الهمجيه ..
والصراحه يا خويه ولا تزعل من كلامي .. كان المفروض انك ما تنقل موضوع مثل هذا
لان الناس ماهمهم غير القيل والقال وهم يرمسون عن الريال من الحسد اللي فيهم

عالعموم السموحه لو طولت عليكم
بس ياخويه نصيحه مني يوم بتختار موضوع تشارك فيه فالمنتدى
من الافضل انه يكون موضوع تستفيد منه وتفيد
هب مواضيع شرات هذي

مع خالص احترامي
الريـــم

الى اخواني في المنتدى اللي من الامارات واللي من عمان
لا تسوون من الحبه قبه على فولت القايل
اولا مافي فرق بين الامارات وعمان كلنا بلد واحد
العين في البريمي والبريمي في العين ما تقدر تفصلهم تاريخبا ولا جغرافيا
مع العلم بان العين كان يطلق عليها اسم عمان في السابق حتى في بداية الاتحاد واسالوا شوابكم عن هذا الشي
وبالنسبه للامارات قبل لا تصير امارات كان يطلق علينا ساحل عمان
اذا من هذا المنطلق يا خواني لا تقللون من شأن الوسمي بانه ماتفرق ان كان من عمان او الامارات المهم هو الوسمي للفنان اللي انتوا كلكم تحبونه
واعتقد انه شخص مكافح جدا والشهره اللي اكتسبها بعد تعب وجهد اعتقد يستحق الاشاده منكم
اتمنى اني اكون أرضيت طموحاتكم ياخواني