مسجات رووووووعه

السلام عليكم


مسجاااااااااااااات طوييييييييييييييييله


محد يشق القلب من غير
تفكير..
حتى الطبيب يرتجف ثم
يحتار..
وأنت شقيت الجوف من
دون تقدير..
وبنيت قصورداخل القلب
وأنهار..
"وجهة نظر" كتبتها
بصدق تعبير..
وأرسلتهاللي له بداخل
القلب مقدار..

****************
مرت بي الذكرى وانا
خاطري شين "
ذكرى زمان فات عنا
وولى
هلت على خدي دموع
من العين
كني غريب عن دياره
مجلي
ناديت باعلى الصوت
وين المحبين
اللي معاهم القلب يتسلا
واخص انا صاحبي كامل
الزين
اللي ليا جيته رحب وهلا
****************
انا الذي من شوف الاحباب محروم..
والله يكفي شر زلات الاقدام..
قبل امس مع ربعي سواليف وعلوم..
واليوم طاويني هواجيس وهيام..
اضحك ضحى قبل امس وابكي ضحى اليوم..
مااسرع دورات الليالي والايام..
****************
انا رفيق الجرح من صغر سني
والجرح له في داخلي الف عنوان
ياسيدي! هم البشر صار مني
واصبحت انا تمثال لهموم انسان
كل الوجيه تشابهت حد ضني
ماعاد اميز بين صادق وخوان
ياصاحبي لاتنشد الجرح عني
كل السوالف كذب صمت وحرمان
****************
ودك تعرف غلاك وشقد؟

أنا أسألك وجاوبني بجد..
هي السماء تنتهي بحد؟
أو البحر ينتهي بسد؟
أو الرمل تلقاله عد؟

لا لقيت جواب أو رد
وقتها

بتعرف غلاك وشقد!!!!
****************
ضاق الوجود وهمي بداخلي ضاق
وعجزت أداوي في خفوقي سهومه
ياليت حلم البارحه مابعد فاق
سبب على قلبي هموما تسومه
أبكي واخايل بالسماء نوض براق
يمكن لعل المزن تجلب علومه
****************
الصاحب اللي في خيالي مصـــــــوّر
لا غاب عن عيني بقا منه صـــــــوره
حبه مع الأيام زار وتطــــــــــــــوّر
با قصى الضماير قام يبني قصــوره
غلاه بعروقي مع الــدم فــــــــوّر
وشوقه بقلبي زاد حالي خطــــــوره
****************
مهما الخطـاوي عن بعضنا تبـــاعد
تبقى المشاعر للتلاقــي مواعيــــد
ومهما تباعدنا لزوم إنتواعــــــــد
بعدك عذاب وشوفتك عندنا عيــــد
أغليك ما دمت في قلبي إتواجــــــد
وأشواق قلبي كل يوم لك إتزيـــــــد
****************
من قال فيني عيب والله ظلمنــي
فيني ثمان اعيوب والتاسع الطيب
والعاشر إليا من رفيقي زهمني
أسوق له عمري وأسوق المواجيب
والصاحب اللي بالمراجل هزمني
هذا الذي ها الحين يقرا المكاتيب
****************
عجزت لا أكتب بيت واحد بفرقاك
حتى الشعر به صدمة من غيابك
ياشينها أيام مضت دون لقياك
ياشينها أيام مضت في غيابك
حتى المكان اللي شهد يوم لقياك
الحين يبكي من سبايب غيابك
****************
أقضي مع الأفكار غربه وترحـــــــال
ذكرى تفرحني وذكرى حزينـــــــــه
انت الفرح وانت السعاده والامـــال
يامن بنى له في ضميري مدينــــــه
وانت (الوفي)اللي مع الوقت ما مال
مثل البحر ياكم حمل من سفينــــه
****************
طال البعاد ولوع القلب فرقاك
ومن غيبتك صاب المولع مضـره
أسهر طوال الليل وأعيد ذكراك
وأرجع الماضي وبالقلب حــــره
يذكر زمان فات بالخير ويـــاك
الله يعيده لو بالأيــام مـــره
****************
لو قلت اداوي جرحي اللى تباطاك** ماكّل جرحٍ يفْيد فيه الضمادي
اعلنت حبك لين كلٍ تمناك**غلطه! وغيري من خطاي استفادي
لو لي مثل قلبك تمنيت فرقاك**واكيد قبلك بالجفا صرت بادي
حلوه عذاريبك وحلوه مزاياك**حتي بيوم فراقنا كنت هادي
****************
ماني من اللي يرخص النفس لاضاق
ولاني من اللي يرخص اليوم غالي
سبحان ربي كمل النفس باخلاق
الطيب عمي ومصدر الجود خالي
واللي يبيني يمه الروح تنساق
واللي سلاني عنه القلب سالي
****************
ياصاحبي افهم ترانــي بخلـيــك..
بـتـركـك كـلـك وبـبـقـى لحـالـي..
روح انت في دربـك اللـه يخلـيـك..
وأنا على دربي أبلحـق أمـثـالـي..
مافهمـت القصـد وأنــا متـحديـك..
فهمك لقصدي هو أصلاً محالـي..
أقـصــد بـقـولــي انـي بخـلـيــك..
هذا بعد مـوتـي وبـعـد ارتحـالـي..
****************
الله من خــــل نكر حــب خله نسى عهود الحب واجـــمل لياليه
ما يدري ان الحــب ظل يظله وقت السهر وعيون خله تــراعيه
من طب بحر الحب لازم يدله صادق شعوره وبكل حس يحاكيه
هذي نصيحة للقلــوب الـمقله من يصــدق الاحساس لازم يوفيه
****************
لــو الرســالة تقـــــــتل ابعاد وفراق ارسلت لك في كل لحظة عبـاره
حبك جريمة والجزاء سجن الأشواق سجني مؤبد بس صوتك زيـــاره
لكــــن لـــي قلب للأحــــباب تــواق لو غاب محبوبه بقى في انتظاره
****************
لي قلب محد هز عرشه ولا جاه ومحــد تجرأ يطلع في كـتابه
كم مر من عـنده حـبايـب بدنــياه وكم واحد ينثر لقلبي اعجـابه
لكن قلبي مـحد من الناس اغـراه كل الوجوه اللـــي تمره تشابه
الا واحــد كـــــل ما قلت بنــساه احس له وحشة وقدر ومهـابه
****************
خزنت لـــك بالقــلب عشــرة ملايين ماهو رصـيد فـلوس لكـن مـوده
زكــــاة حبك تغــني كــل المـــساكين من الساحل الشرقي إلى حد جده
وأمشي معك والله على العسر واللين المــوت والمقـــسوم ما حد يرده
****************
وبالنهايه اقول
يفز دمعي واقهره داخل العين اخــاف عـذالي يقــولوا هزيمة
لا والذي الف قلـوب المحـــبين ما حدرت دمعات عيني ظليمة
انا بكيت من الوفا والوفا ديـن لجل الصديق وذكريات حميمة

تحياتي