انواع البنات ... كل وحده تدخل وتشوف هي من اي نوع

 

السلام عليكم
ها كيفكم انشاء الله تمــام
رغم انكم شوي تطنشوني لاكن ماعليه

شوفي انتي اي وحده من البنات

أنواع البنات

1- الكشخه:
هذي من تشم ريحة طلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كاشخه كاشخه لو انشاء الله تاخذ لفة حول البيت
____________________________

2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع
الدلع اللي يجي على طبيعته.
.يااااااااااااااااااااحلوه
لكن الدلع المصطنع ..وووووووووواااااااااااااااااع ع ع ع يحوم الكبد ..ودك تشوتها إذا جت تتكلم
______________________________

3- البنات النصابات :
(عاد هالفئه ياهم قاهرييييييني ودي أفحط في بطونهم )
هذي الكذب عندها ماشي سوقه .. تجيب لكم ذيك النصبه اللي مهيب صاحية وتدري انكم ماتصدقونها بس ماعليها من أحد
( والله انا شايفه جوال عاجبني توه مانزل هنا ...تمــــــــــــــــر السنين .. وتسألها تقولك إلا الآن مانزل ..)
مدري متى بينزل الجوال
..بس تدرون إذا نزل علمتكم <<<معجزه ذا ماصار جوال

_________________________

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معه... ولو تقولها خير ضربتك بأكبر ما عندها
هذي لو تمر الذبابه عند خشمها ياويلها<<<راحت وطي الذبابة

____________________________

5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر
يعني يجيك شاب فـي حااالة مو حول أحد .. وتجي البنت تقول : شوفوا هذا قليل الأدب من الصبح يلاحقنا ..
مالت عليه .. ودك من يسنعه .. لازم أهزئه عشان يحرم يلحق أحد ..وهو مهوب يمها الضعيف هو في وادي وهم في وادي ثـــــــــــــــــــــــــــــــــــــاني
_____________________________

6-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف
_____________________________

7- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
_______________________________

8-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك .

_______________________________

9-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين
______________________________

10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن جلست معها جتك الزيران غصب

_________________________


11-العناد :
بعض البنات عنيداااااااااااات
يعني إذابغوا شي سوووووووووووووووووووووووووووووووووه ولا عليهم من أحد
تنجلد.. تنطق.. تنحبس.. تتصفق.. تتلسب بالعقال ..ماعليها أهم شي اللي في بالها سوته.

_______________________________

الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالقلق والإزعاج
يعني إذا بغت شي تقعد تحـــــــــــــــــــــــــــــن على راسك لما تعطيها اللي تبيه

___________________________

13-الكريمات:
هذي رهيبه عسى ماتقول أبي كذا إلا وهي جايبته لك ..
وإذا راحت مكان كبت اللي في البوك كله <<<ياعيني عليهم

______________________________
14- غيووووورة :
كل البنات غيورات لكن نسبتها تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة

_______________________________

15-راعية السوق:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح للسوق هذي هي هوايتها

_________________________________

16-الطبيخة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
____________________________________
17-تمســــــــكن لين تمكـــــــــن :
يعني بالعربي ملكعـــــــــــــــــــــــــــــــه <<< طبعا فاهمينها

________________________

18- أم دمعة :
هذي لو تقولها .. بخ .. صاحت
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب



يالله يابنات كل واحدة تعلمنا من أي نوع
مو تجي تتفرج ثم تطلع لازم تعلمينا انتي من اي نوع
ok

 

 

Emo pink

 

 

يسلمو فتحووو ,,, انه تقريبا من هالنووع,..
لان المعلمة اذا تباعدني عن رفيجتي وييبون وحده تقعد معاي وععع ماتسووولف ماتعودت جذي >>اتعب نفسيا خخخ


مشكووووووووورة حبيبتي

 

 

فتح المنى

 

 

خخخخخخخخخخخخ
لاتقولي نتي من هالنوع عاد خخخخخخخخخخ
مشكووووووووره قلبي فراوله
وتسلمي على مرورج الحلو
ودمتي بود حبي
______________________

 

 

roby4444

 

 

11-العناد :
بعض البنات عنيداااااااااااات
يعني إذابغوا شي سوووووووووووووووووووووووووووووووووه ولا عليهم من أحد
تنجلد.. تنطق.. تنحبس.. تتصفق.. تتلسب بالعقال ..ماعليها أهم شي اللي في بالها سوته.

هاذي انا بلا فخر العناد ابرز صفاتي وصح مو كل مرة تسلم الجرة بس هاذا طبعي مو بالساهل اتراجع عن مواقفي او اهدافي او حتى ارائي ومشكورة عالموضوع

 

 

فتح المنى

 

 

مشكووووووووووووووره قلبي روبي
وتسلمي على مرورج الحلو
ياعنوده خخخخخخخخخخ
ودمتي بود غناتي
_______________________