لايفوتكم...فلافل بتجنن

السلام عليكم
هاذي طريقة الفلافل على طريقتي والله مو ماخذتها من النت وعذراً أنها بدون صور
1)راح نجيب بليلا الكمية اللي تبونها وتحسون أنها راح تكفي عدد الأشخاص الموجودين وحتى إذا طلعت الكمية بعد الطحن كثيرة تقدرين تسوين جزء وتجمدين جزء في الفريز بس لما تكون الكمية كبيرة جمديها على مجموعات يعني كل جزء حطيه في كيس نايلون وجمديه والمرة الجايه طلعيه قبل الغلي علشان يفك من الثلج.
2)نطحن البليلا بفرامة اللحم لحاله بدون أي شي
3)نجهز البقدونس أو البقل ويفضل البقل على البقدونس كثيراً لأنه يعطي هشاشة وطعم لذيذ يعني أضيفوا بقدونس وقليل جداً من الكزبرة(بمقدار راحة اليد) والبقل راح يكون هو الأساس.
4)أيضاً نقطع بصل (البصلة الواحدة نقطعها 4أجزاء)
5)وبعد ماجهزنا كل المقادير نرجع نفرم البليلا مرة ثانية مع البقل والبصل.ونفرم معاه 7فصوص ثوم،وحبة فليفله خضراء.
6)نضيف البهارات كمون وغيره من البهارات وملح وسمسم.
7)وإذا كانت الخلطة يابسة أضيفي إليها شوية ماي علشان ماتصير جافة بعد الغلي.
8) وتسوينها بآلة الفلافل (يفضل آلة فلافل حجم صغير) وتغلى في زيت غزير.
9)وبالهنا والعافية عليكم وأتمنى أنها تنال إعجابكم .

على فكرة تقدرون تحشون الفلافل بجبن أو حتى بيض لكن في الحاله راح تسوينه بيدك دون استخدام الآلة . بس راح تكورين الفلفلة وتحفرينها من الوسط وتحطين الجبن او اللبنه واللي تبونه لكن طعمها فظيييع.

تسلم ايدش يالغلا

يعطيك العافية

تسلم ايدك
على الطبخه

انشاااااااااااء الله نجربها

تسلم الأيادي والله يعطيكِ الف عافيه.....

يسلموووو