جلست بضــيـــــــقي وحــــدي .. أفكــر في بــداياتـي
على شاطي البحر جالس وكان اليوم بغروبه
على الشاطي قعدت أحسب جروحي وكل خساراتي
وكان الوقت حزتهــا .. مطر وقلوب مرعوبه
وكانت بجنبي طفله صغيــــره تقرأ حســـــــــراتــي
كان الضيقه في وجهي وهي بالقلب مكتوبه
تذكرت الحبـيــــبه يومهــــا خلتـني بآهـــــــــاتـــي
بعد ما جتـني تشكي تقول اليوم مخطـــــوبه
وعرسي في شهر واحد .. وضاعت كل حيلاتــي
(وأمي) أعزمت ناسي وعرسي جهزوا ثوبه
تقول أرجوك أبي تحرق صَوري مع رســـــالاتي
فراقك ماهو بكيفي أنا والله مغصــــــــــوبه
وقالت.. خذ وعد من دمعي المقهـــــور بسكاتي
أموت بحبك الغالي وأرد أحيا على دروبـه
وقالت!! مدري وش قالت..؟ أنا ميت بلحضـاتي
خنقي الهم والدنيا غدت في عيني مقلوبـه
أبستـــوعب ولاني قادر استـــوعب نهـــــاياتي
أبي ذرَة فرح لكن لقيت الفرحـة مسلوبــه
تساوت دنـيـتي بـعيـني تساوى الماضي بالآتي
مدام أن العيوب اليوم ترفع ناس معيـوبه
رجعت لغرفـتي بين (الأثاث) وبـيـن شمعــاتي
أناظر كل رسايـلها وقلت أن كان لي حوبه!!
يعــل اللي خــذاهـا يأخــذه ربي من أدعــــاتي
ويشوف اللي أنا شفـته ويصير الهم مشروبه
بكيت ومـــا لقيت من يواسيـــني بــدمعـــــاتي
وشكيــت الجـرح للدنيا ولا منهو لفت صوبه
ما غير (أمي) تحـــاول تخــفـف لي معــانـاتي
وبكـت شافت حياة أوليـــدها للموت مطلوبه
وحبــــــتـني على رأسي وأنا اشـهـق بسكراتي
وقـالت لي توَضا وصل وثـوب الهم قط ثوبه
ورحت أطـلب من المـولا وأنا ساجــد بركعاتي
يصبرني على غيابك وأعيش بدنيه محجوبه
تـرى المسلم معرض للفــتن لو طال مامــاتي
وأنا مسلم وكل مسـلم إذا اخطا له التوبه
وقـلبي من ذنوبــه تاب وعزم يجمع أشتـــاتي
وإذا قـلبي طلع مذنب تـرى أنتي أعظم ذنوبه
هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
30-11-2006, 08:26 PM
مخطوبه
العرض العادي
