تراها بروفه ونزلت بالغلط

كل عام وانتم بخير


ادري اشتقتولي والدليل محد حس بغيابي ... بس عادي انا متطفل قاعد على قلوبكم


المهم تراها بروفه قصه محاوله خجوله للاضحاك خاصه اني حاس من زمان ماضحكتوا ههههههههههههههاي كله بسببي من يوم غبت عنكم


المهم ماعلينا نبدا فصول القصه الشيقه مرررررررررررره

.................................................. ........................................






في احد الليالي المقمره حيث كان القمر مكتملا وطاق ام اللثمه ولسان حاله يقول
(مابقى الا انت اكشف عليه)
وبينما كنت عائد للبيت سيرا ً على الاقدام
وا ذا بالقطو البلطجي اللي بحارتنا جالس فوق سيارة الوالد ويطالعني برضو من فوق وتحت ويقول
(ياخي تراك ساحب علينا وممرمطنا معك امش واطلق سيقانك للريح وكب الزباله خلنا نترزق لا بارك الله في هالقفى)
وبينما انا اقرأ افكاره وهو مستمتع بالتهزيئ فيني اذا بنعالي اللي كانها عماره ست طوابق تجي تمشي مليون في ظهره معلنه انتهاء هالمسخره

دخلت للبيت والقيت بجسمي الهزيل فوق فراشي اللي حفظ تقاسيم جسمي ولا حس فيها بحياته ولسان حال الفراش برضو يقول.. ياخي وشرايك نتبادل وانام انا عليك ؟ يالعصقول
هالمره ما سويت شي لاني فعلا محتاج للفراش ولا كان لقى مصير القطو

واستسلمت جفوني للنوم


(في الصباح التالي)

استفقت من النوم وعانيت من صداع أليم وانا اشم ريحه ماهي غريبه علي

للمره المليون أمي العزيزه فتحت غرفتي وانا نايم ورشت بف باف بالقوه المضاعفه وسكرت الباب علي وخلتني اقوم وسط جثث وضحايا من الكائنات العجيبه اللي ساكنه معنا بالبيت ولا تدفع ولا قرش من الايجار
فعلا كائنات سخيفه <--- فيه واحد منكم بيقول ياااي يانعومتك

ماعلينا قمت من غرفتي اللي كانها خندق في تورا بورا

قمت وغسلت وجهي وغيرت ثيابي معلنا بداية يوم جديد
وبينما اخوكم يمشي بالصاله وفي طريقه للخارج سمعت صوت مو غريب علي بتاتا
انه ابي ينادي بكل حنيه علي ويقول
تعال ياولدي تعال يابعدي تعال انت وخشمك اللي كانها طفل متمسك بلعبته
تعال افطر

نظرت اليه وكلي بشاشه بالوجه وقلت بابا <--- ماقلت بابا اكيد بس خلوني اتدلع شوي تكفون
قلت بابا وش هالكلام اللي يشبع الواحد مع الصبح

رد ابوي وقال ياولدي وش اسوي عليك خشم والله لو يشوفك احد من بعيد يقول اثنين باكستانيين حاضنين بعض
قلت بابا يعني انا جبت الخشم ذا من برى ؟
قال : لا بس ياولدي انا اخبر الشخص اذا وصفوا خشمه قال عنه سلة سيف
انت خشمك سلة فواكه

في هذا اللحظه يوم حسيت ان الحرب ماهي بصالحي سويت انسحاب تكتيكي
واطلقت سيقاني للريح وطلعت للدوام



يتبـــع في وقت لاحق اذا عجبتكم......... ومشكورين عالمرور مقدما