حلم طويل وقلقانه منه ..

السلام عليكم ورحمة الله وبركاته



تحلمت انه أبوي قال روحي اخذي السياره وروحي عند رفيجتج " بالاساس أنا ما أسوق بس عندي ليسن يعني دفتر السواقه" ولقيت أخوي الكبير اهو اخوي من ابوي طلع من البيت انا اهني انخشيت تحت السياره نص جسمي برا ونص جسمي داخل (( أخوي الكبير بالحقيقه مايرضى اني أسوق)) وأخوي الصغير كان قاعد داخل السياره وأقوله شوفه اذا راح قولي عشان أطلع بعدين طلعت اشوي عشان اشوفه لقيته للحين قاعد وشافني بعدها
قمنا تهاوشنا وكان قاعد يطقني وأنا أطقه حييل (( أطقه يعني أضربه )) وبعدين قلت له دام أبوي موافق انت مو شغلك قالي لا ماكو سواقه يعني ماكو سواقه بعدين جت سياره ونزلت منهم 3 رياجيل يبون أخوي الكبير يعني يعرفونه أنا اهني رحت البيت بسرعه بعدين راح البيت وكلم أمي وقالها ماكو سواقه بعدين امي قالت له اذا أبوها موافق خلاص أهم شي هذا وكان يرجف أخوي الكبير وكان قاعد يكتب كلام بورقه بس نسيت شنو هالكلام وقعدت من النوم ..

ان شاءالله خير ..