حلمـ طويل جـــدااااا وأرجو التفسير ضروري

..، شهوده ..، · 12-07-2007, 03:02 PM

السلام عليكم ورحمة الله وبركاته

أنا ما أذكر بداية الحلم بالظبط ناسيه اشـوي بس اللي كنت أتذكره إني قاعده مع رفيجاتي بالكافتيريا وسلمت على وحده بالحلم كانت مو منقبه وحاطه مكياج خفيف ومو مغطيه وجهها أما هي بالحقيقه منقبه وما تحط مكياج وتغطي وجهها وبعدين كل وحده طلعت بسيارتها وأنا رحت بسيارتي مع أنه بالحقيقه ما أسوق ويوم طلعنا من المعهد كان الجو مغرب أو العشى وأنا كنت قاعده أمشي سريع وأدعم بالناس بعدين الشارع صار زحمه من السياير ووقفت وبعدين في رجال طلع لي من أمام السياره وهالرجال كان شرير وأنا كانت وياي علبة ثلج ومن شكل الرجال الشرير تخرعت وقاعده أمشي سريع بالسياره لين ما حسيت أنه أنا والسياره طلعنا فوق بالجو (( مثل أفلام الأكشن اذا انفجر شيء كل شي يطير فوق )) والثلج طاح مني والسياره نزلت وتكسرت وأنا ما أدري شنو صار فيني المهم بعدها كنت على الأرض ولقيت رجال عندي ويبي يساعدني والرجال الشرير اللي يطاردني يطارد الرجال اللي يبي يساعدني وكنا قاعدين نركض نبي ننحاش منه وبعدين لقينا بيت ورحنا حق هالبيت عشان يكون مخبأ لنا وكان صاحب البيت قاعد بروحه وأنا والرجال اللي وياي كنا قاعدين وخايفين من الشرير وبعدها دشت علينا عايله تتكون من أم وعيالها وهذي يمكن تكون أخت صاحب البيت أو إنها تصير له وبعدين أنا مع الرجال اللي وياي كنا قاعدين بوجه الباب يعني أي أحد يمر راح يشوفنا وكنا خايفين الشخص الشرير يمر ويشوفنا قلنا نروح داخل الغرفه وأستأذنا من المرأه اللي اهي الأم قلنا ممكن نقعد بالغرفه قالت لنا لا أبي أغير ملابسي قلت لها بعد ما تغيرين ملابسج قالت لي بعد لا أبي أنام بعدين طلعنا برا ورحنا غرفه ثانيه إختبأنا بغرفه ثانيه بعدين شفت الرجال الشرير جاي وقال لي خليتي الثلج يذوب كله بعدين أنا يمكن سالته ما أذكر سالته عن السياره قالي تكسرت كلها بعدين راح مسكني وطلع مسدس وقاعد يقول حق الرجال اللي وياي ابتعد عنها لا أموتها بالمسدس لانه اهو
كان يبي يساعدني والرجال الشرير كان قاعد يطلق على الرجال اللي وياي النار وكنت خايفه عليه لا يكون صابه شيء بس الحمدالله ما أصابه شي وبعدين أنا خذيت المسدس من الرجال الشرير وقعدت أطلق عليه النار وما صار له شيء وفي ناس دشوا علينا يبون ينقذونا راح الرجال الشرير مطلع مسدسه من الجيب الثاني يعني كان عنده مسدسين وقاعد يطلق النار على اللي دشوا وواحد من اللي داشين كان معاه مسدس وأطلقه على الشرير ومات الشرير مسدس الرجال اللي أطلق النار على الشرير كان قوي ..

ملاحظه : -الرجال الشرير كان يموت الناس بطريقه بشعه كان يضربهم بالسكين على بطنهم وبعدين يدخل إيده داخل بطنهم ويطلع منه الاعضاء الداخليه اللي بالبطن ..

صراحه ما أذكر عدل بس أتوقع الرجال الشرير انذبح بنفس الطريقه البشعه اللي كان يذبح فيها الناس .

ملاحظه :- الأشخاص كلهم اللي كانوا وياي بالحلم ما أعرفهم بالواقع كلهم الشرير والرجال اللي كان عالطول وياي كلهم ما أعرفهم بالواقع أتوقع كان أشكالهم أجانب مو عرب ..

الحلم طويل جـدا وأرجو قرأته بدقه للتفسير بدقه
جزاك الله خير

أختك
شهوده

..، شهوده ..، · 12-07-2007, 03:03 PM

البيانات :-

مو متزوجه

توني مخلصه دراسه

عمري 20

..، شهوده ..، · 16-07-2007, 02:35 AM

وين التفسير

..

..، شهوده ..، · 23-07-2007, 06:04 PM

أرجـو التفسير الحلم صارله أكثر من أسبوع

..

BIN ALI · 27-07-2007, 01:36 AM

السلام عليكم ورحمة الله وبركاتة أما بالنسبة لحلمك ياشهوده فأنة يدل على أن أمامك مسؤولية وجاة وعمل ومال أما أصطدامك كما أخبرت في هذا الحلم فأنة يدل علىتوقف عن العمل أو السجن والقتل يؤول بالتوبة أو النجاة من الهم والله أعلم ,.~

أخوك بن علي

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

حلمـ طويل جـــدااااا وأرجو التفسير ضروري

تفسير الأحلام