اللي عندة موقف محرج يدخل

اليلام عليكم ورحمة الله وبركاته
موضوعي يتكلم عن المواقف المحرجة
وما في أحد ألا وحصل له موقف محرج بالنسبة لي
لا حد يضحك ههههههههههه
في يوم من الأيام كنت أنا ومع الشباب رايحين لأحتفال في المنطقة اللي أنا ساكن فيها
بعد ما خلص الأحتفال جا وقت العشاء وكنت أنا والشباب نستنى العشاء عاد كان في
أب مع ولدة يروحون ويجون من يمنه أنا بصراحة ما أنتبهت لهم بس الشباب بعدين
قالو لي ألا بجيةالأب اللي معاة الولد الصغير قال لولدة هذا هو ؟؟ الولد هز براسة
قال لي الأب لوسمحت تعال أبغاك بعد ما جيت له مسك أيدي اليسرى وقال شنهو
أسمك قلت له فلان ولد فلان الفلاني وجلسنا نتمشى وأخذني بعيداً عن الحفل بمسافات
بسيطة ومعنا ولدة الصغير قال لي الأب ليه تضرب الولد قلت له والله ما ضربته
قال الأب لولدة هذا هو يا ولدي ؟ الولد أي هذا هو وأنا أقول والله ما ضربتة
المشكلة عاد الولد 100 بالمئة أنا اللي ضاربة قال الأب لي بتعترف ولا أنا وأنت
عند الشرطة وأنا أقول له أعترف على شيء ماسويتة شافني كذا سأل ولدة
مرة ثانية هذا هو ياولدي ؟؟ الولد أي هذا هو قلت للأب هذا ولد صغير مايعرف
يفرق بين الناس بين اللي أضربة ولي ما أضربة ويمكن يكون حلمان لأن بعض
الأطفال يحلمون ولا صحوا من النوم يفكرون حقيقة وأنا منحرج من الأب بعدين
حسيت قال في خاطرة
شكلة هذا مظلوم أعاد السؤال على الولد بس هالمرة بشكل قوي قال الولد أي
بس بشكل متردد قال عطني رقم الهاتف وعطيتة الرقم قال الأب يمكن ماهو أنت
يمكن واحد ثاني بس أذا ما لقيت الشخص اللي ضرب ولدي راح أحضرك بالشرطة
قلت لة مو مشكلة أنا واثق من نفسي أني ما ضربتة ولا ني بصغير أحط راسي
براس ولد قال لي الأب أذا ما حصلتة تأكد أنا وأنت عند الشرطة ومشيت
منحرج جداً أحس كأن الأب يقول لي تحط حالك من حال واحد صغير وفي
نفس الوقت خايف ما يحصل الأب اللي ضرب ولدة , والحمد لله من ذاك اليوم
الي هذا اليوم ما أتصل وشكله حصل اللي ضرب الولد وأخذ الضارب جزاة .

وخلص الموقف وأن كان عندكم مواقف ذكروها آه أحس أني تعبت .
وتحياتي للجميع .
أخوكم بن علي