الشـــبـــا ب أم البنـــــات فى الموضه سورى الروشنه

( بسـم الله الرحــمــن الرحـــــــيم )
..................

الشبــاب أم البنـــات

النهارد ه هنتكلم عن الشباب الروش بس مش أى روش طبعا ده إلى بيطلق عليهم الروش طحن .
طيب هنتكلم بالأمثله طبعا بس يا ريت بلاش اى حد يدخل يضحك علشان الناس ديت مش تزعل منا ولا حاجه ولا يفتكرونى بتريق لا سمح الله ولا حاجه

طبعا الشباب إلى الروش نشوف مثل للرجاله اه سورى الشباب .

االباشا إلى بيعمل شعره بالفولت إلى بيشحن شعره بالتيار الكهربى علشان يبقى سبايك
طيب أنت عامل شعرك كده ليه يقولك أنت فلاح أيه عرفك بالموضه يعنى الموضه لازم أتكهرب ولا حاجه علشان شعرى يبقى كده تيبقى تسأل زميله تقوله هو عامل شعره كده ليه علشان هو مندوب شركة فودافون . ال يعنى علشان الشبكة توصل كويسه تلاكيك يا أستاذ . طيب شركة موبينيل تعمل أيه ؟ مهو لازم برضه يراعى شعرها .
يجى يمشى يحس أن الناس كلها وبالأخص البنات الواد ده روش طحن شوفى شعره أزاى وهما يضحكوا عليه أساسا بس عاتى بقى ديت الموضه .

سيبك من الشعر بقى علشان الشباب مش تزعل بس ولا أسبايك ولا حاجه ياراجل ده تقاليد عاديه .
نيجى للبس نشوف الأخ نازل من هنا ولا بس بنطلون برمودا نساله أيه ده يا أبنى يقول الموضه . موشه أيه يا ابنى لو مكسوف تقول مش معاك فلوس تجيب بنطلون بدل إلى قصر عليك قووول ولا أى واحد البنلطون يقصر عليه ويقولك الموضه موضه مين ديت فؤاد المهندس . ولا مين ؟
بقى يا راجل يا طيب مش هاين عليك تجيب ربع متر قماش تكمل البنطلون ولا خلاص البخل وقف لحد البنطلون . سيبك يا عم من البنطلون علشان مش تفكرونى بتريق بس .
نيجى إلى بيمشى يكون مسقط البنطلون بتاعه . بقى يا راجل يا محترم مش هاين عليك تجيب حزام منظرك أيه وبنطلونك كده بنطلونك واسع روح ضيقه او أشترى يا عم واحد تانى وبلاش تجيبوا كل حاجه على الموضه ولا الموضه قالتلك ألبس البنطلون إلى تخلى الناس تضحك عليك أوعوا يا شباب يا روش تفتكرونى بتريق لا سمح الله انا بس بمدح فيكم .

نيجى بقى لأهم نقطه الشباب إلى بيعاكس البنات وإلى بيمشى وراهم سورى يعنى هى مأجراك بودى جرد وراها ولا فين احترامك أنت . وأنت ماشى ورى بنت . سورى يعنى سيبت أيه للكلب طيب منظرنا بقى وحش أوى صح .
ولا يا عينى على المعاكسه إلى تسمعها منهم .
يقول : كان نفسى أقولك بحبك بس الجزمه ضيقة والنبى يا راجل يا محترم يا نظيف سيبت كل حاجه فيك جميله والجزمه هى إلى خلاص مش هتخليك تقول الكلمه ديت ؟
وياسلام بقى لو وحده تمام بقى مش من النوع إلى بيتعامل بالعيون ولا الهمسات ولا الضحكه تطلع من النوع برضه إلى بيتعامل بالجزمه وشيل يا معلم بقى هتعاملك بنفس اللغه إلى أنت بتعاكس بيها طبعا هتكون طاير من الفرحه .
ولا إلى يعاكس وحده يمشى وراها كله وهو مش شايف وشها أساسا ويفضل يقول كلام حب بصوا لو واحد مش بيحب يتعلم الحب وبعد كده تديله وشها يحس أن النور قطع هتعمل أيه بقى ها خلاص هتروح فين ساعتها وياسلام لو أدبست فيك هتفضل طول عمرك تكره حاجه أسمها المعاكسه .
نيجى بقى للشباب لما يشوف حبيبة صاحبة ولا خطيبة يجى واحد تانى يقوله شوف صاحبك خاطب مين ولا بيحب واحده شاكلها أيه ز يقولوا أصبر بس أنا هعلقها منه أخر الأسبوع . لا مش بقول نداله ديت رجوله مش كده ولا أيه يا شباب .

.....
كفايه عن الشباب شويه ونجيب البنات الروشه طحن علشان مش نضربه

البنت من هنا تطلع من البيت لابسه البادى والمينى جيب معلش مش عندها فيت ولا بيجو بمزاجها بقى مودلات . وتطلع من هنا وتروح لزميلتها أسكتى النهارده اتعاكست 12 مره بس بينى وبينك الواد إلى عينه برتقانى ده واد تحفه تقولها أنتى غلبانه أنا النهارده رحت للكوفير قولت أخدها ماشى مشى ورايا شبابا مصر الجديده وشباب مصر القديمة أنا كنت بفكر أطلع على أسكندرية ماشى بس صعبوا عليا الشباب . يا سلام عليكم خبره والله .
ولا البنت إلى تكون بتحب حد والغريب إلى تستغربه تيجى تحكى لزميلتها تقولها حركيه كده خليه يجى يخطبك تروح تقول للغلبان أسكت يا أسماعيل أنا جالى النهارده عريس وبابا غصب عليا وماما بس أنا قاومت لحد ماأقدر أنت لازم تتصرف الواد يعينى ممكن يجيله الضغط يروح فيها طيب هو طالب يعمل أيه يفضل يشد فى شعره زى العاده وهى تيجى تقوله خلاص يا حبيبى أنا رفضت علشان أنا بحبك بس .
ولما يجى عريس بجد سيب المعلم حب أيه المهم نتجوز ولا حب ولا وجع دماغ ويشيل المعلم .

لا فى نوع تانى بقى تقولى لزميلتها علقتى كام واحد النهارده مش كتير حوالى 10 تفضل تضحك عليها ليه يا بنتى أصل أنا علقت الشباب إلى كان واقف قدام المدرسه كله امال تميز طبعا .

والنوع الأغرب بقى : وده النوع إلى بستغربله ان البنت تيجى تكلم واحد تيجى زميلتها تقولها يا سلمى حد يحب واحد أسمه صميدة تقولها يا هبله أنا بكلم صميدة علشان أوصل لصاحبة عمر حقها مهى هى عايز تعيش قصة الفلم (عمر وسلمى)

ياشباب أنا مش بتريق وآسف لو كان أسلوبى فى الكلام يزعلكم بس
بالله عليكم
ده لو أخلاق الرجاله اه سورى الشباب يبقى أخلاق الأطفال الصغيرة هتطلع عامله أزاى يالى واخدنكم قدوة ليهم . ولو ديت أخلاق البنات يبقى أخلاقكم هتكون ازاى وأنتم أمهات وهتعلموا بناتكم أزاى يحافظو على نفسهم

أطلب من الله أنه يهديكم ويهدينا