بسم الله الرحمن الرحيم
انا اول مرة اكتب حاجة يقراها الناس كلها حتى مكنتش مهتمة بحاجة زى كده رغم انى بتصفح على النت من سنين بس حبيت اقولكم حاجة طالعة من جوا قلبى مش دعاء ولا حديث دى حكايتى يمكن حد يفهمنى ويعرف انا كنت ايه وبقيت ايه وهوا دلوقتى ايه وممكن يكون ايه انا كنت بنت زى اى واحدة اتربيت فى بيت عادى جدا يعرف يعنى ايه صلاة ويعنى ايه صوم زيه زى اى بيت لاننا مولودين كده فلازم نعرف ده ونصلى ونصوم واللى حظه حلو هوا اللى يفهم ويقتنع من غير تربية لانى قلت قبل كده انا بيتى زيه زى اى بيت المهم كنت بنت بحب دنيتى اوى فرحانة بلبسى وشعرى الطويل وحاجات كتيرة الناس كانت بتحسدنى عليها وطبعا كنت مبسوطة جدا بالكلام ده
كنت مقضياها رحلات مع اصحابى ولاد وبنات طبعا وخروج طول النهار والكلام على دى وتقليد دى كنت انا وواحدة صاحبتى الانتيم بتاعى ولغاية دلوقتى المهم كنا بنعمل كل حاجة مع بعض بس كانت دايما جوانا حاجة بتضايقنا بتخلينا نحس اننا مش مبسوطين رغم ان احنا بنعمل كل حاجة تبسطنا بس كانت سعادة مؤقتة ولما نقعد لوحدنا نحس اننا مخنقوين لما كنا بنشوف بنت لابسة محترم او طالعة من الجامع كانت بتبقى جوانا امنية اننا نكون زيها ابتدينا نفكر بس التفكير من غير ارادة تنفذه ملوش لازمة كنا لما نفكر فى حاجة ونحب ننفذها نعمل خطة علشان نثبت عليها
فى البداية طبعا فكرنا فى الحجاب ورغم ان صاحبتى عملت كده الاول بطلب من خطيبها لكن لما زهقت وجالها الشيطان وحسسها انها وحشة وانها كبرت مليون سنة زى مابيعمل مع اى بنت انا اللى شجعتها رغم انى مكنتش لسه اتحجبت بس كنت عارفة ان هىيا عاوزة تعمل كده من جواها حتى لو عملت كده بعد ماخطيبها طلب ده قلتلها ده احنا ماصدقنا واحدة فينا تاخد الخطوة دى اوعى تعمل كده ده بس الشيطان عاوز يرجعك ولان ارادتها قوية ثبتت واتحدت الشيطان علشان كده قولتلكم تفكير من غير ارادة قوية مينفعش كمان حبينا نقوى ارادتنا اكتر بقينا نسمع دروس ونتأمل فى نعم ربنا علينا ونقرا كتير فى الدين كان لازم نعمل كده مش مجرد فكرة تجيلك وعاوز تنفذها فتنفذها وبعدين تسيب نفسك لنفسك برده وللشيطان من غير قوة تحميك وبعديت اتحجبت وكان فى رمضان وكنت فرحانة اوى وكأن ربنا كان بيبعتلى ناس تقولى وشك بئه حلى اوى فى الطرحة علشان عارف ان نفوسنا ضعيفة فى الاول والمظاهر فى الاول لسه بتهمنا وبعدين جاتلى نفس الفترة اللى جت لصاحبتى واتخنقت وكرهت نفسى لكن برده بالارادة القوية وتذكيرى دايما لنفسى بحب ربنا لينا وانه مش عاوز مننا غير الخير والكرامة لان احنا مش حننفعه بحاجة ولا حنزيد على غناه ولا ممك نقلل من ملكه حاجة بس برده كان لازم نفهم كده علشان نفكر كده وبعدين خدناها درجة درجة كل مانشوف واحدة زايدة علينا خطوة نقول مش نكون زيها بتحب ربنا اكتر مننا عاوزة ترضيه واحنا لأ طب ليه ده ربنا ادالنا كل حاجة ولو حاسبناها بالعقل حنلاقى كل حاجة طلبها مننا لمصلحتنا الحجاب والستر لينا علشان مفيش حد يجرحنا بكلمة احنا اغلى من كده احنا غاليين اوى عنده معقول نكون رخصين على نفسنا وابتدينا الطريق لوحدنا من غير اهل يساعدونا ولا كل واحدة مستنية واحد يكون سبب فى هدايتها حتى صاحبتى سابت خطيبها وفضلت برده ماشية فى طريقها بقين محترمين علشان احنا عاوزين نبقى كده ارقام تليفوناتنا مندهاش لحد حتى لو زميلنا فى الكلية ليه يعنى ماللى عاوز يسأل فيه قدامه الكلية او اى واحد زميله تانى منطلعش بره الكلية مع اى واحد حتى لو راحين المكتبة وليه مليش اصحاب بنات ولو عاوزة اديله حاجة او اخد منه يكون جوا الكلية ده يعنى لو اضطريت اتعامل معاه دى كانت شوية قواعد احنا عملناه لحياتنا لوحدنا رغم ان كنا نملك الحرية الكافية اننا نعمل اللى عاوزينه بس قررنا نربى نفسنا بنفسنا واتخرجنا واشتغلنا وفضلنا محافظين على حياتنا لغاية مابئه جوانا خير لكل الناس مهما عملوا حسابهم عند ربنا ان شاء الله يسامحهم ويهديهم قررنا نكون من الكاظمين الغيظ والعافين عن الناس
فضلنا ننظف نفسنا من جوا واحدة واحدة وبالصلاة والذكر وطاعة ربنا عملنا علاقة جميلة اوى معاه بئه لينا الاى مش نقدر نزعله وحب نرضيه ونفكر ياترى لو عملنا كده حيكون فرحان بينا نكلمه فى صلاتنا ويكلمنا فى قرايتنا للقران حبيناه اوى واتمنينا انه هوا كمان يحبنا الموضوع بالنسبة مكنش بس خوف من نار وطمع فى جنة بئه اكبر بئه حب كبير لربنا كانه شخص غالى اوى عندنا منقدرش نزعله وللاه طبعا المثل الاعلى بس حبيت اوضحلكم اكتر لغاية ماوصلت ان ربنا بواحد قلبه زى قلبى ونفسه فى اللى نفسى فيه
انا بقولكم الكلام ده مش علشان اقول قصتى بس علشان اخلى الناس تبطل تقول احنا كده علشان ظروفنا وحشة احنا بقينا كده علشان اهلنا هما اللى عملوا فينا كده
انتا اللى عملت كده ولسه بتعمل وعاوز تعمل ربنا ميزك بالعقل تختار بيه طريقك مهما كانت ظروفك بس مشكلتك ارادتك ممكن تقول انا بفكر بس بضعف وبقع علشان ارادتك ضعيفة قوية بس فى الغلط انتا اللى لازم تبتدى وتفكر وتقرر دى حياتك انتا محدش حيتحاسب بالنيابة عنك ولا حيدخل النار مكانك ولا حيتمتع بالجنة بالنيابة عنك
انتا وبس اللى بايدك كل حاجة كنا زيك فى بيئة ضايعة وحرية ملهاش حدود وع ذلك فكرنا وقررنا وقربنا ونفذنا علشان عندنا حاجتين عقل ربنا ادهالنا وارادة قوية واحنا اللى بنقويها
كل ماتحس انك بتضعف روح الجامع كلم ربنا خليه يكلمك اسمع كلمة حلوة دعوة حلوة حتقوى ارادتك وتبقى حديد
صدقنى انا مجربة
يارب يكون كلامى دخل قلوبكم ويخلى كل واحد فيكم بس يفكر فى سؤال مهم اوى
ياترى لما تموت وانتا لوحدك تحت وفى وسط الضلمة كل اللى بتعمله حينفعك حيحميك منه حيبعدك عنه تبقى بتضحك على نفسك ربنا بس اللى قادر يحميك من كل اللى ممكن تقابله لما الناس تسيبك وتلاقى نفسك لوحدك قدامه
انتا وربنا وبسسسسسسسسسسسسسس
هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
20-10-2007, 03:14 AM
اول مرة اكتب يارب تفهمونى
العرض العادي
