ساعدوني .. تعبت و انا ادور حل لمشكلتي

شيامي الاماراتية · 21-11-2007, 12:39 AM

اقتباس

المشاركة الأصلية كتبت بواسطة ajeeb007


	اول شي بين الاخوان ما فيه شكر خيتو شيامي هذا واجبي كاخ اني انصحك واساعدك ثاني شي الله سبحانه وتعالى من فوق سابع سماء يغفر لنا ويرحمنا .. نجي احنا ما نغفر ولانرحم.. ((هذا احنا لا نرحم ولا نخلي رحمة الله تنزل)) .. انا بقول لك قصه صارت معي يمكن تغير وجهة نظرك شوي انا عندي واحد من اصحابي محترم لابعد الحدود.. جات فتره سمعت عنه انه الرجال رايح فيها يتابع بنات ويشرب خمر ومره الرجال رايح فيها وبعدها اهو جا وتكلم معاي واعترف لي بلسانه واهو يبكي ويقول انه يحبني وما وده يخسرني واهو تاب عن ها الشغلات وما يبي يفارقني قلت له انا اوكي بس تعطيني وعد انك ما ترجع الى ها الشغلات قال اوكي اوعدك . اللي صار الرجال صار ما يفارقني دقيقه لو بيدخل الحمام(( تكرمون)) يدق علي يقولي انا هنا تعمقت معاه اكثر عرفت وش اللي خلاه يسوي كذا طبعا المشاكل العائيله اهي السبب الاكبر وغيرها من اهمال الاب والام لدرجة اني اكتشف بعدين انه ما يعرف اي شي عن الدين لا صلاه ولا غسل جنابه ولا حتى يدري انه اذا بصوم رمضان لازم ينوي ابد ولا شي المهم جلست معاه في البيت وجلست اعلمه كل شي من اول وجديد واعطيه كتب دينيه يقراها اللي صار اهو كانت سمعته في القاع وانا الكل يعرفني ويعرف اخلاقي وعائلتي وجاتني انتقادات كثيره من الناس بس انا سويت مثل ما يقول المثل (اذن من طين واذن من عجين) ولا كاني اسمع شي الين ما صار الرجال سيده وما يترك المسجد والكل بعدين قام يغير كلامه الى درجة انهم يجون الى ابوي ويشكرونه ويتاسفون له عن الكلام اللي طلع منهم عني وجا ابو صاحبي يشكر ابوي على اللي سويته انا بولده .. بس انا ما اقول لك اني ما عانيت من الكلام اللي قالوه الناس بس بعدين تغير والكل صار يحطني على راسه هذي قصه صارت معي شخصيا.. انتي ما يحتاج تحتارين اهو قرار واحد يا تفارقينها يا تواصلين معاها وترى القرار تقدرين تاخذينه بسهوله مثل شربة الماي .. بس فيه شغله وحده باقي اذا قررتي انك تواصلين معاها انك اذا انتي متاكده انها تسمع كلامك وتسمع منك ومتاكده انك تقدرين تغيرينها واصلي معاها.. غير كذا قاطعيها وانتهينا واذا قررتي انك تواصلين معاها وتقدرين تحطين لنا المشكله بالتفصيل في المنتدى يكون افضل لان اكثر من عقل في مشكله يساعدون في حلها بسرعه ولا تياسين خلي الرحمن في قلبك وتوكلي على الله .. في النهايه ما اقدر اقول غير الله يسهل عليك ويعينك ولا تشكريني انتي مثل اختي و واجب علي اني اساعدك وانصحك واقدم لك المشوره مع خالص Ajeeb007

شفت ربيعك هو لي اختاار طريجه مب انت لي اخترته له او اجبرته

وهو لي رجع خاشع وتائب وكله حسره وندم وكان عنده اراده

واختارك انت وطريجك الصالح هو لي عرف غلطته ....

وانا والله اذاهي تبغي مني اي مساعده بساعدها بدون اي تردد

ولا يهمني كلاام الناس ولا غيره المهم واثقه فيها وواثقه بعمري

بس يمكن هي مقتنعه بطريجها ......... وتبغي تواصل

في مره انا وربيعاتي نصحناها وفضفضت لي بداخلها وقالت

خلاص انا بتغير من اليوم ورايح بس ما كملت اسبوووع وردت شرات قبل !!!!

هي ما عندها ارااده ولا تبغي تتصلح

وشرات ما قالت اتوونا ::

البنت مثل الورقه اقل خط او نقطه ما تنمسح فحياتها

بس صدقتي اذا هي رجعت لي وصارحتني او تبغي مساعدتي عيوني فداها

على فكره مووقفك مع ربيعك واايد شهم ونبل منك

ajeeb007 · 21-11-2007, 01:04 AM

انا يالس من الساعه 12 انتظر ردك

المهم ما علينا

جربي انك تقولي لها يا انا يا ها الدرب

وشوفي ردة فعلها

اذا اهي تحبك وتبيك يمكن تصير عندها العزيمه والاراده وتبطل ها الطريق وحاولي تخلين كل ربيعاتها يسوون شراتك

اذا شافت الكل بيتخلى عنها

ما اعتقد انها بتتركم وتظل على دربها

لازم فيه طريقة ترجعيها الى الطريق الصحيح

انتظر ردك

بس انا وراي دوام

بجلس الصباح اشوفه

بااااااي

مع خالص

ajeeb007 · 01:11 AM

صحيح

على فكره ترى اهو ما جا وتكلم معاي الا لما سمع اني دريت انه فيه ها السوالف

وفيه ناس وصلو له اني ما ابي اكلمه ((وطبعا كلام ملفق من ناس ما تبيني اجلس معاه ))انا ما صدر مني ها الكلام
لجل كذا اهو جاني وتكلم معاي

يعني خاف انه يفقدني
فانتي لو سويتي مثل ما سوو اللي يبون يفرقون بيني وبينه يمكن تقدرين توصلين الى النتيجه اللي وصلت انا لها

والله يوفقك يارب

Athena · 04:43 AM

بسم الله الرحمن الرحيم

السلام عليكم ورحمة الله وبركاته

اللهمـ صلي على محمد و آل محمد

و عجل فرجهمـ و اهلك اعدائهمـ

غاليتيـ شياميـ

انا قريت الكلام اللي قالهـ الاخ العجيبـ

يمكن هو صادق بكلامهـ

بس اسمح لي اخي الكريمـ بنقطهـ . . .

ان شياميـ شكلها حاولت انها تغير

بدليل انها وعدتهمـ و عادت

ديما لعادتها القديمه >>>> مثل يضرب

انا احسج شيامي متلومهـ عليها

لانك ما تحبي تخسري احد

مو بالضروره انج تروحيـ تقولي لها بتركج

شوي . . . شوي

مثل ما قال العجيب اتركيها باسلوب غير فجائيـ

احتراما لمشاعرها

و الشيء الثاني انت ما تدري شلون الدنيا بكرا

تدور عليش و تحتاجي هالانسانهـ في حياتج ؟؟

بس اسمحلي بنقطة اخي العجيب انا قلتها شخصيا

بيني و بين شيااااميــ

ان البنت سمعتها مثل الورقة البيضاء

اي نقطة او حتى خط بقلم رصاص مهما حاولت

تمسحه ما يروح يظل اثر

وللمعلومية بياثر حتى على احفادها

هالشيء لانه الناااس ما ترحمـ

احنا صحيح ما ندري بظروفها

ولا الاسبااب اللي خلتها تمشيء و راء هالدرب

بس صدقني البنت لما يطلع عليها كلامـ

ما في احد يتشرف يمشيء قربهمـ

فما بالك يناسبهمـ

بعكس شااااااب اللي لو كان يغازل عاادي عند الناس

ما تلاحظ ان دوم يقولك ان اخطاء الشباب زله تغتفر بعكس البنت

يحكمـ عليها مؤبد بالاعدامـ

كل يوم تطلع لينا قصة بنفس الموال

بس اسلوب با انا يا هالدرب

صدقني مو متعطله البنت على شياميـ

يعني دوم بدال الواحد يجي بداله الالف

انا ايدك اخي عجيب انا الواحد يصلح زين

بس حلو ان تجي البادرة من البنت

مو من شيامي

شيااااااامي انا قريت المشكلة اكثر من مرة

و قريت الردود

بس نصيحتيـ لاتحاولي انج تبيني انج بتتركيها علشان سمعتها

بيني ان سبب الحاصل هو ظروفج الدراسيه

و اتمنى من قلبي انني اساعدج

و اخدمج بعيونيـ

و شراااااات ما قلت لج

قلبي قبل صفتحي لج يالغلا

و لكل الاعضاء

معـ خالص وديـ و محبتيـ

اتيـــــنا

قطرا الندى · 21-11-2007, 10:58 PM

جزاكٍ الله خيرا
وجعله في ميزان اعمالكم

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

ساعدوني .. تعبت و انا ادور حل لمشكلتي

زاوية المواضيع الساخنة