هذدية متواصعه الى محبي الشعر الشعبي العراقي

 

والربيع انباك بجفوف الامس..؟
وخلو بصينية وردة.

وكتبـــــــــــــوا اعل الوردة ممنوع اللمس..!
وانة احس..
بيهم نسوك بغير ماانتة تحس.
فاركوك بغير حس..
وضيعوك بغير حس.

الجا ب طاريك ونشدهم...بوجه كلها اتصيــــــــــــــــح اس..
يلي جنت الهم حضن حد النعاس.
يلي من كطعوا نفس صرت النفس.
ويلي بالعبرة نسوك.. وانتة جنت الهم درس

يلي صبيت اعلة خدهم ماي كحلة..؟ يل ترست احضانهم فرحة ترس..

وجيت خطار اعلة حيهم... وشايل بجتفك تصاوير العرس..




...وياك منك خذوا حيف..
وفرهدوك وضيعوا بيك الحسن..
وزرعوا ابابك متاهة؟.
واليدك بابك..يدك بابة الحزن.
الصوت آن... الريح آن..
كلها بخلافك تون.
البحــــــــــــر غركان بخدود السفن
والدمع غركان بحدود الجفن..
والسجن يبجي اعلة قضبان السجن

راح اجن..راح اجن..
واليجن مخبوط طوله.. مايشيلة احمولة ماعندة متــــــــــــــن.

الليل مايقبل على اشفاف نهار..
لون حيلة بلاكبر من يندفن..
..
يل تعال.. الخطوة محفوفة بمخاطر..
وانتة حالف توصل بكلمة شرف..
يل تعال ..
الزمن منتظرك محطة..جاب تاريخة ووكف..

يل سكيت النوم بسمة.. ويل رويت العين نسمة..
ويل كتب جدمك على اول فرح اسمة.

من يرسمة..
ظلك الخضر سماحـــــــــــــة.. وبدل اثياب التعاسة بلون رسمة..

ياسمة البكوا سمـــــــــاه.. وياضمير الصاح آه..

ويامسافات العقيدة.. ويادرب محد مشاه,,
ماعدا.. اللي باني روحة بجفه من طينة صبر محد بناه..

وبينك وبين الفجر خطوة جدم
وبينك وبين الجدم زرعوا ندم
وخضر احزان وهموم وحسة يتبعها الم..

ويل بكت تصريحة ممنوع الدخول..
جان مكتوب بجوازه.
وطاحت براسك واظنك متهم..؟

ويل نستوا اصواتكم باجر نعود..
ومايعيش بدولتي الماعنده فم..
انة مااذبح وصيتي..
ولااازور بالقلم..

اليريــــــد ايشيل راية..لايتاجر بالذمم
واليريد يخطي باجر.. لايحط بجفوفة دم..
واليريد ايشيل جربة..خلي ياخذ بالة عد غيرة سهم..

هذا صوت اخر عبارة..
والحـــــــــــروف اتصيح تم..
تم.
تم.
***
علي ابراهيم

 

 

عاشق الشعر الشعبي

 

 

 

 

علي ابراهيم