هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
 |
|
|
 |
 |
07-12-2007, 09:57 AM
|
رقم المشاركة : [16 (permalink)] | |||||||||||||||||||||||
|
عضو
|
وااايد حلوة يسلموو خيتوو
كمليها بسرعة تحياتي !!حنـ الروح ـان!! |
|||||||||||||||||||||||
|
|
|
09-12-2007, 09:38 PM
|
رقم المشاركة : [17 (permalink)] | ||||||||||||||||||||||
|
عضو مشارك
|
ريحوونة :.. بعد عمري انتي والله .. تسلمي ع توآصلــج .. :: حنــآن الروح .. تسلمي ع طلتـج .. الجزء السادس بندت الريم المسن وسارت ترقد وما كانت مهتمة بألي سوته وما همها اذا عمرها ما بترمس هزا ع لأنه هاييج اللحظة كانت وايد معصبة. و بعدها بندت الليتات وسارت ترقد..اما هزاع فكان وايد منصدم. حس جنة هموم الدنيا كلها في قلبه. هاييج اللحظة حس انه صدق يحب الريم. كان ما يروم يستغني عنها. كان ما يعرف يبات الليل من دون ما يشوفها او يرمسها. قال في خاطره: ما بخليها تطلع من حياتي. الريم بترد لي. و بسوي أي شي لرضاها والله لو أودر أهلي كلهم اذا كان هذا الشي بيرضيها..وهو يالس يفكر دخل بوهزاع على ولده وشافه في هالحالة: بو هزاع: خير يا أبوك يا هزاع بلاك جي متضايج؟؟؟ هزاع) حب أبوه عراسه) : هلا والله بالغالي...سلامة روحك ما بلاني شي... بو هزاع: ما بلاك شي والدمعة عخدك؟؟ انا احين من كم سنة ما شفتك تصيح. الريال ما يصيح الا اذا مستوي شي جايد. هزا ع: والله الغالي ما بلاني شي...بس أحس جنة شي دخل بعيني. بو هزا ع: دام السالفة جي عيل نش بارك الله فيك و غسل عينك. ترا العين أغلى شي عند الانسان هزا ع( وهو يقول في خاطره ما في شي أغلى عن الريم ورضاها) : ان شاء الله طال عمرك. بغيت شي ثاني بعد؟ بو هزا ع: هيه فديتك. بند الكمبيوتر هذا و سير ارقد و ريح عيونك شوي. هزا ع: ان شاء الله الوالد. تصبح على خير. بو هز اع: و انت من اهله. سار هزا ع وبند الليتات والكمبيوتر ورقد عالشبرية مع انه كان متأكد ان ما بييه رقاد ولا بتغط له عين اذا الريم زعلانة منه. تم يفكر فيها طول الليل ويوم قرّب الفجر وعّى أبوه وصلّوا جماعة و عقب رقد شوي. يوم السبت في المدرسة كل البنات دخلن المدرسة وفيهن اكتئاب طبعا لأن الويك اند خلّص. شافت الريم لطوف وربيعاتها. سلّمت عليهن و عقب: الريم: افففففففففف ردينا حق المدرسة. لطوف: متي بيي يوم الأربعا و الله لوعة جبد هالمدرسة شيخة( ربيعة لطوف) : جان زين ما نسير مدرسة نفس يدّاتنا. والله ملل ترا آخرتها بنتم في البيت ليش ندرس عيل؟ الريم: ههه مادري جنها استوت موضة لطوف: اممم الريم تعالي ابا ارمسج شوي ندى: ها شو بدينا بالأسرار من الصبح؟؟ شيخة: صدقها ندوي ما شي اسرار بين الربع لطوف: اففف منكن انتوا ليش جي حشرة ... انا ابا اسأل البنت شي خاص شوي شيخة: خلاص عطيناج ترخيص سيري رمسيها... الريم: مشكورة شيخة افندم .... احين ممكن اسير اطالع البنت شو تبا؟ شيخة: هيه بس لا تطولون. لطوف: عكيفج انتي؟ سيري اجلبي ويهج تراج وايد مصدقة عمرج. شيخة : من حقي... وحدة حلوة مثلي لازم تصدق عمرها ندى: انزين فكينا لا... أصلا لو انتي حلوة صدق جان ما تخققتي بجمالج. بس تراج مب شايفة خير عافانا الله. )و ضحكوا البنات عشيخة و سارت الريم و يا لطوف عسب تعرف شو السالفة الخاصة( لطوف: أقول الريم الريم: خير بلاج لطوف؟ لطوف: انتي متضاربة و يا أخوي وله شي؟ الريم: ليش يعني؟ لطوف: لأنه دومه زعلان و ما يدخل الانترنت كعادته و ما ايي يلعوزني . الريم: احين انتي تبين تعرفين ليش اخوج ما ايي يلعوزج... سيري اسئليه ليش تسأليني انا؟؟؟ لطوف: لأنه هزاع ما يعرف يبات يوم واحد من دون ما يدخل النت ويرمسج...واحين مول متغير..صدق الريم ما اتضاربتوا ولا انتي زعلانة منه؟؟ الريم ( تجذب) : لا.. بس يمكن هزا ع مشغول او شي جي. لطوف: كل شي يجوز.. أقولج يا الله نسير نرد حق البنات.. تدرين بها شواخ تلاقينها احين تموت وتعرف نحن نرمس عن شو الريم: ههههه الله يعينها . هاي ما بيجتلها غير الفضول. لطوف: صدقج. وهم سايرن صوب البنات تمت الريم تفكر في الي قالت لها اياه لطوف. معقولة هزاع زعلان ومتكدر لدرجة انه ما يدخل النت؟. كسر خاطرها في البداية و حسّت بالذنب بس بعدين ردت الريم و قالت لا هو إلي غلطان و خله يتحمل غلطته. وصلن الريم و لطوف عند قوم شواخ شيخة: ها الريم يا الله زوعي قولي لنا شو كانت لطوف تبا منج؟؟؟ الريم: العثرة. بعدني ما يلست و ارتحت سيدة تبين تعرفين شو كانت لطوف تبا مني؟ شيخة: الي يسمعج يقول ياية من وين عشان ترتاحين حضرتج؟؟ يا الله الريم عشاني بليز قولي لطوف ( تبا تغايض شيخة): أقولج الريم لا تخبرينها عن احم احم اوكي ( و غمزت للريم( ندى: شو احم احم؟ ما يخصني احين انا ابا اعرف شيخة: انا بعد ابا اعرف يا الله قولي الريم: اقول بنات جنة الجرس دق يا الله باي( وقامت الريم وتمت تركض تبا تشرد عن شواخ وندى وتغايضهن زيادة( لطوف:ايييييه ريمو اتريييني ( و لحقت الريم( شيخة: والله بتشوفن. انا وراكن وراكن و بعرف شو السالفة. ومرت الأيام وبدا شهر رمضان المبارك. طبعا أول يوم صيام لازم تعب شوي لكن الريم من قد ما هي مستانسة انها بترمّض السنة هنيه و يا أعمامها وعمّوتها وقوم العاش , نست التعب كله وكانت وايد فرحانة. و بعد ما خلّص الدوام في المدرسة: لطوف( والتعب غالبنها) : آخ يا الريم والله احس اني وايد تعبانة ابا اسير ارقد. الريم: حد يتعب الحين؟ والله وناسة. حظكم انتوا والله يختصرون لكم دوام المدرسة. لندن ما كان فيها جي. لطوف: حتي لو اختصروا الدوام بس بعد تعب. الريم: انزين يا العيوز انا اليوم بسوي بيتزا حق الفطور تبين أطرش لج منها؟ لطوف: ما يبا له سؤال هذا. أكيد هيه. تعرفين منو يموت في البيتزا الي تسوينها وتطرشينها لنا؟ الريم: منو؟ لطوف( وهي تسوي حركات بويهها): هزاعو الريم: انزين و شو تبيني أسوي؟؟ لطوف( تسوي عمرها بريئة): ما شي....بس يعني سويها بيتزا حلوة اوكي؟ ( و غمزت للريم( الريم: أصلا انا دوم البيتزا مالتي حلوة. لطوف: لا بس يعني خليها وايد حلوة للدرجة انها ترضي القلب اممممممممممممممممممم الريم: اقول لطوف... سيري ارقدي ابرك لج ...الصيام وايد مأثر عليج لطوف: ههههه لا مأثر علي ولا شي. بس انتي الي تستهبلين. الريم( شافت دريولهم يا): يا الله لطوف بسير اوكي؟ تيك كير. تشاو لطوف: ما عليه سوي طاف. يا الله باي ردت الريم البيت وهي مستانسة عالآخر. كانت تبا تبدّل ملابسها بسرعة عسب تسوي البيتزا. الشي الي خلّاها تفرح زيادة هو ان أعمامها منصور وناصر وعمتها فاطمة بيون يفطرون عندهم. يوم دخلت الريم البيت لقت أبوها يالس في الصالة ويقرا الجريدة: الريم: هلا والله اب باباتي الغالي بو الريم: هلا والله بأحلى بنوتة. الريم: غريبة أبوية شو تسوي في البيت من وقت؟ بو الريم: السنة هاي أول سنة لج ترمضين ويا أهلج و قلت لازم أكون موجود أول يوم. الريم: فديتك أبوية وايد أحبك. بو الريم: انا اكثر غناتي. يا الله سيري غيري ثيابج و ارتاحي شوي لين العصر. الريم: لا ابوية انا احين ببدل و بصلي و بسيراسوي بيتزا حق الفطور بو الريم: يعني اليوم بنفطر من ايدينج؟ الريم: هيه شو اسوي بو الريم: والله يا الريم كنت اتمنى لو أمج تكون موجودة ويانا هالسنة. الريم: ما عليه أبوية هذا قضاء وقدر. انت بس ادعي لها ان الله يغفر لها. بو الريم: الله يرحمها و يغفر لها ان شاء الله. الريم: آمين. بس تعرف شو باباتي؟. بو الريم: شو فديتج؟ الريم: صدق ان امي ميتة بس دوم احس انها معانا في البيت. احس انها وياية و تعرف كل شي يستوي. بو الريم: حتى انا. هي صدقت ماتت بس بعدها عايشة في قلوبنا. الريم: صدقت. ( و ابتسمت لأبوها( بو الريم: يا الله عيل سيري انتي بدلي ثيابج و انا بسير ارتاح شوي لين صلاة العصر. الريم: تباني أوعيك حق الصلاة؟ بو الريم: لا فديتج بحط الساعة. الريم: اوكي ( و سارت فوق( بدلت الريم ثيابها وصلّت وعقبها نزلت تحت وسوّت البيتزا. وصّت الخدامات انهن يطلعن البيتزا يوم تخلص و سارت الريم و بدت تعدل الميلس و تدخنه و كل شي قبل ما ايون اعمامها و عمتها. أذّن العصر وصلّت الريم وبعدها تمت تطالع مسلسل كويتي. نزل أبوها و يلس عدالها. بو الريم: الله شو هالزين. بيتنا يجنن انتي الي مرتبة كل شي؟ الريم: هيه بو الريم: سلمت ايدينج. والله يا الريم غديتي حرمة بيت مب ناقصج غير الريال الزين الي بياخذج و بيتهنى فيج. الريم( وهي مستحية) : لا باباتي انا ابا اتم وياك . بو الريم: لازم يوم من الأيام بتودرين شيبتج و بتسيرين و يا ريلج يا بنتي. الريم: لا انا و ريلي بنسكن وياك هني. بو الريم: أحسن بعد. تراني ما أروم أصبر على فرقاج. الريم: و لا انا. ( تموا ساكتين شوي عقبها جان تتذكر الريم سالفة البيتزا وقالت حق أبوها: الريم: هيه صح أبوية انا بسير أودي بيتزا حق بيت لطوف بو الريم: ليش انتي تسيرين؟ خلّي ماري وله ليندا يودنه الريم( و هي تتدلع): لا ابوية الله يخليك انا ابا اوديه. بو الريم: انزين لا اتمين تتدلعين سيري وديه سارت الريم المطبخ وحطت البيتزا في صحن وعقبها دقت حق لطوف: الريم: الو هلا لطوف لطوف ( كان عدالها هزاع): هلا والله بالريم شيخة الحريم حرامية القلوب هنيه هزاع استانس وحط اذنه عدال السماعة الي ميودتنها لطوف عشان يسمع صوت حبيبته وروحه والي معذبتنه . الريم. الريم: بلا زناخة لطوف اسمعي انا احين بيي بيتكم بييب البيتزا انتي فجي الباب اوكي؟؟ لطوف: اوكي الريم: باي لطوف: باي هزا ع:شو كانت تبا منج الريم لطوف( تبا تغايض أخوها) : عطني 200 و بقولك هزا ع: والله بعطيج وعد. لطوف: بس قالت انها احين بتيي بيتنا و بتييب بيتزا و تباني افج لها الباب هزا ع: والله انج ما تنشين انا الي بفج الباب لطوف: اييه هزاع البنت قالت لي انا افج عيب انت تسير. هزا ع: ما عليج انتي ( ودق جرس الباب ) يا الله بسير كان هزاع وايد فرحان ان بيشوف الريم الحين و يمكن يرمسها بعد. الفرحة كانت مالية قلبه وهو يمشي صوب الباب. ويوم فتح الباب كانت الريم منصدمة و تمت تطالعة لفترة و هو يطالعها في عينها و عقب قال لها: هزاع ( و هو مبتسم): مبارك عليج الشهر. الريم( مترددة): الله يبارك فيك...... هزا ع: شو يايبة بيتزا؟ الريم: هيه....انا بسير هزا ع: الريم لحظة الريم ( و هي تطالعه بجدية): خير؟ هزا ع: ممكن تدشين المسن في الليل في شي ضروري لازم اقولج اياه الريم( و هي تتنهد) : بطالع.....باي. ( و سارت بيتهم( هزا ع تم واقف عند الباب وطالعها لين ما دخلت بيتهم. صدق انها ما عطته جواب بس بعد كان في امل انه يرمسها الليلة. وقال في خاطره الليلة بحسمها و بقول حق الريم الي في خاطري. ( و دخل داخل البيت( اما الريم فكانت معصبة علطوف. و اول ما دخلت البيت دقت لها الريم: الو لطوف: هلا والله الريم ما يخصني هزا ع هو الي سار و حلف اني ما انش من الكنبة الريم: يا سلامّّ و انتي من متى تسمعين كلامه حضرتج؟؟؟؟ لطوف: اخوي ولازم اسمع كلامه وبعدين يا الريم انتي لين متلى بتمين زعلانة عليه؟ الريم: منو قال اني زعلانة؟ لطوف: مب لازم تقولين انا بروحي عرفت من تصرفاتج و من تصرفات اخوي. خلاص يا الريم الي فات مات حاولوا انكم تنسون الي استوى وبعدين نحنا الحين في شهر رمضان و حرام الزعل . و الرسول(ص) قال ان ما يجوز اثنين يتخاصمون أكثر عن 3 أيام. الريم: ما شاء الله نطقت شريفة مكة لطوف: انا أقول الصدق. حرام عليج الريم اخوي حالته حالة بسبتج الريم:............................................ .... لطوف: المهم سوري اذا تدخلت في أشياء ما تخصني. الريم: لا عادي لطوف: اوكي بخليج انا و بسير اساعد الوالدة شوي لأنه احينة بيون قوم يدوتي و خوالي. الريم: اوكي خلاص برمسج عقب. لطوف: اوكي الريم: يا الله باي لطوف: باي. يلست الريم عالكرسي في الصالة و تمت تفكر في الكلام الي قالت لها اياه لطوف. و لأن الريم كانت طيبة و متسامحة و قلبها ما يشيل على حد فقررت اانها ترمس هزا ع اليوم و تنهي كل هالزعل. تمت شوي الريم تفكر و عقبها سمعت أصوات أعمامها في الصلاة فنشت و سارت تسلم عليهم. و بعد ما سلموا و يلسوا: الريم: أحللى شي انكم ييتوا الصراحة. منصور: أكيد أحلى شي أصلا هالفطور ما بيكتمل الا بوجودي. ناصر: لا وجودي انا. بو الريم: بسكم عاد الي يسمعكم يقول ياهال الحين. منصور: أكيد ياهال بالنسبة لك يا الشيبة. ناصر: ول قوية منصور. يا الله تأسف عن يطردنا احينة. بعدين وين بناكل؟ بو الريم( يرمس ناصر): صدق انك ما تستحي مسود الويه احين بدال ما تقول حق أخوك يتأسف عسب اني انا أكبر واحد ولازم انه يحترمني, يالس تقول له يتأسف عشان ما اطردكم و ما بترومون تاكلون ناصر: شو نسوي يا أخوي الدنيا مصالح و لازم ننجرف مع التيار (الكل ضحك عتعليق ناصر( الريم: اقول منصور منصور: عمج منصور لو سمحتي الريم: whatever وينها عمتية فاطمة ليش ما يت وياكم؟ منصور: ترا حمدان ولد عمج رد من أمريكا تو اليوم الصبح فقالت بيون رباعة. بو الريم: والله حمدان رد؟ ناصر: هيه خلّص دراسة و تخرّج احينة بيوظفونه في أدنوك على ما أظن بو الريم: ما أسرع ما تمر الأيام توا البارحة كان يحبي منصور : شفت عاد هاي الدنيا. بو الريم: هيه والله تمشي بسرعة ولا نحس فيها. كل سنة أسرع عن الي قبلها. ناصر: صدقت . اوو صح نسيت أخبرك ترا حمدان ناوي يعرّس هالصيف. بو الريم: توا راد بلاه جي مستعيل؟ ناصر: لا ترا أصلا هالسالفة جديمة بس اختك قالت له يتريا لين ما يخلص دراسة و بتخطب له بو الريم: اها....منو يبا ياخذ.؟ ناصر : مادري والله بعدهم ما لقوا سعيدة الحظ مثل ما يقولون منصور: ليش ما ياخذ الريم عسب نفتك منها؟؟؟ الريم: ها ها تضحك ونك؟ بعدين انا مب مضايجة حد بوجودي انزين . انت الي عرس و فكنا بدل ما تيي عندنا كل يوم لا شغلة ولا مشغلة. منصور: علاأقل فيني خير مب مثل بعض الناس الي ما ايون عندنا الا في الشهر مرة. الريم: والله عاد انا ثانوية عامة لازم اشد حيلي. منصور: ذليتينا ذل بالثانوية العامة مالتج. آخرتها بتمين في البيت. الريم: انزين انزين اسكت عني بو الريم: بسكم عاد ونكم صايمين الحين. يا الله ايلسوا استدعول بدل هالكلام الفاضي الريم: هو الي بدا. منصور: انتي الريم: انت منصور: انتي يا الدبة الريم( تسوي عمرها تصيح) : بابا شوف شو يالس يقول بو الريم: بس خلاص ميمي فديتج ( و دق جرس الباب( سارت الخدامة ماري و فجت الباب و دخلت فاطمة و حمدان الميلس. سلموا عبعض و يلسوا فاطمة: اشحال الدراسة وياج الريم: الريم:بخير عمتية فاطمة : شدّي حيلج عدل نباج تييبين علامات عالية و ترفعين راسنا بو الريم: يا اختي الريم ما ينخاف عليها منصور: هيه والله صدقه الريم ريالة مثل ما يقولون بو الريم: منصور يوز عن بنتي منصور: احين انا شو سويت. يالس ألطف الجو. بو الريم: مشككور عندنا مراوح. (و تموا كلهم يضحكون عمنصور. الريم ما انتبهت على حمدان الي كان يالس يطالعها من أول ما دخل. حس باعجاب فظيع تجاهها. حس ن هاي البنت الي هو يباها. ( حمدان ( و هو يطالع الريم): اقول الأميرة الحسناء الريم: اففف انت بعدك عالأميرة الحسناء حمدان: ههههههههه انتي دومج اميرة حسناء كل ما تكبرين تحلوين ما شاء الله عليج. الريم( و يهها احمرّ) : بسير اطالع الخدامات اذا عدلوا حجرة الطعام. عن اذنكم فاطمة: والله يا اخوي اهنيك عبنتك و ايد تغيرت بعد وفاة المرحومة. غدت حرمة ما شاء الله عليها. بو الريم: فديتها والله. مالي في هالدنيا غيرها. فاطمة: الله يخليها لك. بو الريم: و يخلي لج حمدان و ان شاء الله نفرح به قريب. حمدان : ان شاء الله قريب خالي ( و تم يفكر في الريم. عمره ما شاف جمال مثل جمالها. من قد ما هي حلوة ما كان يروم ينزل عينه عنها ) حمدان كان وحيد أمه. أمه فاطمة ما رامت تييب غيره ولأنه كان وحيدها كان أي شي يباه.ينفذ. اما ابوه فكان وكيل شركة الكترونيات معروف في بوظبي. كان الكل يحبه لطيبته وسماحته. حمدان تربى تربية رياييل. من يوم هو صغير و هو مخاوي ميالس الرياييل و يرافج أبوه وين ما سار. كانت شخصية حمدان محبوبة و الكل كان يحبه. وكان شكله حلو ووسيم ووايد بنات يتمننه. بس هو بعد ما شاف الريم ما كان يبا غيرها. أذن المغرب و فطروا الريم و أبوها و أعمامها و عمتها و حمدان. و بعدها تموا الشباب يسولفون ويا بعض . اما الريم فكانت يالسة عدال أبوها وتسولف ويا عمتها و أبوها. بعد ما تموا الشباب يسولفون و يتمسخرون نش عنهم حمدان و سار عند خاله: بو الريم: هلا والله بولدي. عساك استانست ويانا؟ حمدان: أكيد استانست دامك ويانا يا خالي. بو الريم: بارك الله فيك. حمدان: أقول خالي بغيت أطلب منك شي؟ بو الريم: خير يا ولدي انت بس آمر. حمدان: ممكن لو أرمس الريم شوي في موضوع بو الريم: أكيد يا أبوي هاي بنت خالك ومب لازم تاخذ اذني عسب ترمسها. حمدان: مشكور خالي. بو الريم: سيري ميمي شوفي ولد عمتج شو يبا؟ الريم: ان شاء الله( و قامت من عند أبوها( لحقت الريم حمدان لين الميلس الثاني و يوم دخلت و بندت الباب الريم: خير حمدان حمدان: ان شاء الله خير ( وتم ساكت( الريم ( و هي تبتسم ابتسامتها الحلوة) : بلاك حمدان؟ حمدان: الصراحة.......................... الريم: شو؟؟ |
||||||||||||||||||||||
|
التعديل الأخير تم بواسطة البدر اليتيم ; 09-12-2007 الساعة 09:42 PM. |
|||||||||||||||||||||||
|
|
|
|
09-12-2007, 09:43 PM
|
رقم المشاركة : [18 (permalink)] | ||||||||||||||||||||||
|
عضو مشارك
|
الجزء السابع حمدان: الصراحة... (كان يبا يقولها ان يباها بس ما رام) اباج تعطيني ايميلج عسب أطرش لج فورواردز و جي. الريم( وهي تضحك): يعني احين انت ما رمت تقول هل كلاد جدام ابوية؟ والله حمدان انت مرات صدق تضحكني. حمدان( و هو مبتسم) ان شاء الله دوم اروم أضحكج. الريم: اذا هي سوالفك اكيد دوم بضحك و يا ويهك. (وطلعوا من الميلس و ساروا يلسوا في الصالة. حمدان يلس ويا قوم منصور و هل مرة الريم تمت وياهم.( منصور( و هو يغمز لحمدان): شو كنتوا تسوون داخل؟ حمدان: سلامتك... ما شي ناصر: ونة ما شي... يا الله اعترف قول شو كنت تسوي ببنت اخوية؟ حمدان: يعني غصب؟؟؟ ناصر: هيه نعم حمدان: كنت ابا آخذ منها ايميلها ناصر: احين انت ساحب البنت لين الميلس بس عشان تاخذ ايميلها؟؟؟؟؟ حمدان ( يجذب) : .....هيه منصور ( و هو يبا يغايض حمدان): أقولج ريمو ريم: شو؟ منصور: شو شو؟ قولي نعم طال عمرك! ريم: كيفي انا اوكي منصور: زين ما علينا منج يالدلوعة.. بس تحملي من حمدان ترا عنده كم من بنت ومغازلجي عالآخر. كان مرابع امريكيات يوم كان في امريكا ريم(وهي فاجة عينها) صدق والله حمدان؟ الصراحة طحت من عيني حمدان: والله العظيم ان منصور جذاب و اكبر خراط في البلاد. احين انا متى رابعت امريكيات يا الجذاب. منصور( يبا يغايظ حمدان زيادة): بلاك جي نسيت؟ تحيد يوم هاييج المرة قات لي اذا ابا وحدة شقرا و أحلى عن الريم؟ الريم: نعم نعم اخ حمدان اصلا ما شي حد احلى عني اوكي حمدان: والله يا الريم احلف لج ان عمج هذا جذاب بس يبا يشوه صورتي عسب ما ترمسيني عالنت. منصور: اييه الريم اتمصخر وياج يا الدبة. الريم: انا مب دبة..... حمدان طالع شو يقول عني. ناصر: ما شاء الله يعني احينة فنشتي ابوج و استوى حمدان المحامي مالج؟ الريم: عادي انزين يستوي الواحد يكون عنده اكثر عن محامي واحد حمدان: بس منصور.. اصلا الريم حلوة و رشيقة لا تعيب عليها. الريم( و تبتسم ابتسامة النصر) : هههه ادري وتموا الشباب والريم يضحكون ويا بعض و حمدان تم يسولف لهم عن الجامعة و عن حياته في امريكا لين ما استوت الساعة 10:30 فاطمة: يا الله يا أخوية انا بسير البيت الحين تدري به بو العيال احينة يترياني بو الريم: وين يا اختي؟ تو الناس فاطمة: ما عليه اخوية اليايات اكثر. يا الله حمدان فديتك...مشينا. ناصر: وين توا الناس تموا شوي بعد فاطمة و الله يلستكم ما تنمل حمدان: صدق والله انا لازم اسير من البارحة ما رقدت. بو الريم: خلاص عيل...نشوفكم عخير و تحملوا بعماركم عدل. فاطمة: الله يحفظك اخوية مع السلامة. حمدان: مشكور والله يا خالي وايد استانست. بو الريم: ما سوينا شي يا ولدي.. حياك الله في كل وقت. حمدان: مع السلامة وطلعوا حمدان وامه فاطمة وعقبهم بشوي طلعوا منصور وناصر لأنهم كانوا بيسيرون الخيمة مالت ربيعهم وبيسهرون ويا الشباب شوي تمت الريم تشل الأكل والفوالة المطبخ وساعدت الخدامات شوي. بعدين سارت ويلست حذال أبوها الي كان يطالع الأخبار كالعادة. بو الريم: بعدج واعية ؟ انا تحسبتج سرتي ترقدين. ريم: احين بسير... بو الريم: يا الله فديتج وراج مدرسة باجر ريم: ادري بس حلاته باجر يوم اربعاء. بو الريم: ههه ...ما بتطلعين باجر؟ ريم: مادري يمكن العاش تيي باجر و تبات عندنا...عادي؟. بو الريم: ما يباله كلام الله يهديج..اكيد عادي و ترا العاش نفس اختج. ريم: هيه والله فديتها. بو الريم: الله يخليكم لبعض ريم: يا الله عيل باباتي بسير ابدل ملابسي و براجع دروسي شوي و برقد. بو الريم: الله يحفظج غناتي....تصبحين عخير ريم: و انت من اهله. حبت الريم ابوها عراسه و بعدها سارت فوق حجرتها. في الصوب الثاني من الفريج وعند كافتيريا محارة البحر كانوا قوم هزاع يالسين ويسولفون ويشربون لهم من الكوكتيل الفنان الي يسويه محارة البحر.و عقب شوي ياهم هزا ع و هو فرحان و شاق الحلج. خالد: بلاه بو الشباب...اليوم فرحان احمد: يمكن يحب.... سعيد: هههههههه ونة يحب حلوة هاي احمدو هزاع(وهو يغني) : مهما جرى منك و صار انا تراني في انتظار...صابر على ما هو جرى لي اطريك في الليل و نهار. خالد: لا و يغني اغنية عيظة بن طناف....اكيد شي مستوي...يا الله قول و انا اخوك. هزا ع: ما شي...بس برمس الزعلان اليوم احمد( و هو مستغرب) : منو الزعلان؟؟؟ محد زعلان منك سعيد: هيه صح منو خالد: ليكون تحب من ورانا؟؟؟ هزا ع: جنة جي سعيد+احمد+ خالد: منوووووووووووووووووووووووووووووووووووووووووووووووو و؟!! هزاع: ناس.... هاهاهاي( قام من عندهم( خالد: وين بتسير....ما شي سيرة لين ما تقول منو تحب. هزا ع: افففففففففففففففففففففف يعني غصب.؟ احمد+سعيد: هيه هزاع : اوكي...بس اول شي خلوا خلّود يخوز ايده عني احمد: خوز ايدك عنه....قابضنه جنة بيشرد عنك... خالد: انزين خوزنا يا الله قول هزاع: شفتوا نص الناس؟؟؟ احمد( و هو مستغرب) : هاااأ؟ هزا ع: هاييل الي احبهم (وشرد هزاع وتم يركض سريع لين ما وصل بيتهم وطبعا قوم خالد وراه بس ما راموا يركضون لين بيت هزا ع لأنهم توهم شاربين كوكتيل ثجيل و بالعين كم من سندويشة( سعيد: ما عليه هزاع بس والله بتشوف... بنعرف منو حبيبة قلبك هزا ع ( وهو يصارخ من بعيد): هاهاهاي ولا عمركم بتعرفون....باي خالد: باي يا الخاين بس والله ان ما خليتك تقول منو ما اكون خالد بن عتيق احمد: ذليتنا ذل باسمك انت...كل ما استوى شي قلت " ان ما سويت جي ما اكون خالد بن عتيق" خالد: و انا صاج يا اخي سعيد: انزين انزين فكونا من هالسالفة....يا الله بتسيرون عند قوم حسّون ...بيلعبون كرة قدم بعد شوي خالد: هيه يا الله بسير وياك...بتيي احمدو؟؟ احمد: ما اروم مواعد الأهل برد هالوقت....يا الله بشوفكم باجر خالد: اوكي يا الله مع السلامة سعيد: حوو باجر لا تنسى تييب لي الأفلام اوكي؟ احمد: ان شاء الله. الي ما كانوا يعرفونه الشباب هو انه احمد ربيعهم يحب لطيفة اخت هزاع من يوم هم صغار. كان دوم يلعب وياها وما يرضى حد يضربها. بس طبعا يوم لطيفة دشت الاعدادية اهلها ما كانوا يخلونها تلعب ويا الأولاد. في البداية كانت عادي تسلم عأحمد من بعيد بس احين ما تروم لأنه اهلها بيشكون فيها. لطيفة بعد كانت تحب احمد وهو يدري انها تحبه لأنه مرة قالت له انها ما بتلعب وياه نفس قبل بس بتحبه للأبد واحمد عمره ما نسى هالكلمات. احمد جذب عالشباب ورد البيت لأنه كان يبا يسير السطح ويطالع لطيفة وهي يالسة ويا اهلها في حوش البيت. كانت شوفتها بالنسبة له تسوى الدنيا وما فيها. من قد ما احمد يحب لطيفة كان ناوي يخطبها غقب ما يخلص هالثانوية السنة. رد هزاع البيت وسلم عل أهل عالسريع وعقبها سار حجرته وقفل الباب وفج الكمبيوتر وتم يتريا الريم. ما شافها اونلاين وخاف انها ما بتدخل. في بيت الريم الريم كانت مبندة الليتات وخلاص بترقد بس فجأة تذكرت هزاع فسارت بسرعة وفجت الكمبيوتر ودخلت اونلاين. هزا ع: السلام عليج ريم الدماني: و عليك السلام. هز اع: اشحالج الريم؟ ريم الدماني: بخير الله يسلمك هزا ع: والله كنت خايف انج ما بتدشين ريم الدماني: اها....لا دشيت هزاع: ادري..... ريم الدماني: خير هزاع شو كنت تبا تقول؟؟؟ هزاع: تدرين بي يالريم انا حسبة اخوج والي يضرج يضرني ودوم ابا اشوفج تضحكين والي استوى في مارينا مول كان دفاعا عنج وعشان اراوي الناس ان انتي لج حد يدافع عنج . ريم الدماني: هزاع...انسلى سالفة مارينا مول انا خلاص سامحتك هزاع: صدق يا الريم.. خلاص سامحتيني؟ ريم الدماني: هيه هزا ع: الللللللللللللللللللله هذا احلى يوم في حياتي يوم انج رضيتي عني ريم الدماني: ليش؟ هل قد رضاي يهمك؟؟ هزا ع: و اكثر...والله اكثر انتي ما تعرفين انتي شو بالنسبة لي.. ريم الدماني: ليش؟ شو انا؟ هزا ع: انتي حياتي وروحي وكل دنياي يا الريم ريم الدماني( وبدت تستغرب من رمسة هزاع ) : هزاع اييه شو يالس تقول؟؟؟؟؟ هزاع : ما عليج من الي قلته...ألي بقوله الحين اهم ريم الدماني: انزين شو هو؟ هزاع : انا يـ الريم .............. |
||||||||||||||||||||||
|
|
|
|
11-12-2007, 02:19 AM
|
رقم المشاركة : [19 (permalink)] | |||||||||||||||||||||||
|
عضو عجيب
|
يالله حماس وناسه
بسرعه نزلي البارت اللي بعده يسلمو حياتو |
|||||||||||||||||||||||
|
|
|
|
18-12-2007, 03:39 PM
|
رقم المشاركة : [20 (permalink)] | ||||||||||||||||||||||
|
عضو مشارك
|
ربي يسلمج يالغـلآآ .. .. بنزل كـل يــووم بــآرت .. آوكيــك .. بس رآح يكــوون بعضويتــي الثانيهـ .. .. |
||||||||||||||||||||||
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
