هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
 |
|
|
 |
 |
06-01-2008, 05:07 AM
|
رقم المشاركة : [26 (permalink)] | ||||||||||||||||||||||
|
عضو مشارك
|
ريحااااانووه >> بكملهااا بس لاتعصبي فديتــج مزيوونة .. تسلميين ع هالطلهـ هع هع |
||||||||||||||||||||||
|
|
|
06-01-2008, 05:10 AM
|
رقم المشاركة : [27 (permalink)] | ||||||||||||||||||||||
|
عضو مشارك
|
الجزء العاشر هزاع( و الدنيا هب شالتنه من الوناسة) : صدق يا الريم؟ يعني ما تتمسخرين معاي؟ ريم الدماني: لا قطعت عني خليتني احس صدق شو هي مشاعري تجاههك. خليتني اكتشف اني ما اروم ابتعد عنك هز اع. هز اع: ولا انا ما كنت اروم ابتعد عنج. يعني يا الريم انتي حقي؟؟ ريم الدماني( مستحية): ....... مادري هزاع: خلاص انتي حقي yesssssssssssssssssssssss ريم الدماني: اممم هزاع بس بسير احين هزاع: لا دخيلج تمي وين بتسيرين نحن اجازة احين ريم الدماني: بس مب متعودة عجي والله استحي هزاع: حتى انا.. بس من قد ما انا مستانس نسيت كيف الناس يستحون ريم الدماني: هههه هزا ع: ما عليه عشانج بغير السالفة ريم الدماني: احسن هزا ع: ها كيف كانت امتحانات نص السنة؟ ان شاء الله سويتي زين؟ ريم الدماني: الحمد الله النتايج عقب الاجازة. انت شو سويت؟ هزا ع: الله يخلي البراشيم. انا ما انجح الا بهم ريم الدماني: عن يزخونك هزاع: وين يزخوني انا زعيم البراشيم. خبرة 4 سنوات ريم الدماني: هههه والله انك سوالف هزاع هزاع: ما بتسيرون مكان في هل اجازة ريم الدماني: مادري يمكن اسير ويا اعمامي لبنان اسبوع و بنرد هزاع: اها........ بشتاق لج وايد ريم الدماني:.............انا اكثر...بس الا اسبوع هزاع: انا يوم واحد ما اروم.. كيف اسبوع والله بموت ريم الدماني: لا تقول جي هزاع: صدق انزين ريم الدماني: لا تفاول ععمرك..اذا انت مت انا شو بيستوي بي؟ هزاع: لا والله يعني انتي بعد تبيني؟ ريم الدماني: هزا ع بس. هزاع: هههههه احلى شي يوم تعصبين ريم الدماني: ها ها وايد تضحك وتموا سوالف لين الساعة 3 وعقب الريم حست بتعب وقالت انها بتسير ترقد. حتى هزاع كان تعبان فسار يرقد هو الثاني. في اليوم الثاني نشت الريم الساعة 11 و دقت حق عمها ناصر و قالت له ايي لأنها تبا ترمسه في موضوع. الريم كانت يالسة في الصالة تشرب عصير و تقرا مجلة smash hits . دق عمها الجرس فدخلته الخدامة و سار الصالة. ناصر: أسعد الله صباحك يا جلالة الأميرة. بماذا أخدمك بعد ان شرشحتيني من الكلية و قلت لي ان ايي عندكم الريم( و هي تضحك عناصر الي يالس يستهبل): ههههههه ما شي و يا ويهك ناصر: لا والله؟ يايبتني و قايلة لي سالفة مهمة و آخر شي ما شي؟ الريم: ممممم اول شي اشحالهم قوم عمو فاطمة؟ ناصر: بخير يتريون ردج. عنبو دارج ريمو حد يتم يفكر شهرين؟؟ هاي الا خطبة؟ عيل متى الزواج عقب 20 سنة؟؟؟ والله انج ذليتي الناس ذل حرام عليج هاي عمتج . الريم: الصراحة انا اباارمسك عن هل موضوع و ما رمت اقول حق ابوية فعسب جي اباك انت تخبره ناصر: خير؟؟؟ ليكون موافقة و مستحية تخبرينه؟؟ الريم: الصراحة نصّور انا مابا حمدان و انا مقررة هالشي من اسبوعين بس استحي اقول هالرمسة حق ابوية و اخاف عمو تزعل مني؟؟ ناصر: انتي شايفة شي عالولد؟؟؟ ليش ما تبينه والله ما بتحصلين احسن عنه صدقيني و انا عمج الريم (وهي فخاطرها تقول ما شي حد احسن عن هزاع): بس مادري انا مب متقبلتنه. مادري كيف. يعني هو اوكي و طيب و زين و الكل يتمناه بس انا ما اروم اوافق عليه. قلبي ما يتقبل هالشي. و بعدين احس اني وايد صغيرة و ما ابا انربط بالخطبة من احينة ناصر: الزواج قسمة و نصيب. و يمكن حمدان مب من نصيبج. ع راحتج فديتج محد يروم يغصبج الريم: ....... ناصر: خلاص انا بسير المكتب عند أبوج و بخبره اوكي؟ لا تخافين عمتج ما بتزعل منج. الريم: .... ناصر( باس الريم عخدها): بس عاد ما ابا اشوف هالحلو زعلان الريم: ( ابتسمت( ناصر: اوو صح الريم انا و منصور بنسير لبنان عقب يومين ها بتيين و لا غيرتي رايج؟؟؟ الريم: اكيد بيي انا بروحي ابا نعلة وشناط ناصر: العثرة. انزين اسمعي قولي حق ابوج يعطيج بيزات ما فية تفلسيني هناك الريم: مابا منك شي يا الزطي ناصر: انا زطي؟. خلاص ما بوديج لبنان الريم( وهي تضم عمها) : لا فديتك كنت اتمسخر وياك ناصر: يا الللللللله عالمصلحة الريم: لازم ننجرف مع التيار عقولتك ناصر: ههههه ما تنسين شي انتي الريم: قول لا اله الا الله عن تحسدني ناصر: لا اله الا الله الريم: اقول نصّور ناصر: لا حول انتي متى بتتعلمين الاحترام. انا احين ريال طول و عرض و شنب و لحية و تقولين نصّور الريم: عادي انت نفس أخوية ناصر: انزين ما علينا شو كنتي تبين تقولين؟ الريم: منو بيي معانا لبنان ؟. ناصر: لين الحين انا و انتي و منصور؟ مادري بشوف عيال عبد الله اذا بيون الريم: هيه دخيلك رمس عمي عبد الله و خله العاش تيي معانا ناصر: اذا انتي و العاش ويا بعض عيل لا بالله بنفلس عدل الريم: حرام عليك نصّور نحن نبا نستانس و انت ما تفكر الا بالبيزات ناصر: ههه اتمسخر انزين انا بسير احين اوكي. بمر عأبوج في المكتب و عقب بسير الكلية وراي محاضرة الريم: اوكي. دق لي في الليل و قولي شو استوى عسالفة عمي عبد الله اوكي؟ ناصر: ان شاء الله يا الله عيل وداعة الله الريم: الله يحفظك( و تمت تطالع عمها لين ما ركب سيارته و سار( رد بو الريم الظهر سار و بدل ملابسه و بعدين نزل تحت المطعم عسب يتغى و يا بنته. بو الريم: ها الريم غناتي متى نشيتي اليوم؟ الريم: مادري عل 11 جنة بو الريم: هيه... الريم( وهي تحط سلطة حق ابوها): اقول ابوية بو الريم: عيونه آمري الريم: عادي اسير ويا اعمامي لبنان صح؟ بو الريم: والله اني ما اروم عفرقاج لكن بعد اباج تستانسين الريم: تعال معانا ابوية الله يخليك بو الريم: وين ايي؟ نفس الوقت الي انتوا بتسيرون فيه انا بيكون عندي مؤتمر في دبي الريم: يعني ما تروم تأجله؟ بو الريم: لا لأأن هاي الناس يايين من كوريا و بيعقدون صفقة عودة و يا الشركة و لازم اكون موجود بما اني رئيس اللجنة الريم( وهي تلعب بالعيش بالشوكة): خسارة ابوية والله كنت اباك معانا بو الريم: ما عليه فديتج اليايت أكثر وان شاء الله في الصيف بنسير ديزني لاند عقب ما تخلصين امتحانات بنشل العاش معانا. انا رمست ابوها و هو موافق الريم( و ابتسامتها شاقة الحلج): صدق؟ الله هذا احلى خبر سمعته اليوم بو الريم: عطاري الأخبار. ناصر ياني المكتب اليوم و قال لي انج انتي قايلة له عسب يخبرني انج ما تبين حمدان. الريم: ............هيه بو الريم: ليش ما قلتي لي انا من البداية؟ الريم: مادري ابوية والله خفت تزعل مني بو الريم: لا حبيبتي ما بزعل منج و بعدين هاي حياتج و انا ما اروم أغصبج عواحد. اليوم العصر برمس عمتج و بخبرها. الريم: ان شاء الله. وكملوا الغدا و عقبها سار بو الريم يرقد و الريم دقت حق لطوف: الريم: الو مرحبا لطوف: مرحبتين الريم: اشحالج لطوف: بخير انتي شحالج يا عصفورة الحب؟ الريم( و ويهها قافط): شو دراج لطوف: بليز الريم انا وهز اع علاقتنا وايد قوية و هو يخبرني بكل شي. لا تخافين ما بخبر حد. الريم: هيه دخيلج لطوف: و بعد شو مسوين في الاجازة؟ الريم: ما شي ورا باجر بسير لبنان؟ لطوف: الله حظكم. ما أوصيج عالجواتي الريم: ههه لا توصين حريص. بخم لج بيروت بكبرها. كم لطوف عندنا؟ لطوف: حسب علمي وحدة الريم:ههه ويا ويهج لطوف: نحن ورا باجر بنسير العين و بنتم اسبوع الريم: اها. يعني يوم انا برد انتوا بتردون. احسن عشان ما تملين لطوف: هيه واالله الريم: اقولج لطوف بخليج احين اوكي لطوف: اوكي. و لازم اشوفج قبل ما تسافرين . الريم: باجر بيي عندج لطوف: اوكي احلى شي الريم: يا الله عيل. باي لطوف: باي اما في الصوب الثاني من بوظبي و قبل صلاة المغرب. كانت ام حمدان توها مبندة التفون عن اخوها محمد ( بو الريم). كانت شوي متكدرة من الخبر الي قال لها اياه. كانت تبا الريم حق حمدان. بس الزواج قسمة و نصيب و ما يرومون يغصبون الريم عحمدان. كان حمدان توا راد من المقهى فدخل عأمه الحجرة و حبها عراسها و عقب قال: حمدان: خير أماية بلاج جي متكدرة؟ فاطمة: ما بلاي شي يا وليدي؟ بس توني مرمسة خالك محمد حمدان: خير؟ بلاهم شي؟ الريم فيها شي؟؟؟ فاطمة: لا بس... كان مرمسني عسالفة الخطبة حمدان: و شو صار؟ فاطمة: الريم مب موافقة حمدان( و هو منصدم و منقهر): ليش؟؟؟؟؟؟؟؟؟؟؟ هي شايفة شي علي؟ ليش ما تباني ( و بدا يصارخ( فاطمة: البنت ما تباك يمكن لأنها بعدها صغيرة و ما تفكر في هالشي حمدان: عادي اماية لو عل أقل وافقت لكن الحبيبة شايفة عمرها فاطمة( وقفت و يودت ولدها المنقهر): عادي حبيبي هاي قسمة و نصيب حمدان ( و هو ينزل ايد امه من عجتفه): والله يا أماية ان الريم ما بتاخذ غيري انا. و الي يتجرّأ و يتقدم لها بيكون آخر يوم في حياته( و طلع برا البيت( فاطمة: حمدان حمدان رد ...تعوذ من ابليس ماله داعي هذا كله ( كانت لاحقة ولدها لين الحوش و خايفة ان يسوي بعمره شي) اما حمدان فكان معصب من الخاطر. كان يبا الريم وايد حبها من اول ما شافها . كان مقرر ياخذها لو شو استوى. سار حمدان صوب شاطىء الراحة ويلس هناك و طول الوقت يفكر في الريم الي رفضته. كان طول عمره ما ينرد له طلب. أي شي يباه ياخذه. الريم اول وحدة ترفض له طلب ومن دون سبب. كان يفكر ويقول: ليش ما تباني؟ انا شو فيني غلط؟ كل المواصفات الي يبونها البنات فيني. ليش يا الريم رفضتيني؟ تحبين حد ثاني؟ لا لا ما أظن. عيل شو السبب. و الله يا الريم ما بتاخذين حد ثاني الا على جنازتي. انتي حقي يعني حقي انا و بس. انا احين هويتج و مستحيل اخلي انسان ثاني ياخذج و تكونين ملكه. تم حمدان عالبحر والأفكار اتيي وتروح في راسه. ما حس بالوقت الي مر و استوت الساعة 11 في الليل. رد و ركب ال بي م مالته و شاف انه شي 20 مكالمة لم يرد عليها. أغلبيتها من امه ابوه. سار البيت و دخل داخل و كانوا اهله يتريونه في الصالة. بو حمدان: وينك يا ولدي؟ والله خفنا عليك حمدان: هلا الغالي فاطمة: ليش جي يا حمدان تزيغنا؟ كل ها عشان الريم حمدان: انا بقولكم شي واحد. الريم لي انا وبس و محد بيروم يشلها عني بو حمدان: بس البنت ما تباك. مب غصب يا ولدي حمدان: لا بتحبني. و انا ادري انها بتسير لبناان و يا خوالي عسب جي بسير وياهم و بخليها تحبني بو حمدان: استهدي بالله. فاطمة: لا تسير و تضايج عالبنت. خلها تاخذ راحتها هناك حمدان: ما بضاايج عليها بس بسير بو حمدان: الله يهديك يا ولدي. سير بس ما بتروم تغصب حد عشان يحبك حمدان: انا بحوال كل شي. والله اني ابا الريم اباها اباها فاطمة: خلاص حبيبي سير و حاول و الله يوفقك حمدان: دخيلج ادعي لي اماية فاطمة: ان شاء الله عيوني انت سير ارقد حمدان: برمس خالي ناصر و بخبره اني بسير وياهم و عقب برقد. تصبحون عخير ( و دش حجرته( بو حمدان: هيه يا فاطمة. هذا ولدج طول عمره عنيد فاطمة: فديته والله يحبها و يباها و ان شاء الله هي تحب يا رب بو حمدان: آمين دق حمدان حق ناصر وخبره انه بيي وياهم طبعا ناصر استانس بهالخبر. بتكون يمعة شباب وبيونسون بعض. وعقب ما بند حمدان عن ناصر وتخبره عن موعد السفرة الي هي بعد يومين. دق ناصر حق الريم الي كانت يالسة تلبس بيجامتها الريم: الو ناصر: السلام عليج الريم: و عليك السلام ناصر: اشحالج؟ الريم: والله تمام لا جديد. ها بشّر رمست عمي عبد الله؟ ناصر: هيه بس ما طاع ان العاش اتيي لأنها بتسير عند اهل امها في الشارجة الريم: اوهووو والله خسارة ناصر: شو نسوي؟ عمج يقول انه خالة امها مريضة وايد ولازم يسيرون و ان ها مب وقت وناسة الريم : اها..خلاص عيل يعني احين بس انا و انت و منصور الي بنسير. ناصر: لا مب بس نحن الريم: عيل؟ ناصر: توني مرمس حمدان و قال ان يبا ايي معانا الريم( منصدمة): شووووووووو؟ |
||||||||||||||||||||||
|
|
|
|
06-01-2008, 05:14 AM
|
رقم المشاركة : [28 (permalink)] | ||||||||||||||||||||||
|
عضو مشارك
|
الجزء الحادي عشر ناصر: هيه بلاج الريم ؟ حمدان بيي معانا عادي ما فيها شي الريم: ادري ان عادي بس انا احين مستحية منه عقب سالفة الخطبة ناصر: ما عليج انتي . هو يدري ان الزواج قسمة و نصيب و محد يروم يجبرج عليه الريم: ان شاء الله بس ناصر: انتي ريحي بالج و بعدين انا و منصور معاج وله ما نسدج يعني؟ الريم: لا فديتكم تسدون و زود ناصر: خلاص عيل.. انا باجرالعصر بمر عليكم و بعطبي ابوج تذكرتج الريم: بس انا ما بكون موجودة ناصر: افا ليش و ين بتسيرين؟ الريم: بسير عند بنت ييرانا ناصر: اها سلمي عليها الريم: اييه عيب شو سلمي عليها ناصر: اتمسخر لا...بلاج انتي غادية جبريت الريم( تقلّد ناصر): اتمسخر لا بلاك انت غادي مول ما تستحمل مسخرة ناصر: هههههههههههههههههه الله يقطع ابليسج...سيري ارقدي ابرك لج الريم: انا كنت برقد من زمان بس اشفقت عليك وقلت حرام برمسه ناصر: ونج احينة...يحصل لج الشرف اصلا.. الريم: انزين انزين فكنا لا ناصر: ايييه عيب شو هالرمسة انا عمج احترميني شوي. استوي نفس العاش مؤدبة الريم: انا غير اوكي و ما استوي نفس حد ناصر: انزين انا بسير ارقد بدال ما اسمع هالرمسة الفاضية الريم: سير عمتية اقصد عمي ناصر: فقدتج والله الريم: هاهاهاهاي ناصر: تصبحين على ويهي الريم: لا أعوذ بالله ناصر: ههههه يا الله باي الريم: باي بندت الريم عن عمها و سارت اونلاين عسب تجيك ايميلها و اول ما فجت المسن طرّش لها هز ا ع مسج هزاع :السلام عليج ريم الدماني: و عليك السلام؟ هزا ع: اشحالج ريم الدماني: بخير و انت؟ هزا ع: زعلان ريم الدماني: افا ليش؟؟؟ هزا ع: وينج انتي طول اليوم ما ييتي اونلاين؟؟ ريم الدماني: سوري كنت مشغولة شوي هزا ع: مشغولة لدرجة ما تيين اونلاين عشاني و انا الي اترياج من ساعتين؟؟ ريم الدماني: لو مشغولة عنك جان ما ييت احين اوكي؟ هزاع : اها.... انزين سمعت انج بتيين عندنا باجر؟ ريم الدماني: هيه ابا اسلم علطوف قبل ما اسير لبنان هزاع: و انا ما بتسلمين علي؟ ريم الدماني: شو اسلم عليك؟؟؟ بسلم عليك بالمسن هزاع : باجر ما بطلع من البيت ريم الدماني: غريبة..ليش؟ هزا ع: ونة تسأل ليش..... ابا اشوفج قبل ما تسيرين ريم الدماني: ويا ويهك... ان شاء الله بتشوفني و انا ما بطول اسبوع و بيي هز اع: انا يوم و احد ما اروم اصبر عنج ريم الدماني: ما عليه بتسير العين و بتلهى هزاع : شو بلتهي؟ دوم بفكر فيج والله. وايد بشتاق لج ريم الدماني: انا بعد هزاع: صدق؟ ريم الدماني: هيه... هزاع : وايد؟؟ ريم الدماني: اكثر عن وايد هزا ع: احبج ريم الدماني ( مستحية( هزا ع: بلاج؟ ريم الدماني: ما شي.... هز اع: شو استحيتي؟؟ ريم الدماني:..... هزاع: يالس اقول الصدق انزين.... ريم الدماني... اها ...مم بسير الحين تعبانة ابا ارقد هزاع: تو الناس.... ريم الدماني: والله سوري هز اع بس وايد تعبانة.... هزاع: ما عليه... بس باجر بشوفج ان شاء الله ريم الدماني: ان شاء الله....تصبح عخير... هز اع: و انتي من اهله........ ريم الدماني: .... **** هز اع/ شو ها؟ ريم الدماني: اسأل قلبك ...يا الله باي وطلعت الريم اوفلاين لكن هزا ع عرف شو معني الكلمة.. الريم كانت تقصد احبك بس وايد تتغلى عسب تقولها. سارت الريم ترقد و في اليوم الثاني العصر سارت بيت لطوف و كانت يالسة وياها في الحجرة و لطوف تراوي الريم تنانيرها اليداد الريم: اللله لطوف هالتنورة الوردية بتطلع فنانة عليج لطوف: ادري كل حد يقول...تصدقين يوم سرت بها السكيت الأربعا الي طاف كلها سألوني من وين اشتريتها الريم: ليش من وين ماخذتنها؟؟ لطوف: عمي ياب لي اياها من بلجيكا الريم: والله عمج ذويق لطوف: هيه اعرف دوم اييب لي ثياب حلوة تجنن الريم: عطاري السكيت شو رايج نسير انا و انتي يوم نرد من السفر و نتواعد و يا قوم مياثي و شواخ تراني وايد تولهت عليهن لطوف: هيه والله انا بعد. ان شاء الله يوم تردين بنسير الريم: اوكي ( و دق باب الحجرة( لطوف: منوووووووووووو؟ هز اع : انا لطوف: شو تبا هز اع: اباج شوي تعالي لطوف: اسمحيلي الريم بسير اسوف روميو مالج شو يبا الريم ( وويها محمر): بتشوفين يا السبالة لطوف( وهي تطلع برا) : بقوله انج تحبينه موت الريم: لا حرام بليـــــــــــــــز لطوف: ههاهاهاهي ( وهي تبند الباب( سارت لطوف عند هزاع الي كان يالس في الصالة الفوقية و يترياها عالكنبة لطوف: ها خير شو تبا مشرشحني من عند البنت؟؟ هز اع: شو يالسن تسوون؟ لطوف: احين انت مطلعني عسب تسألني نحن شو نسوي هز اع: هيه.. لطوف: ما عندك سالفة (و صدت بتسير صوب الحجرة( هزاع : لا اتريي...مم لطوف ابا اطلب منج طلب لا ترديني لطوف: خير؟ هزاع: خليني اقول شي واحد حق الريم بليييز لطوف: لا عيب بعدين النبت مول ما بتيي بيتنا هز اع: لا بتيي الله يخليج لطوف لطوف: لا سوري هزاع... هز اع: والله بسوي أي شي عشانج لطوف: مممم ابا 500 عسب اوديك هز اع: اوكي والله بعطيج لطوف ( فاجة عينها): بتعطيني 500 بس عشان اوديك عند الريم؟؟؟ هل قد تبا تشوفها؟؟؟ هزا ع: واكثر لطوف: مممممممم اوكي تعال ( و ساروا صوب حجرة لطوف( لطوف( وهي تفج باب الحجرة): اييه الريم روميو يبا يقولج شي الريم( و يهها محمر) : شو؟؟ هز اع ( وهو يدخل الحجرة): هلا الريم الريم( ومنزلة عينها): اهلين هز اع: الريم ان شاء الله تسيرين و تردين بالسلامة.. الريم: الله يسلمك( و نزلت عينها زيادة( هز اع: بشتاق لج... الريم: ............. ( و هنيه حست لطوف بالريم( لطوف: اييه هزاع هذا الي كنت بتقوله و دفعتني 500 عسب اخليك اتيي الريم( فاجة عينها( لطوف ( طلعت هزاع برا): باي هز اع الريم: شو سالفةال 500؟ لطوف: روميو مالج قال بيعطيني 500 اذا خليته يدخل ويقول الي توه قال له الريم( وهي تقول في خاطرها فديتك هزا ع هل قد تحبني): حليله.... لطوف: الريم ممممممممممم ابا اسألج شي الريم: شو؟ لطوف: انتي تموتين في هز اع صح؟ جت مرة قلتي له احبك؟؟ الريم( و تفر المخدة عويه لطوف): جي يا حمارة مالج خص لطوف: قولي .... و منكم نستفيد الريم: لا ما قلت له اوكي لطوف: حليله اخوي عيل ماخذ وحدة قلبها القطب الجنوبي الريم( تسوي عمرها معصبة): اووووووووووه انا بسير بيتنا احسن عن ما اسمع رمستج لطوف: لا تمي دخيلج والله آسفة كنت اتمسخر..تمي بنطالع فيلم ديفداس الريم: همممم اذا السالفة فيها فيلم هندي بتم لطوف( اونها زعلانة): حتىى انتي مصلحة يا ريمو الريم( و هي تبوس لطوف): لا افديتج والله احبج و بتم عشانج لطوف:هههههههههه جي اباج وتمن الريم و لطوف يطالعن الفلم الهندي الي في الأخير مات البطل ماله و تمن الريم و لطوف نص ساعة يصيحن على نهاية الفلم. و عقبها ودعت الريم لطوف و ضمتها و وصتها ان دوم تدق لها و طبعا لطوف قالت اكيد و هذا الشي ما ينسى اصلا. ردت الريم البيت و تعشت ويا ابوها الي كان يترياها. و عقبها سارت عند ابوها فوق الحجرة و كانت طايحة عشبريته و تلعب بالموبايل ستـــووب يـ آحـلى آعضــآء وين سايرآآت خلص الجــزء لآتعصبوون بس سيروآ اشربــوآآ مويـهـ ورجعـوآ بتلقــوون التكملــهـ هع هع .. بـــآآكووز بو الريم: اليوم ناصر عمج كان عندنا الريم( وهي تبند اللعبة): هيه قال لي ان بيي عسب اييب التذاكر بو الريم: هيه و طيارتكم باجر الساعة 8 الصبح الريم( شهقت): شوووووووووووو؟ انا بعدني ما رتبت ولا شي و احينة الساعة 11 بو الريم: يا الله عيل قومي رتبي أغراضج و ارقدي باجر وراج يلسة من الصبح الريم( نشت بتطلع من الحجرة): تصبح عخير بو الريم: و انتي من اهله يا احلى بنت الريم( وتعطيه بوسة من بعيد): اممممممممواح احبك يا اغلى اب ( و طلعت برا الحجرة( سارت الريم حجرتها ورتبت أغراضها. طبعا الريم اتخب تتكشخ ترست الشنطة أغراض وعقبها رقدت وكانت الساعة 1:30. ياه ابوها ووعاها الساعة 5 و قال لها يا الله نشي عسب نلحق عالطيارة. تلبست الريم بس ما تريقت لأنها ما كانت مشتهية. و سارت ويا أبوها المطا وهناك تلاقوا و يا أعمامها و عمتها فاطمة و ولدها حمدان. الكل سلّم عبعض و عقبها دخلوا الشباب و الريم و ساروا فاطمة : والله يا أخوية بشتاق حق حمدان فديته بو الريم: انا الي بشتاق حق الريم هي الي منورة البيت فديتها فاطمة: الله يخليها لك يا رب بو الريم: آمين و يخليلج حمدان فاطمة: آمين بو الريم: ها اختي قومي بوصلج البيت . بعد انتي الله يهديج شو الي يايبنج المطار من الصبح فاطمة: ما اروم يا محمد ها ولدي و انت تعرفني انا لازم اوصيه بو الريم: ما يحتاي ولدج ريال و ينشد به الظهر فاطمة: اعرف...بس انت تدريبه قلب الأم بو الريم( تذكر حرمته الي كانت وايد تخاف عالريم و كيف كانت تتحمل به. كان يحس ان فاقدنها بشمل فظيع) : يا الله عيل مشنا.. فاطمة: يا الله.. خلصوا الشباب والريم الجوازات والتذاكر وكان باجى عوعد الطيارة ساعة ونص فقرروا انهم يسيرون السوق الحرة تحت يتريقون لين ما يزقرون عليهم. وهم يالسين في المطعم كانوا منصور وناصر يالسين يتريقون اما الريم فما كانت مشتهية وحمدان كان متريق في البيت الريم: ايييه نصّور قوم معاي ابا اسير آخذ عطر كريستيان ديور اليديد ناصر: لا حول نحن بعدنا ما ركبنا الطيارة و انتي تبين تتشرّين الريم: انا من زمان ابا هالعطر...يا الله نش تعال معاي ناصر: مب فايج انا يوعان و ابا آكل الريم: منصور قوم انت والله حرام جي تسوون بي منصور: سيري بروحج يا الدبة الريم: ما عليه ابوية هب هنيه عسب يدافع عني عشان جي ماخذ راحتك حضرتك منصور: طبعا ( قالها و هو شاق الحلج( الريم: اففف بسير بروحي ( وقامت من الكرسي( حمدان: انا بيي معاج الريم( وهي ترمس أعمامها): هاي الرياييل وله بلاش وسارت الريم ويا حمدان واشترت العطر اليديد وكانت يالسة تسأل الحرمة عن الأسوارة المعروضة وايد عيبتها وقالت في خاطرها: بشتريها يود برد بوظبي. الريم: يا الله حمدان ..نمشي؟ حمدان: مممم انتي سيري برايج انا ابا اسير اشوف عطور الرياييل الريم: اوكي سارت الريم عند أعمامها الي كانوا مخلصين اكل و يتريونها هي و حمدان لأنهم زقروا عالطيارة ناصر: ها وينه حمدان؟؟ الريم: سار يطالع عطور الرياييل ناصر: ها وقته؟؟؟ يالسين يزقرون علينا... الريم: انا شدراني سير ازقره انت منصور: كاهو يا....وينك يا ريال تأخرنا... حمدان: سوري والله بس سرت آخذ لي شي ناصر: شو حمدان: مب وقته احين يا الله نسير نلحق يالسين يزقرونا آخر نداء منصور: يا الله عيل... ( ونشوا من المطعم) اما في الطيارة فكان وايد زحمة مع انه قوم الريم كانوا يالسن درجة اولى بس بعد زحمة. كانت الريم يالسة حذال حرمة عيوز. تمت تحاول ويا واحد من أعمامها يبدلون كراسي ويا العويز لكن ولا واحد منهم طاع لأن العيوز كانت وايد ترمس وهم مب فايجين ويبون يرقدون. آخر شي قرر حمدان ان هو الي ييلس عدال الريم وحس انها فرصة عسب تتعرف هي عليه اكثر. حمدان ما كان يدري ان الريم ما بتحبه لو شو حاول لكن هو كان وايد متعلق بها و بيحاول أي شي بس عشان تحبه. و هو ككان يالس حذالها حمدان: ها الريم بشري شو النتايج؟؟ الريم: بعدها ان شاء الله بعد الاجازة بيخبرونا حمدان : ان شاء الله ( و رفع الجيس و عطاها اياه( الريم: شو ها؟ حمدان: حقج هدية الريم( فجت الجيس و كان فيه دبدوب و الدبدوب كان ميود السوارة الي الريم كانت تباها): اللللللله حمدان كيف عرفت اني اباها حمدان: عيونج قالت لي ( و كان يطالعها من الصبح( الريم( استحت): والله مشكور هزاع حمدان: منو هز اع؟ الريم( ارتبكت وما عرفت شو تقول): هذا اخو ربيعتي الصغير يجنن اموت فيه حمدان: لهالدرجة؟ الريم: هيه ( وتمت تتذكر هزاع... كانت مشتاقة له مع انها توها مسافرة( حمدان: ان شاء الله انا تحبيني في يوم من الأيام الريم( استحت و ما عرفت كيف تلرد عليه فتمت تطالع الدريشة ( وصلوا قوم الريم لبنان. اول يوم ما ساروا مكان لكن عقبها طلعوا في بيروت وساروا برا و طالعوا طبيعة لبنان الي تجنن. كان حمدان طول الوقت يحاول ان يكون ويا الريم والريم كانت تعرف ان حمدان يحاول يتقرب لها لكن عمرها ما بتحبه لأن قلبها مع هز اع. و في يوم من الأيام كانوا منصور و ناصر يبون يسيرون المول الي مجابل الفندق فالريم ـاخرت في اللبس و قالوا حق حمدان و هي انهم يلحقونهم. و هم نازلين تحت اللوبي حس حمدان ان هاي هي الفرصة المناسبة الي يرمس فيها الريم عن الموضوع الي في خاطره: حمدان: الريم.... الريم: هلا حمدان: ابا في موضوع الريم: خير حمدان: انا يا الريم احبج و ابا اتقدم لج مرة ثانية. يوم ييت لبنان حسين اني صدق متعلق بج . بس ابا اسمع ردج انتي قبل لا اسير لأبوج الريم( انصدمت..تحسبت ان حمدان نسى سالفة الخطبة): ما اروم يا حمدان ما اروم حمدان( عصب): ليش انتي شايفة شي غلط علي؟؟؟ الريم: لا بس انا ماروم استوي حرمتك.. انت ولد عمتي ودوم بحبك علي هالأساس و بعدين انا اك افكر في الزواج و مابا واحد ما الأهل حمدان: انتي ما تعرفيني زين عسب تحكمين علي الريم: لا اعرفك زين وكل البنات يتمننك بس انا ما اروم يا حمدان. الزواج قسمة و نصيب و ما لأظني انك تباني بالغصب صح؟ حمدان: انا اباج يعني اباج حتى لو بالغصب و الي بيتجرّا و بيتقدم لج بيكون آخر يوم في عمره الريم( عصبت من الخاطر) : انت مالك خص فيني انا باخذ الي باخذه ما اباك انزين ما اباك ليش ماتفهم ( و سارت تركض تبا تعبر الشارع عسب بتسير عند اعمامها ) حمدان ( كان منصدم من الريم وردة فعلها ماتوقع انها تعصب وكان يحاول ينببها عن السيارة الي ياية صوبها ) : الرييييييم تحمليي بس مالحق حمدان . السيارة دعمت الريم . وطاحت عالارض والدم مغطيها ولآ تقوولوو انزل بسرعــهـ اسمحووآ الي بتـآخر بالتنزيــل من شــآن الآمتحاانات |
||||||||||||||||||||||
|
|
|
|
09-01-2008, 04:54 PM
|
رقم المشاركة : [29 (permalink)] | |||||||||||||||||||||||
|
عضو
|
مشكووووووووووووووورة
بس نزلي بسرعة مالت عليج اغصانة الجنة |
|||||||||||||||||||||||
|
|
|
|
22-01-2008, 02:06 PM
|
رقم المشاركة : [30 (permalink)] | ||||||||||||||||||||||
|
عضو مشارك
|
رد: روآيــهـ :: .. + [ دوـوم بحبــه ] + ..
هههههههه العفــوو يااقلبي وهذآ بـآرت لـ عيــووونج وعيــوون ريحانووه هع هع |
||||||||||||||||||||||
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
