يابنت تغطي قدامك سعودي

يابنت تغطي قدامك سعودي


--------------------------------------------------------------------------------





--------------------------------------------------------------------------------
السلام عليكم ورحمة الله وبركاته

يابنت تغطي ...... قدامكـ سعودي

عــادة العين أصدق من الأذن وهناك العديد من المشاهد التي تلفت الانتباه

خـاصه حينما نسمع مقولـــة !!

تغطي يابنت هذا سعودي!!

لمــاذا ؟!! لمــاذا ؟!!

الموضوع صريح ويتحدث عن واقع نعايشه


بعض من هذه المشاهد :



المشهد الأول



فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي
تغطي كأنها ما كانت تكلم رجال مثله مثل اللي دخل وتغطي يا بنت سعودي.


المشهد الثاني


إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة
أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت



المشهد الثالث



بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل
وتأخذ منه الطلب مع الشكر
والتقدير وتغطي يا بنت سعودي.


المشهد الرابع




مجموعه من الفتيات في أحد المجمعات أو في أي مكان ودهم يسألون عن شي
صادفوا شخص لابس جينز وقميص لو سمحت يرد سمي آووه آآآآسفين
وتغطي يابنت هذا سعودي < طلع سعودي.

المشهد الخامس




بخارج المملكه تنزع الحجاب وتتحرر في لبسها ولكن عندما تعود

تلبس حجابها وتتستر وكأن لها رب في السعوديه ورب خارج السعوديه وهذا قمة التناقض .





وغيرها من المشاهد كثيرر
طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث
مع أجنبي بع****************** أن هي تحدثت مع سعودي !! .....




ولانريد التحدث عما يحصل في سياراة الليموزين (( التا******************ي ))
لأنها وبكل اسف غنيه عن التعريف
وفي الأخير أنا لأأقول أن هذه المشاهد تحصل في
مجتمعنا السعودي كله ولكنها تحصل في أغلبه




وهناك إضافه مهمه :

وهي انه في بعض المحلات خصووصا الماركات يكون اللي يبيع فيها اجنبي سوري او لبناني او مصري
لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي اكيد ابتسكت او تبتسم

طيب تخيلو ان اللي يبيع سعوودي وقال من عيووني يالغاليه او انتي تامرين امر
اش بتكوون ردة فعل البنت ؟؟
لاتقراء وترحل رد
تحياااااااتي

ههههههههههههههههههههه

و الله جبتيها

للاسف هذا الي صاير في مجتمعنا
كانه السعودي وحش
ما كانه الاجنبي اعظم من السعوودي
تدروون ليش
لانه بعيد عن اهله فشي طبيعي بيكووون حاااد النظر اكثر من السعوودي على قووولتهم
يبي يتصيد بس
و يبي الفرصه
لما تطلع البنت من دووون عبايه مثل السووواق
او تفتح ووويه قداااام البياااع
او انها تتقبل الكلام المعسوول من الاجنبي
وما اخفيك حتى احنا عندنا في المستشفى مثل الي يصير هذا
لما نجي يتغطووون
ولما يجلس معاااهم الهندي او الدكتور الاجنبي فاتحين الوجه و ضرب ضحك
طبعا مو الكل
العامه محترم لكن لك قااعده شواذ


و يسلموووووا على الموووضوع الحلووو

والله الواحد ما يدري وش يقول يعني

نحط اللوم على الشباب لانهم عسى ما يشوفون بنت في الشارع الا وناظرو فيها وغازلوها

والا الاهل اللي مسوين الشباب كلهم (ذئاب) وان اي واحد سعودي لازم يكون عنده سوالف بنات وان اذا البنت كلمته بغازلها ويتعرف عليها وبتصير سوالف مالها اول ولا تالي يعني بالمختصر ماخذين فكره عن الشباب السعودي انه (شهواني) الى ابعد الحدود ..طيب والاجنبي ماله شهوه ولا عنده ها الغريزه ولا شلون.. وبعدين الاصابع ماهي سوا

طيب فيه ينات برضو (حيايا) ويصطادون في الماء العكر هذيل هم اللي يرمو نفسهم على الشاب او (الذئب) واذا طاح الفاس في الراس قالوا لعب علينا حنا هبلان مانفهم شي واهو ضحك علينا ومسكين يا الشاب يروح فيها اهو ضرب من اهله ولا الحكومه ولاالسجن مدري كم سنه ولا سمعته اللي بتطيح في القاع واهي اللي مسويه كل شي تطلع مثل الشعره من العجين .

بس انا ما احط اللوم كله على البنات او كله على الشباب بس المفروض ان كل شخص يفترض النية الحسنه ما يحط الشينه في باله ويدور فيها

وفي الاخير اقول انه اولاد الحرام ما خلو لاولاد الحلال شي ..

و((الخير يخص والشر يعم ))

بس هذا الموضوع بالنسبه لي مستحيل الحل

اتمنى اني وصلت الكلام اللي في بالي بصوره صحيحه ومفهومه..

واشكرك اخت " جومانا2 " على الموضوع المهم والطرح الرائع

وتقبلي مروري