أطفال زمان .. وأطفال هاليومين .. وش الفرق ؟؟

ابتكلم اليوم عن أيام الطفولة هذه المرحلة الجميلة التي تتجلى بها البراءة ( الي يسمع ها الكلام يقول وش ها المثقف)

اخش بالموضوع على طول ... واحب من الجميع ان يشاركني في موضوعي

لشفت اطفال هاليومين تفنقع مرارتي مدلعين الي يبيه على طول يجيه

تلقا له غرفه وسرير وتلفزيون وسوني وكمبيوتر وتلقى غرفته متروسه من ها العاب شي انعرفه وشي اول مرة انشوفه وجهاز جوال اخر موديل..

والي قاهرني تلقا عنده بس (قط) الله يذكر ايام زمان البس ما يتجرى يمر بالشارع الي وراء بيتنا

المهم وتلقى على سريره دب ابيض كبر بيتهم..... يعني بالعربي بزران هاالحين مبسوطين ؟؟؟؟؟؟؟؟

هذا الاولاد اما البنات هاليومين مدلعات اخر دلع ( مساكين يا بنات زمان) مافيه دلع . مافيه الا ها المطبخ

تقوم وتنام فيه لكن هالحين ماتعرف المطبخ هالشغلات ترسات البيوت......... (هههههههههههه)

لكن تعال لطفولتنا غرفه انت واخوانك اخوانك 6 اشخاص والغرفة 6×4 يعني يالله تلقا مكان والي يجي متأخر باليل ينام بالمجلس

وكلكم يالسته بدولاب واحد...

وبعدين مافيه دلع مثل الحين العاب ماكنا انشوفهن الا اذا رحنا لسوق انشوفهن معلاقات بالمحلات

ولجيت للبيت اتقص لخوانك انك شفت العبه معلقه بالمحل

وبعدين لبس الرياضة ايامنا غير الحين اجيك الالوان مختلفة وغير متناسقة يعني الي يشوفك تقل قوس قزح 15 لون

وبعدين كنا مانعرف الكمبيوتر والسوني مانعرف الا كمبيوتر صخر وكمبيوتر العائلة (والله القديم)

المهم لاطول عليكم بس نتفق على ان اطفال اول ماهو مثل اطفال هاليومين

وش رايكم هل كلامي صحيح ومن عنده اضافات فلا يبخل علينا.