شوفي الزمن بيه اشعمل لا يسارة
النذل لا تنفع يمينة او لايسارة
خبر يفرحنة ماشفت منها ولايسارة
بس اهات وقهر ودموع منة اسيل
مجبور غضبن علي اترك عشك اسيل
اسئل عليها انا مايوم عني اسيل
اسيل راحت ولك هسة اجت مروة
لاخوة ظلت بعد لا صحبة لامروة
وحك حرمة صفا واترب مروة
الواحد لو ما يحب لو يحب نورة
سبحانة رب العرش في خلقه ونورة
غلطان هذا الذي يترك عشك نورة
نورة الصبح والظهر وجمالة هم ليلى
معذور كاظم ترة من غنى على ليلى
وجهك نور الشمس وشعرك نصف ليلى
يل شعرك ليل فوق الجفن فلة
وعن عيني ماغبت ابد فلة
ناس اتبيع جملة وناس اتبيع فلة
فليت كلبي انا ونطيتة الة بيداء
دنياي بس اه وقهر صارت مثل بيداء
لاحي بيهة سكن كلة ابسبب بيداء
للناس اشي الحصل من قلة الايمان
المفروض اسمج كفر مالازم ايمان
ومن جور وكتي علي ماظل بعد ايمان
من حيث حتى الدمع فوك الوجن ندة
خاب انت ضد الكلب حسرتي ولج ندة
ناديت كل الخلك محد عرف ندة
العمر راح انتهة ماظلت بعد اثار
جم طه بية ولك جم وجعة جم اثار
يادنية بسج علي كفي قهر اثار
طير الجنة انكتل بطل بعد تغريد
جذاب ذاك الكدر يوصل وصف تغريد
لاصوت الج ينسمع لاهمسة لاتغريد
ودموعي سالت ندة وصارت شكل وديان
كفرتيني المراجع كلها والحكيم والوديان
دوخني حب ليلى وندة وديان
لاجن يظل للابد حبج غصب سارة
منقول
هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
26-11-2007, 04:58 PM
شوفي الزمن بيه اشعمل!!
العرض العادي
