عيالكم ما يصلون أو متعبينكم؟ تعالوا شوفوا كيف تغيرونهم باذن الله

--------------------------------------------------------------------------------

السلام عليكم ورحمة الله

يمكن معظمن يشتكي ان اولاده مايصلون عشان هالسبب وصلتني قصة اتمنى ان الكل يقراها عشان يستفيد وانا فعلا بدات اطبق اللي فيها وعشان ماطول عليكم زيادة اخليكم تقرون القصة
ملاحظة: مااعرف اذا حد سبقني ونشرها بس انا اعجبتني واتمنى ان الكل يستفيد

تقول إحدى الأخوات :

بقول لكم قصة صارت لي انا
كانت بنتي بخامس ابتدائي..
وثقيله الصلاة عليها.. لدرجة اني يوم قلت لها قومي صلي وراقبتها

لقيتها حاست جلال ( شرشف ) الصلاة ورمته على الارض وجتني

قلت لها صليتي قالت ايه..صدقوني لاشعوري عطيتها كف

ادري انه غلط.. بس الموقف ضايقني وبكيت وخاصمتها ولمتها وخوفتها من الله
ومانفع معها كل هالكلام ..

لكن بيوم... قالت لي وحدة قصة.. منقولة ..وهي انها زارت قريبة لها عادية ليست كثيرة التدين

لكن يوم حضرت الصلاة قاموا عيالها يصلون بدون ماتناديهم ولا تهاوشهم

تقول .. قلت لها : كيف عيالك يصلون من نفسهم بدون خصام وتذكير ؟!!!

قالت والله ماعندي شي اقوله لك الا اني من قبل اتزوج وانا ادعي الله بهذا الدعاء

انا بعد هالسالفه لزمت هذا الدعاء ..في سجودي وقبل التسليم وفي الوتر ..وفي كل اوقات الاجابه

والله يا اخواتي.. ان بنتي هذي الان بالثانوي.. من اول مابديت بالدعاء وهي التي تقومنا للصلاة وتذكرنا فيها
واخوانها كلهم ولله الحمد حريصين على الصلاة
حتى امي زارتني ونامت عندي ولفت انتباهها ان بنتي تصحى وتدور علينا تصحينا للصلاة

ادري
تبون تعرفون هالدعاء ؟؟؟؟


في سورة ابراهيم

رب اجعلني مقيم الصلاة ومن ذريتي ربنا وتقبل دعاء


أسألك يا رب أن تعصم قلوبنا برباط العفة والإحسان

وأن تجعلنا من يبشر بروح وريحان

وأن تغفر لنا زلاتنا وهفواتنا أبداً ما أبقيتنا..

وأن ترزقنا ثمرات الصبر والاحتساب ، فإنك غفور كريم تحب دعوة عبدك الأواب.

اللهم متعنا روعة قربك والورع منك
................فإنه لا منجى ولا ملجأ إلا إليك..

اللهم آمين.

______]____________