امي

امي شجرة خير وام في الضخين ,,,,,, هموم شالت عنه ابد ماتنجرع

وحملت اسيوف الدهر ماصاحت آه ,,,,,خاف من الاه واحد ينفجع

كاع حره امي وتوضت بلفرات ,,,,,,,,واحنه ربك بيهه خلانه الزرع

امي حدر جناحهه يبات الحمام,,,,,,,,,امي شجره واحنه من عدهه الفرع

مره سمعت صوت دمعاتى يصيح,,,,,,,ضلت بدمعاتهه تسكت الدمع

وكبل مرنه الجوع بس ماجنه جوع,,,,,,بس تلزمه جفوهه تحول شبع

ومره صار الوكت بعيوني ضلام,,,,,,,,حركت احله سنيهه وصارت شمع

وجان عدنه الخوف سيد كل مكان ,,,,,,,وجان عدنه الموت سيد عل وضع

وامي جانت سيده بس عل حنان ,,,,,,,,وبلعواطف امي تتفجر نبع

امي ربك بيها جمعهه الخصال,,,,,,,الطيبه بيهه بفطرتهه وصارت طبع

امي لو مرنا خطر مدري شتصير,,,,,,وحده وعلى ولادها تعادل جمع

امي لو ونت تون الهه الجبال,,,,,,,,وتوكف طيور السمه تضل تستمع

امي صوره منزلهه وآية سلام........امي در البلوفهه عل كل يشع

امي من شافت اجت لينا السيوف,,,,,,لفلفتنا بثوبها وصارت درع

وغيض امي تقارن بغيض الجليل ,,,,,ولو بجت تبجيلهه عيون الشمس

امي من تدعي تشك اذن السماء,,,,,,رغم اخشن صوتها يطلع همس

امي من تدعي على ايام العذاب ,,,,,,,تخلي الباجر يردم بكصة امس

رحمه وعله اولادهه رحمة ملاك,,,,,,,,,,وكبل فزة عيونهم كلهه تفز

حضره من أطوفهه شر مايجيك,,,,,,,,,نخلة ترميلك رطب كل ماتهز

مره ردت امشي بدرب مابي امان ,,,,,,,عيوهنهه اعله الركبه شدتهن حرز

اذنب أبحقهه وارد بيهه استجير,,,,,,,,بلا عتاب تكوم بذنوبي تجز

ولو همومي ستفحلت بس يمه اصيح,,,,,,,تصير سيف بركبة همومي يحز

امي من تحجي الشعر يمهه يذوب,,,,,,,,ويختلط صدر الشعر ويه العجز

يسلمووووووو

الف شكررررررر

على تعابيرك للام

الام نعمة وبوركت في اختيارك للقصيده وكتابتها

تحياتي

مروركم يفرحني اخوتي

يسلموووووووووووووووووووووو
تعابير حلووة
يعطيك العافية