موضوع: غزل على طريقة حلوة

ورد بيك

حنان الكون ثق كله ورد بيك

واظن احشاء ما عندك ورد بيك

أطلع من وسط روحك ورد بيك

لأن انته يغالي الروح اليه


معانيك غريبه اوبيهه اشكال

من هرش العنب حد شجرة التين

اوجمالك يختلف عن باقي هناس

لأن انته عسل والناس من طين

صعب تلكه ملح والحسن بأنسان

بس انته الوحيد الحاوي الاثنين؟؟

تهت صدك يعمي ابوصفك اليوم

مثل واحد يتيه ابنص طريقه

يظل مشدوه باله اوحاير اهواي

لأن تيه عدوه من صديقه

وانه صدك تهت ما بين الاوصاف

اوصافك تحير لن رقيقه

من رقة جمالك عقلي مشدوه

بعد ميميز الساعة ودقيقه

مو صوت الأسمعه منك اتكول

سمعت زرياب يعزف بالموسيقه

اوعن الناس عطرك يختلف حيل

يل عطرك عطر ورد ابحديقه

واطرافك أبد مو چنهن أطراف

چن واحة عسل هاذي الحقيقه

اوخصرك يا حلاته ابنص الهدوم

چن سيف أبكراب ايشع بريقه


ونظراتك سحر ما بي بطله

اوكلام الناعم اترجاك بطله

امنشوفك چني واحد كاظ بطله

لأن رمشك ظلام اوثلج سنك

امش الله عليك اشكثر سنك

يا سيف ابركبتي ايصير سنك

اذا شاعر كبير ايجيد وصفه

خدوده الكل عليل اتصير وصفه

اونيته چن زلال اتكول وصفه

وشفافه نهر لنشف ميه

عطشان اني اجيتك يابس الريك

وشفافك نهرلليبس ريكه

أو طولك أوصفه ابمردي مشحوف

أويا مردي الغرك بكبر غميكه

أوشعرك چن حرير ابغير صالون

اوصدرك ثق برد لكبر حريكه

شهك كل الحسن من حسنك أوصاح

ربي امنين جبته اودرع زيكه

يحله اشما عتك خيطك يكيشان

وانته خيوط كيشان اوعتيكه


الكلب من ساعة الحبك هلك ليش

احچي اوياك ما تحچي ها لك ليش

اقتنعو كل هلي ابحبك هلك ليش

ما قنعو ابحبك ليش اليه

رائع راااااااااااااااااااائع شكرا جدا يا أبو الابداع