وش فايدة المغازل ؟؟؟؟؟؟؟؟؟؟

السلام عليكم وحمه الله وبركاته ... خواني بغيت اسألكم سؤال وااايد محيرني ...

ابي اعرف وش تستفيدون من المغازل ؟ يعني وش بيصير لكم لو ما غازلتوا ؟؟ واذا واحد مثلا غازل اختك طبعا بتشرشحه و تقعد تتضارب وياه لين ما يتأدب ... طيب ليش انته تجيه تسوي ببنات الناس ...
انتوا بس لو تفكورون في الشي الي تبون اتسووه قبل ما تسونه والله احسن ...
لا تفضحون عماركم ولا تفضحون البنات ...


واسمحولي .. بس بغيت ردودكم وخاصة الشباب سمعتو لازم يكون في حد

__________________

تحياتي:
أليم الصمت

أليم الصمت

الغزل متلازمه تاريخيه لبني البشر ولو قريتي التاريخ لقيتي الهواويه واهل القلوب الخضر ( طبعا يختلف هواويه قبل عن التافهين اللي نشوفهم اليوم داقين المرازيم وطايحين مطارد وراء بنات خلق الله ) فهؤلاء اشباه رجال ومتصيدي الطرائد ولايمل الواحد منهم ولا يكل في سبيل تحقيق نزواته ... فقلبه مجمع تجاري به جميع العينات والاشكال فهناك من تعشقه وهناك من تستغله وهناك من تلعب بعواطفه ( يعني ترا ماهن قليلات شر حتى الفتيات ) ....
اما الحب والغزل العذري فظنتي والله اعلم انه راح مع اللي راحوا ... ذلك الحب الذي يحتوي الانسان فلايرى المرء غير الانسانه التي يحب ويحتويها بداخله ولايفكر مجرد التفكير باحلال غيرها مكانها .... وقد يفترق هؤلاء العشاق بسبب رفض الأهل او عوامل اجتماعيه اخرى تحول دون توالف هذين القلبين العاشقين وقد عرفت عددا ممن مروا بهذه التجربه ولكن في زمن سابق لها الوقت منهم من قرأت عنه ومنهم من سمعت عنه وقله قليله هي من عايشتها وسمعتها منها بنفسي ....
وكما هي ايضا قصه قيس بن الملوح وعشقه الخالد لليلي العامريه ...

اما وضعنا اليوم فاصبح الشاب والفتاه مثل متصيدي الجوائز ينظر للحب ويستغل كأي سلعه تستغل لمده معينه ثم ترمى جانبا وقد لايعي احدهم ( سواء الفتاه او الشاب ) انه قد يخلف وراءه قلباً جريحاً سيظل ينزف كثيرا .....

انا واحد مو محسوب منهم يا اختي

ما اعرف شلون اغازل

سلاااام
يمكن الموضوع بالاكثريه يخص الشباب لكن حبيت اذكر نقطه
يعني لو ما البنات يعطون الشباب وج جان الشباب ما غازلو .. اني كابنت ما احط الذنب كله على الشباب حتى البنات ليهم دور .. جنهم قاعدين اشجعون الشباب على هذا الشي ..

وشكراً خيه وصح اللسانج
واني بأعتقادي ان لو يغار على خواته جان ما غازل بنات خلق الله

ههههههههههههه

والله انا بس قاعده اقرا مواضيعكم الحلوه

اتونس لوووووووول