أول طف فدك موطف الحسن ...... وأكو نقطة تشابه بين الاثنين
دين الله أنكسرواحتاج تجبير........وضلعج من تكسرجبر الدين
اذا مازاد عندج عند الحسين......بس شويه زاد وصار جرحين
بالطف ارتباطج ثابت يكون ......لان ضلعج قرار لثورة حسين
اذا كالوا حسن بحوزته انضام......انتي لوحدج ما عندج معين
ما كولن فرق بيناتكم صار..... ولاهمني العدد قوة الموازين
شلون الوحدج مو حيدر وياج...... وحيدر وحده ايعادله سبعين
علي يكدر بصبعه ويكلب الكون....يحصدهم حصد ميخلي عدلين
ملاين بمحبتج لازم تموت.....وبكرهج غزل تهلك ملايين
اذانفرض علي ماجان موجود..... ولابد من وصي يقود الموالين
الج بس الخلافة امكدرة كدار......والج ترهم اميرة عللمسلمين
كوكب زهرة انتي بنصة مصباح...يوقد من شجر ما مرعلى العين
من نورج مناره اتضوي عالكون.....ومن عدهه انقطع مولاتي فرعين
نفس الشجرة انتي وفرعج حسين...ونفس ما صار يمج صار بعدين
اما البدن نفسة مدوخ الكون.....كلهه اتريد تعرف مندفن وين
ربج شال نعشج للسمه ابليل....وكبرج منه يمكن قاب قوسين
اذا مرج عطش وتغير الحال.....للماي العذب ترحيله امنين
بالله حسين منج يشرب الماي.....بس شلون انتي منين تروين
مدام الكوثر انتي ومصدر الماي.....يعني شلون من روحج تشربين
يا ثار الاله وثار الاسلام....يا ثار النبي وسيد الوصيين
كلج معجزة للدنيه واهناك .....شفيعه انتي وعلي الكل المذنبيين
يوم الحشر بيدج كفة الناس ....وبكيفج بعد انتي التحطين
هذه القصيدة للشاعر جمال الازبجي
عجبتني فوددت انا انقلها لكم
تقبلوا ارق تحياتي
هذه الرسالة تفيد بأنك غير مشترك أو لم تسجل دخولك بعد. للاشتراك الرجاء اضغط هنــا
01-02-2008, 10:16 PM
أول طف
العرض العادي
