تعرف إني أحبك

(( قصيدة من قديم كتاباتي ياليت تنال إعجابكم هذا والله الموفق ))




يالي نويـــــت بالرحيــــل ومعــــــزم تنساني
أرجوك لتتــــــرك اللي حبــــــك وتعلن رحيلك

ليهون عليك يالغـــــلا ذاك الغــــرام والجناني
عشــــق كله وفاء وإخلاص عشته في سبيلك

وإلا تبيــــني امــــــوت يعنى وتصد وتجفاني
ولاتســـــــمع كلامي ويصير شيطـــانك دليلك

ترا الدنـــياء اخــــــذ وعطــــاء وغيرك خذاني
وقفيت منـــــهم وسلمــــتك قلب عزم يجيــــلك

وأنت تعاكســــني الطـــــيب ومنــت عمياني
وماغـــــرك فيـــــني ولاأظــــــن عاذل يبيلك

تعــــرف إني أحبـــــك حب ماحــبه طيشاني
حب يحبه من سمــــع له صيـــت ويهنـــــــيلك

متكدر خاطــــــرك لاســــمعت غيرك تمناني
وتذرف الدمــــــــعة حـــزن ماتبي احد عديلك

لكن والله مايتــــوب قلبي عنك ياسيد خلاني
ترا كثر ماتشك فينــــــــي بالرضا دوم البيلك

بحواسي الخمس أمشـي لك بخاطر رضياني
وبكل ماذكـــر في الحــب من الحب به اجيلك

ولو ممشـــــاي لك على جــــمر يحرق بثواني
تلقاني الطيب الحنون الوافي لازهمت امشيلك

عقب هذا كله ياترا باقــــي ناوى هجــراني
إن قلت لا يازينــــــها وغيـــــرها الله وكيلك

0
0
0
0


وسلامتكم
فهد المري

صح لسانك وقصيده مميزه بكلماتها الرائعه

تقبل مروري

ح بدنك اخوى امير ولاهنت على مرورك العطر والغالى ع القلب


فهد المري

تعــــرف إني أحبـــــك حب ماحــبه طيشاني
حب يحبه من سمــــع له صيـــت ويهنـــــــيلك

متكدر خاطــــــرك لاســــمعت غيرك تمناني
وتذرف الدمــــــــعة حـــزن ماتبي احد عديلك


شوو هالحلى كله !!!!!!!!!!

كلماااااااات ولا ارووع منها وفيها معاني واايد

وكل بيت احلى من الثاني

المري ليش ما تشترك فشاعر المليووون ؟؟ماشاءالله عليك تقدر تبدع

وتسلم ع الطرح الطيب ولا هنت

هلا وغلا شيامي

اشكرك على مرورك اللى اسعدني والله

وعلى كلماتك الغالية على القلب

من ناحية المشاركة

أنا اجيد الشعر اجيد القائه

لكن اذا اللى قدامي اكثر من خمسة مشكلة ههههههههههااى

مقدر اواجة جمهور كبير ارتبك

وفي الاخير اشكرك

فهد المري