السرقة الفكرية والكتابية ... بدون (منقووول )

بسم الله الرحمن الرحيم

هذا اول موضوع لي بالمنتدى

واللي خلاني أحطه لكم

أني شفت الكثير من المواضيع المنقولة ولم تتبع بكلمة منقوول

لماذا؟؟؟؟؟

هل من حق أي واحد ينقل الموضوع بلا أمانة ..

أي واحد يكتب موضوع وبعدبن يلقااه بمنتدى ثااني بدون ما يتبعه الناقل باسم صاحب الموضوع أو منقوول

أكيد راح يتألم

إذا لقى أنه أحد أخذ مجهوده وعصارة فكره وصارت العالم تشكر في هالشخص وتثني عليه بينما حقيقة كل هالشكر المفروض يوجه له .. أكيد يتألم

وكذلك الجانب الفكري يعني إذا أحد عنده فكرة وعطاها أحد ويجي الشخص الثاني يستلم الفكرة ويحطها بإسمه بدون حتى ادنى إشارة إلى صاحب الفكرة الحقيقي ....
وين الامانة ؟؟؟... هذا اللي الله أمرنا فيه؟؟؟... ومشاعر هالشخص كيف ممكن تتداوى ؟؟؟؟؟

نقاشنا بيكون حول ما يأتي :

أخواني ما مدى أمانتكم بنقل المواضيع والأفكار؟؟؟؟

هل تعرضتم لسرقة كتابية او فكرية ...؟؟؟؟

وعندما تعرفون أن هذا الموضوع منقول وصاحبه ما اشار إلى أنه منقووول كيف تنظرون لصاحب الموضوع

؟؟؟؟؟؟

بالنهاية الأمانة أدب وخلق

ما يملكها اي أحد

وما يتميز به إلا القليل القليل

اخوكم الأمير

هلا بيك زوود يالحبيب رقيق الإحساس

لي الشرف أنك تنور موضوعي

وكلامك على العين والرااس

ومثل ما قلت الموضوع مشكلة موجودة بجميع المنتديات

ولكننا نناشد اعضائنا هنا على الأقل

لانه مااقدر أصلح المجتمع كله لكن نبدأ ببيتنا صقر البحرين

ونحاول نخلق جو الأانة الفكرية والكتابية بين الأعضااء

ليكون ننسب لأنفسنا عطااء لم نبذله

ونستمتع بكلمات الإطرااء والشكر والمدح لنا وأصحابها أحق بها وأولى دون شك

لكن السالفة فيها ضمير أخوي رقيق ... اللي عنده ضمير حي ترى ما يطاوعه يسوي جدييه

لكنا غيبنا ضمايرنا ورااء الشمس

وعشنا نقتات من عطااء الغير

اتمنى الكل يستوعب هالشي

هلا فيك مرة ثاانية وفي ردك الطيب ياالطيب.

أخوك برنسوووو

أختي أثينا

هلا بيج وبوجودج الكريم

والله أختي ما ادري أعزيج وأقولج الله يعوضج وإلا وشو ؟؟

بس ما شي يضيع عند ربج

يوم اللي تحطين بالأحمر لا يجوز النقل بدون إشارة لصاحب الموضوع الأساااسي

أي نقل غير مشرووع بيجيش عليه حسناات

>>>> قال يعني يوااسي

ما علينا

فعلا أختي

تذييل الموضوع بكلمة منقوول ما تضر بل بالعكس تزيد صاحبها قيمة بعين الآخرين

ويعطي انطبااع أنه أهل لكل ثقة

بعكس لمن يجيب الموضوع بدون ( منقوول ) وأحد يعرف أنه هالموضوع مو له ... بينظر نظرة دونية لهذا الشخص

أنا هني أستغربت كثرة النقل بدوون ( منقوول )

ويجي أحد ما يعرف الساالفة

فيقول له شكرا على الطرح المميز وما أدري إيش

وفي أعضااء وللأسف لمن يلاقو كلمة منقوول للموضوع يقل الرد عندهم وما يشجعوا العضو ....ويكتبوا شكرا على النقل وبس

طيب ليش ما نثني على الأمانة والذووق اللي يملكه هالإنسااان


ليش ما نشكر الثقة اللي قاعد يزرعها فينا له ...

المسألة معقدة ومتشابكة الله يعين

واللي ما يملك الإبدااع لا يصير حراامي

ويآذي البشرية

يعني كأنه نعطي للفقير عذر

دام أنك ما تملك تلبس رووح بووق

بينما المفروض يتوجه بشكل آخر

أنا يا اختي أحد من قراايبي تعرض لسرقة فكرية وطبيعي ألقااه يتألم ومتضاايق

ويتحسف على الثقة اللي عطاها لنااس وما كانوا قدها

تسلمين على ردج الحلو والطيب

واسمعي من أخوج ... خليها على الله واسأليه الثواب من وراها

اخوج برنسووو