محاورة شعرية بين الصافي والمالكي

بسم الله الرحمن الرحيم

هذه محاورة الشعريه بالأبوذيات للسيد سعيد الصافي والشاعر الشهيد رحيم المالكي

أتمني أن تنال إعجابكم

روحي تشوف كل ذني قدرهه
الزمن والناس ما يعرف قدرهه
العواذل قيسني وياهم قدرهه
عليهم موصه من نجم الثريا
رحيم المالكي
____________
طحت لا أخو اليفزعلي ولا عين
ولا يوم أستقر كلبي ولا عن
أله طول وأله حاجب وأله عين
أصيح دخيل لو صدت عليه
سيد سعيد
_________
يادنيا المصايب علي جدري
يتكالب ما برد فد يوم جدري
أنا الضليت كالمصيوب جدري
اليراني يشيل وعوف الثنيه
رحيم المالكي
____________
الدنيا خالفت وياي وجفت
بعين المحب عنه وجفت
عيوني من الدمع وشلت وجفت
وبقه بس الونين يحيط بيه
سيد سعيد
_________
أكابر ماأصيحن اخ جلداي
يا صوت الشماته عوف جلداي
لحمي الحي طلع وأنزع جلدي
لجن ثابت وروحي ذيج هيه
رحيم المالكي
____________
يا عود السكيته ويبس ما شاب
ويابس تنتله النار ما شاب
أنا راسي من طويل العمر ما شاب
لجن من خلتي شيب العليه
سيد سعيد
_________
ياكلبي ما نفع تعبك ولا رباك
وحستك صارت الدوخه والارباك
بطريقك بعد ما عاين ولا أرباك
من أطيعك هم ترد للحفره حيه
رحيم المالكي
___________
تحياتي