الى عين

سامحيني يا عيوني كم انا اتعبتك معاي
كم خذلت بالبكا وكم حرمتك من سعاده

سامحيني مو بإيدي هذا من سبة شقاي
من جروحي زاد بوحي بسبته عشت بنكاده

سامحيني لا غدا لي ارض وعيونه سماي
ولا غفيتي وشفتي رسمه دمعي غرّق الوساده

كل ليلي كل صبحي عايش بفكري ومعاي
اذكره بالخير دايم ليته يذكرني ببعاده

إشتكيته ومنه جفني اشتكى له من جفاي
ما يناااام ولا ذكرته فز من لذة رقاده

لمني بقلبك المك حيل والله يا رجاي
غايته يلقاك قلبي وعندي ذا أكبر مراده

إن سألت الشوق عنّي جاوبك دمعي بجاي
إذرفي دمعك وهللي كان هذا الدمع فاده

سامحيني يا عيوني دمعي زوّد في عماي
من كثر حزني أشوف الدرب حالك في سواده

تعطش النظره لشوفك وبحضورك ارتواي
إرحم الرمش المعنّى وللا هذا البعد عاده

وصلك دايم لغيري إنت ليه ما تنسى سواي
تقتل الشوق بغيابك وشوقي غافي في مهاده

من عرفتك زاد عندي الهم وزوّدت فبلاي
ما دريت بالحب هذا يقسى ويزوّد عناده

يحيي الفرحه بعيني وفيها ينصب لي عزاي
كل منسى ذكرهم اشوف هذا الشوق قاده

برسمك ضحكه بكحلي بس اشوفك يا غلاي
واغسل الفرقا بدمعي ولا فرحت ببكي زياده

يا عسى عيني لغيرك ما تهللي يا عساي
يا عسى بشوفك تطوّل وكل ما هلليت زاده

ليته يدري كم له ادعي حتى صار كله دعاي
من كثر ما بكي بصلاتي خوفي يصبح لي عباده

النمسيس

السلام عليكم

ياليت بس تكتب اسفل القصيده

انها بقلم عازفة حزن الله لا يهينك


ولك خالص الشكر

شكرا كثير