قصيدة عن الطير

النمسيس · 14-05-2008, 02:27 PM

يابومحمد دق باالقلب دقاق====دق الضلوع الجامده لين عاقه

جاني لهيب القيض وغدابي أرهاق===صارت على حلقي أسوات الشناقه

خلا ضميرالروح تسمع له أشهاق===من يوم ماهي باالخلا بنطراقه

هب السموم اليوم والقيض قد ساق===ساق البرادالقيض وقفا مذاقه

صكيت قدمي كل معبروميثاق=====من يوم زول الطيرقفاوثاقه

أبنشدك ياالقرم يوم العناضاق====وش حيلتي بلي نشوفه زهاقه

مدام سم الطيرباالروح بساق====فرع أبدمي لين بانت أبساقه

فاالبيت جالس صابني خف خناق===عندالمكيف صارفيني حماقه

مالي هواء شاري وبايع فاألأسواق==ولاني مع الي يهلكون الياقه

من بيتنا للحوش ونجيت حلاق====كله ملل ياخوك قصدالرواقه

ون جيت أبسلأرحت للجيب منضاق==أرقب مكان الطيروذكرألحاقه

حيث أن طيري يفتق الجرح بفتاق===من زين مابه باالتواصيف لاقه

بس أتذكرمشيت الجيب بشراق=====والطيركاشف برقعه لنطلاقه

راكدعلى التكيه سبوقن ولحاق=====طلعه حقاق ألياشلع بنصلاقه

يماعطيته ثم روح ولاساق=======عندي يصيدالصيد لشرعاقه

وافي وصافي مابه أدعوج ودقاق====من حر عينه كن فيهالصاقه

مناكبه هزعن نظرريشه أدقاق=====طول الموامي فيه والزورحاقه

أفحج أمسرول ماتقل فيه مسباق===طرح الهواء يوم الشبك تل ساقه

ذبحه فصيله للحباري وشناق======== متعلمن لصيد بمه علاقه

هذي أوصوفه شايق الشواق شعاق====الي دخل قلبي وطيرأشواقه

هذي حلات الطيرياخوك تنساق=====وكلن خذا من زهرة الوردباقه

عطني نظرك اليوم شاعروعملاق===والشورمنك ينعش الروح طاقه

من عندأبومشهورعلمن باألأوراق=====لبومحمد مرسلين البطاقه

وسلمتكم وتعيشون وعذرونا على القصوروالكتابه

تحياتي للجميع

وشكرا,

التايرنت · 19-05-2008, 02:08 PM

شكراااااااااا

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

قصيدة عن الطير

الشعر والشعراء