ممكن تفسير الحلم؟

السلااام عليكم ورحمة الله
1_ الحالة الاجتماعية : عزباء
2_ عمله : جالسه بالبيت
3_ العمر: 21
4_ الجنس:انثى

الحلم طويل عريض لكن الي اذكر منه اني امشي في مزرعة خالتي واشوف جزر في الأرضوامشي واقطف فيه وشكله كبير وحلوومعي بنت خالتي واخوها الصغير
واحنا نمشي عند الزاويه شفت جزره كبيره وخذتها الا وشفت 2 هنود يبون الجزره الي عندي تقولي بنت خالتي خليهم يولون لا تعطينهم قلت خلاص بعطيهم لا يسوون مشاكل خذو الجزره وحسيت ان في نفسهم شي زي ماتقول ودهم يذبحوني وشفت سكين عندهم واحد مسكني وجات السكين على ركبتي وطلع دم شفته ع السكين
تخلصت منه ماادري كيف اتوقع اني ذبحته
انا كانت عندي بعد سكين والهندي الأولي ماسكني الثاني قرب مني هو ماسك سكين حطيت السكين على عيونه الثنتين جرحتهم له بالطول

ونفس الحلم كنت امشي مع امي المكان كنه مزرعه او صحرا دخلنا في غرفه الغرفه فيها مرايا ومغاسل
حسيت عيني اليمنى تعورني وانا كنت لابسه نقاب ولد خالتي يتكلم ماادري وش يقول الي حسيته انه يتكلم عن عيني
فتحت نقابي وطالعت وجهي فالمرايا شفت عيني اليمنى السواد رايح فوق كني اطالع السما واحس بألم فيها ماقدرت اتحمل اشوف عيني كذا
على طول جلست على ركبي في الارض وابكي وانخي الزهراء سلام الله عليها
واقول نخوه يالزهره تمسحين على بالعافيه وانا ابكي وادعي من قلب