القلب مغلق.. للصيانه ..

[FRAME="13 90"]السلام عليكم ..

مسجات معبره .. اتمنى ان تحوز على رضاكم
------------------------
الله يساعدني على طـيّ ذكـراك * يا اللي تراودني علـى ماطرالـي

سويّت (قرعه) بين وصلك وفرقاك * ورست على فرقاك وألاّ أنت غالي
-------------------------
ألا يا صاحبي مالي عزا فـي جـرّة الأنفـاس * غلاك أشرف على مسرح جروحي واسدل ستاره

أخذني .. لا تخليّني على درب الرجا واليـاس * أداعب ضحكتي تاره .. وأحايل دمعتـي تـاره

تعال أفتش ضلوعي لا تقول أن الضلوع أقـواس * عليك العاشق المغرم .. يمينه تصفـق يسـاره

أحبك ليه ما أحبك وأحاسيسك ذهـب والمـاس * يا غاده .. علّمي غيد العـرب للحـبّ مقـداره
-------------------------
القلب في سوق الهوى لجلك يغيض ويمتلي * ماهوب راع مساومه أمّا أشتره وألاّ بعه

وألاّ بلاش أنسى مافات ومات وأسمع ما يلي * لا تترك الملتاع واقف لك على راس أصبعه

من قال لك ( ما الحبّ الآّ للحبيب الأولي ) * يا خامس أحبابي معك نسيت حبّ الأربعه

أضحك معي .. وأضحك معك لكنّ لا تضحك علي * طبعي علشانك تعبت اشلون وأطوبعه
---------------------------
وين انت يا مسرج هجوسي وانا وين * عيّت وسـاع البيـد تقطـع حنينـي

ألـف وسبعميه وخمسـه وستيـن * كيلو متر بالضبط .. بينـك وبينـي

عديتها والقلـب مـع كـل متريـن * يقسى على حدب الضلـوع ويلينـي

خليني اكتب لهفتـي بيـن قوسيـن * وحطي تحتها خط .. واستوعبينـي
----------------------------
دام الميانه مالهـا حـدود * يابنت .. لا عادت ميانـه

لاقلت احبك عندي شهـود * دميّ وفـوره واغليانـه !

كل الخطايا هيّنه .. كـود * زيف المشاعر والخيانـه

تفضليّ من غير مطـرود * القلب مغلـق لـ الصيانـه
------------------------
سميّتك اسطـورة الأحبـاب * يا الناعـم الليّـن القاسـي

ياما كتبتك غزل وإعجـاب * وش ذنب حبري وقرطاسي

وأسقيتني سمّ نـاب الـداب * وعروقي الخضـر يبّاسـي

محبّتك ..فـصّ ملـح وذاب * وذكراك ما طوّعـت باسـي

مير البلا ريحـة الأحبـاب * تهـبّ وتذكّـر النـاسـي !
----------------------
وراك ساكت والسما بـروق ورعـود * والليـل موحـش والهبايـب شديـده

مدري حداك الصمت وأصبحت محدود * وألاّ أنّ صوتـك فيـه نبـره جديـده

تنقل كـلام شفـاك بعيونـك السـود * وفي كل نظره منك .. جملـه مفيـده

جوارحـي لرضـاك مقتادهـا قـود * تقـول حاكمنـي بشـرع وعقـيـده

منقــــــــــــــــول[/FRAME]